岩岩見到隻小強, 嚇到我輕輕咁跳起咗, 好彩老公向我隔離扶住我咋!! 死啦~~ 呢d天成日都會有小強嗰喎, 我又咁易R柴點算呢?! 開始有d R Dee添!! 重要我本身又咁好平衡力, 坐向到都R柴嘅, 唉!! 真係令人擔心喇!!
唔知係心理作用定係點呢, 過咗3個月之後, 好似真係冇曬作嘔嘅感覺喎, 重開始好似大食咗添, 至於抑鬱呢.... 情況好似改善咗好多, 可能真係比我講出嚟, 成個人都舒服曬!! 哈哈~~
順帶一提, 唐氏個驗血報告都出咗喇, 9500:1 又過一關!!
哈哈!! 終於等到今日啦, 問我啦... 問我啦.... 係呀!! 我係有咗呀!! 哈哈~~ 我重要尋晚一到12點, 就即刻向fb留咗言! 嘩~~ 即刻勁多人回覆囉!! 其實我估佢哋都想8好耐啦!! 嘻嘻~~
今朝重去咗做唐氏綜合症嘅檢查, 1.2屬低風險!! YEAH~~ 又過一關, 重差驗血報告未知!!
大家睇吓阿B, 已經咁大個啦, 有曬輪廓啦!!