七月十四.... 好驚喎!!

自從七個月開始, 就成日有d精神緊張喇, 點知小春會唔會係七星妹家!! 重要呢排間唔中都會有d肚痛，好似頭先食飯嗰吓痛真係幾痛吓囉！當時第一個想法係.... 唔係吓嘛.... 我唔想七月十四生喎！好彩~~ 虛驚一場！

我個女叫羅詠春!! 嘻嘻~~

點解叫詠春..... 哈哈哈哈~~ 因為志雄D姪, 全部都係用個詠字做個名中間個字嘅, 而個詠字, 寫法唔一樣都得, 但係一定要用詠字音囉!! 咁阿B咁鍾意打功夫, 所以未岩岩好叫佢做詠春囉!! 哈哈~~  (當然出世會再幫佢搵人改名啦!!)

小春真係越嚟越百厭, 呢排唔知係未練緊蜈蚣彈呢, 我feel到個肚有d嘢反吓反吓, 好似玩緊人浪咁!! 春妹呀春妹.... 你知唔知做女仔要施文d嘅啫!!