今日真係太多嘢講, 真係不得不開多一頁嚟講吓!!
話說今日第一次跟沙律去做針灸, 嘩!! 成3千8蚊3次, 真係肉都赤埋, 不過睇住身邊一個一個變曬小童人!! 唉!! 比就比啦~~ 上到去, 醫師個人都幾nice嗰喎!! 睇佢同小春玩到癲曬就知啦!! 本來都好驚痛家!! 雖然沙律同Hedy, Kobe..... 都話唔痛啫, 但係都少不免會驚家嘛!! 直至我見到隔離個女仔(沙律個fd)針, 佢好似一d反應都冇喎!! 我問佢痛唔痛呀, 佢話都有d家, 不過忍到囉!! 哈哈~~ 呢個中肯d呀吓!!
到我啦終於..... 唔~~ 點講呢~~ 一dd位啦!! 肚呢... 就真係冇咩感覺, 手臂... 打慣針都覺得ok, 大脾... 有少少痛, 我就覺得個胃最大感覺囉!! 不過重括嚟講.... 都係好似比支針拮咗吓, 但係冇流血嗰種, 一閃即過嘅痛囉!! 跟住支針要插向到45mins, 唔知係未我比夠敏感呢, 我覺得個肚腩同大脾內側, 好似有d yuen yuen哋, 但係一d痛嘅感覺都冇嘅!! 不過.... 我問隔離個女仔有冇感覺, 佢又話冇喎!!
針到咁上下... 沙律就做埋線喇, 原來埋線即係埋條線入嗰個穴位, 咁條線要成2日先溶, 比起我哋插住45mins快廋兩倍喎!! 沙律叫我下次都試吓, 但係佢咁忍得痛嘅人, 都話痛囉!! 我望過支針.... 好似抽血支針咁粗囉!! 我重諗緊.... 好驚!!
針完之後.... 我同沙律重有豬豬, 就去咗AppleGreen到食Bunch, 就係嗰個少年食神介紹過, 有個包入面有隻半生熟蛋嗰間呢!! 我想試咗好耐家啦!! 第一次去到.... 地方都幾大, 感覺好舒服, d服務員嘅態度一流, 落地玻璃出面重有個露台, 比d煙民出去食煙, 哈哈~~ 唔怕煙親我小春嘛!! 價錢方面.... 又唔貴喎.... 100蚊留下有交易!!
嘻嘻~~終於都試到佢個egg in the hold啦!! 好唔好食?? um~~ 好食嘅!! 不過..... 隻蛋就唔係好夠蛋味!! 唉~~ e+d蛋真係..... 好難食到好有蛋味嗰d蛋囉!! 份量方面..... 唔係因為我岩岩針完呀!! 係就算正常嘅我..... 都唔會食得落囉!! 佢除咗有兩個蛋包之外, 重有兩條肉腸, 薯片, 同埋一杯生果, 再加一杯嘢飲!!
豬豬叫嗰個pizza都好似好正喎!! d香草好似好吸引咁!! 不過.... 我自己嗰份都未搞得掂, 所以都冇試到好唔好味添!!
嘻嘻~~ 下次要同老公再嚟食過先得!!
食完T, 帶咗小春番phillip wain玩咗陣, 就番沙律屋企喇, 嘩~~ 坐坐吓.... 豬豬個fd又嚟埋, 坐坐吓.... 羅倫又嚟埋, 坐坐吓..... 志雄又到埋, 哈哈~~ 住尖咀真係多朋友到訪, 哈哈~~
食完一餐好豐富嘅pizza晚餐(呢間外賣pizza勁好味, 不過唔知叫咩名)之後, 又有新嘢玩!! 就係試吓嗰隻eco2 mask喇, 聽人講呢d.... 咩二氧化碳咩咩咩... 就話好勁喇!! 又話咩徐子淇結婚前都用佢!! 沙律試過話超級得, 呵呵~~ 等我嚟試吓佢堅定癲先!!
話說......
- 改善暗啞膚色；
- 解決皮膚鬆弛及面部消脂
- 修復細紋及鬆弛；
- 消除暗瘡印及水腫；
- 激光及彩光治療後，能降紅、消腫及舒緩過敏肌膚；
- 增加有利物質如氨基酸及透明質酸的產生。
包裝袋入面有兩包嘢, 一包好似gel咁, 一包就好似粉咁, 兩包加埋一齊之後, 就要嗱嗱聲搞埋去, 之後就要即刻上面啦!! 我重搵保鮮紙包上面, 聽講咁會勁好多家!! 以我呢d咁乾嘅皮膚, 一上面.... 有少少"嗱", 不過一陣啫, 好快就冇嘢喇!! 咁我都唔係好驚嘅, 話曬佢隻嘢又話舒緩過敏肌膚家嘛, 我都唔算好敏感啫, 嘻嘻~~ 唔知係未我真係太乾好吸收呢, 我見到d一粒粒嘢好快早爆曬!! 哈哈~~
45mins過後, 呢隻嘢要洗.... 都係最好抺咗先!! 洗完又真係好似白咗d喎~~ 又冇猛緊嘅感覺, 紋呢.... 沙律話覺得我額頭少咗... 總括咁講啦!! 係有好到嘅, 有出街做完機嘅感覺, 滋潤咗.... 又冇咁鬆弛..... 但係..... 可能係我貪心咗, 以為講到咁勁, 一次就會好神奇咁水潤曬囉!! 哈哈~~ 沙律就話用多兩日會更好, 洗面嗰陣重會覺得自己超滑添喎!! 好啦.... 今個星期試多兩次先~~
沙律重話呢隻嘢去頸紋好得, 不過今次我塊面實在太乾喇.... 頸?! 聽晚一定要試吓先!!
姨婆同表姨都有嚟探我哋呀~~ 
我隻陰公豬仔呀~~
要姨婆抱住先肯訓....
重攬埋baby一齊訓添!!
