小春半歲生日快樂~

尋日係小春嘅半歲生日, 一早我就同志雄講, 話要買個蛋糕同佢慶祝吓!! 哈哈~ 有d人會話我誇張, 但我又唔係咁諗喎!! 其實當一個親子活動啫... 反而係佢哋諗多咗啦!!

全日向公司都冇心機做嘢呀!! 個心飛咗去夜晚買咩同小春慶祝好呢.....

番到屋企... 志雄已經買咗蛋糕啦!! 我就同小春落街... 買d佢食得嘅嘢, 例如bb餅, 蘋果汁咁囉!! 冇理由小春半歲生日, 睇住我哋食蛋糕, 佢咩都冇份家嘛!! 哈哈~~ 落到百佳, 問小春鍾意咩... 點知佢樣樣都想要囉... 睇咗好耐.... 結果.... 買咗一盒餅餅, 7樽蘋果汁, 一罐麥粉.... 本來最想買嘅雞肉糊仔... 竟然到最後唔記得拎囉!! 唉~~

點知番到屋企先發現, 包餅餅係比10個月以上小朋友食家, 睇吓個日子先.... 到小春10個月都到期囉!! 所以我又自己一個落番百佳換過第二隻, 岩喇... 呢隻4個月都食得, 比小春食少少應該冇問題嘅!! 哈哈~~ 到比錢嗰陣.... 個收銀竟然問我.... 頭先嗰個你個囡嚟家?? 佢好得意呀!! 個問題係........ 我頭先唔係排呢條龍比錢家!! 佢咁都睇到小春, 重要認得得添, 真係搞笑!!

食飯嗰陣, 聽講大番薯今日又跌咗落床, 唉~~ 唔知點... 講講吓... 就講放佢落沖涼盆.... 跟住食完飯.... 休息一陣..... 正想同小春切蛋糕.... 發現.... 大番薯真係坐咗向沖涼盆到玩囉!! 哈哈~~ 忍唔住.... 即刻抱埋小春落去一齊影相.... 點之.... 一落去.... 小春即刻蝦人囉, 又摸人哋個頭, 又差人哋個口咁, 真係比佢笑死!!


睇佢... 一落去就即刻攬人啦

呢張又想出手啦~~

都唔明佢做咩成晚咁忟憎.... 唔通大個女啦.... 學發脾4啦....

到切蛋糕啦!! 點解都係唔開心呀bb?!

睇吓我哋第一次食餅餅, 竟然.... 佢真係咬到... 重食咗一角添!! 反而.... 平時咩都食嘅大番薯, 一味係咁咬咬咬, 但係一d都咬唔到!!

*P.S. 雖然只係半歲生日, 但都祝小春健健康康, 聰明聽話啦!!

小春越嚟越可愛啦~~

尋晚做完facial, 收到媽咪嘅電話... 當然... 又可以聽吓小春把聲啦!! 哈哈~ 蠢豬... 明明聽到佢好多嘢講嘅.... 但次次一聽到我叫佢呢.... 就即刻收曬聲!! 媽咪話佢好專心聽緊我講嘢.... 但係.... 小姐... 比d反應我都好哎... mama好想聽吓你把聲家.... 搞到我好似同自己打假電話咁.... 哈哈~~

臨收線... 媽咪話... 收相啦!! 呵呵~~

你哋睇佢.... 唔知以為佢好大個.... 點諗到佢只係一個岩岩識轉身嘅bb呢?! 不過呢張相真係好招積... 真係好死我啦!! fb重有人話佢好似打雷台, 中場休息咁款.... 哈哈~~ 其實佢只係得5.5個月, 可以扶住企到一陣咋!!

Vegas LED Facial

尋晚去咗試做Vegas嘅LED Facial

講到咁勁, 等我試吓堅定癲先.....

 

               一上到去... 門口感覺... 好閃... 乾淨... 服務員好有禮貌咁帶我..... 入去(只係拉開咗條布).... 有張貴妃椅... 坐底填form... 服務員又好有禮貌咁問我飲咩.... 水哎唔該... 但係因為貴妃椅前冇枱... 杯水放咗向斜對面嗰張枱到.... 填緊form.... 望得到... 飲唔到... 哈哈~

服務員再好有禮貌咁帶我去開locker.... 問我要浴袍定要low cut... 我心諗... 可能按肩頸... 都係low cut好d.... 連拖鞋都有得揀... 棉拖定紙拖... 非常好.... 換完衫出嚟... ee~~ 人呢?? 搵人帶吓我哎唔該... 終於有人叫我坐底等一陣.... 不過都好快就入房喇..... 房... 一般美容中心房大小... 冇音樂... 冇香味.... 開始....

我嘅美容師叫Mabel... 可以讚一句.... 佢好夠力.... 不過肩頸按得唔係好夠!! 嘻嘻~~

洗面... peeling... 針清... 修眉... 導出... 導入... LED... 樣樣都做得好足.... 產品佢話係日本品牌Naris嘅櫻花系列.... 不過我就覺得冇乜香味... 都不特止... 重... um... 又未至於臭嘅.... 可能真係好天然啦... 就好似你真係嗅一朵真花咁囉.... 唔講得香... 又有少少草澀味咁囉!! 而且... 重幾潤吓.... 潤到.... 有d難推添... 不過for我乾到咁嘅人.... 嘻嘻~~ 好似又幾掂囉!!

我好buy佢個導出.... 雖然唔知佢導出到d咩... 不過.... 大部份美容院做個peeling就算... 然後好標榜點點點導入.... 但佢有個導出... 感覺更係勁d咁.... 哈哈~~

至於LED... 做完.... 覺得自己滑咗... 同有光澤咗囉!! 做一次嚟講.... 真係算幾好家啦!!

雖然只係做facial.... 但係我都沖咗個涼先走.... 因為按完肩頸... 少不免都有d.... 嘻~ 沖完涼出嚟... 睇吓d地方先... 其實佢呢到都唔算大.... 更衣室得兩格... 沖涼房又係得兩格.... 重有張salon嗰d洗頭床.... 唔通有專人幫你洗頭?! 咁奇怪嘅..... 梳妝枱設備都算完善.... 就係唔知點解.... 冇櫈嘅呢?? 哈哈~~

換完衫... 又出番去個等侯室.... ee~~ 有塊板.....

咁多明星嘅.... 即係點呀.... 好多明星向到做facial哎.... 老板識好多明星哎.... 定係點呢?! 嘻~ 真係唔知!!

最後... 有位小姐又介紹吓d產品咁囉.... 但係一d都冇hard sell.... 令人都好舒服嘅....

 

試後感.... 雖然地方細d.... 但係.... 可以講係我咁多次試做嘅美容中心入面.... 佢入頭3甲啦!!

lavera 有機抗敏2合1潔面乳露

今次係第一次收到she.com送嚟嘅試用品, 當然... 要認真試吓... 之後誠實報告啦!!

 

今次收到嘅係lavera 有機抗敏2合1潔面乳露

 

本身... 我就唔係鍾意用洗面奶嘅人, 總係覺得唔夠清爽咁, 但係呢隻又ok喎!! 洗完唔會繃繃緊之餘, 又幾乾淨添!! 感覺就好似... 岩岩做完一個保濕mask咁... 嘻嘻~~ 第日就唔洗落妝又1支, 洗面又1支咁麻煩囉!! 最好係咩呀... 係佢可以落埋眼妝哎嘛!! 哈哈~~ 又因為我岩岩先做完換膚, 雖然本身唔係敏感皮膚啫!! 但岩岩換完膚, 都係小心d好... 不過佢係有機同防敏感嘅, 所以我都用得好放心!!

佢重有一種講唔出係咩嘅香味, 好醒神... 哈哈~~

 

不過...

臨寫blog之前, 我都有睇吓其他blogger點睇呢隻嘢, 見到有人話... 佢可以落到防水既睫毛液, 咁勁~~ 等我又試吓先....

點知.... 嘻~ 我又係衰嘅... 我搵咗d超防水嘅試.... 結果.....

最上嗰條係超紅唇膏 (紅色不嬲都好難過清)

第2... 係遮暇 (都唔係好清)

第3... 超防水眼線 (依然頑強)

第4... 超防水睫毛液 (一d作用都冇)

 

所以最後評論~~ 洗面好好, 可落日妝!!