口頭禪

話說識我嘅人都知我有幾句口頭禪差唔多日日都講，就係~~錯曬、仆街、低能仔、賤格同埋死八婆！

錯曬~~就係因為阿志囉！以前向統一做嘅年代，佢成日講o家！應該係唔知邊套戲入面講過呱！佢好鍾意記埋d對白台詞，跟住叫我哋估邊套戲，如果你估唔到呢！佢就會話枉你重自稱何里玉！大家記唔記得呢句呀？應該係當年家有喜事入面周星星同張曼玉講嘅！哈哈！其實唔好話佢哎！我同志雄都好鍾意講埋呢d對白！嘻嘻！有時真係幾好用o家！呵呵！就係因為咁，慢慢錯曬都變埋我嘅口頭禪第一位啦！曾經重有好幾個人同我講，你成日咁話我搞到我咩自信心都冇曬啦！乜真係咁錯咩？唔係錯咁簡單喎！係錯曬喎！哈哈！白痴仔呀！

仆街~~哈哈！俗就俗d！都話口頭禪更係冇得改o家啦！呢句嘢最大嘅受害者就係Bonnie喇！大家唔好誤會，唔係因為佢真係好仆街，而係我記得我初初入嚟e+呢間公司嘅時候，Bonnie係就係都串o家啦！但係佢係唔講粗口嗰囉！點知...可能係成日比我話得多佢仆街，入曬腦！佢嗰次竟然話番我仆街轉頭呀！哈哈！我未笑番佢囉，你變咗啦！近得我多粗皮曬啦！因住一陣番到屋企，改唔到口同你老公講咗仆街咁就真係仆街啦！哈哈！

低能仔~~以我記憶所及，呢句嘢係2000年開始講o家！點解咁記得？因為當年我開始有同d chat fd通電話，可能係類似以笑啫醜之類嗰d咁嘅低能原因呱！我經常都會話佢哋低能仔，一有嘢接唔上就低能仔，一dead air又低能仔！重之就低能仔啦！哈哈！到e+我諗都冇乜邊個冇比我話過低能仔o家啦！但係...唯有Hedy一個，佢會死死同我爭辨話佢自己唔認係低能，大家留意喇！唔認！唔認係唔代表唔係o家！哈哈！到到上星期有日同佢哋出嚟飲嘢！我話玩緊Lost in blue個男仔樣好似J Ma一樣咁On狗！講講吓就講到低能仔，結果向On狗同低能仔之間，佢終於都肯低頭認自己係低能啦！加上後尾小名又發揮佢嘅比喻才能...佢話更係選低能啦！低能有社會認同哎嘛，重有社會保障同支助添！On狗係冇o家囉！如果有日你搭車冇比錢，司機話你嗰陣，你話係呀我低能o家！佢會同情你！但係如果你答，係呀！我On狗o家！會比人踢你落車囉！哈哈！又係喎！重有好多著數添！跟住我哋成晚一有咩事，就扮出攞住張卡咁嘅手勢話~~係呀！我低能o家！所以話呢，早d接受自己個病，點都係一件好事啦！哈哈哈！

賤格/死八婆~~呢兩句...唔洗多介紹啦！細細個都識講啦！我諗冇人未講過呱？死八婆買波籮一蚊十二個，真係連歌仔都有得唱啦！咁點會未講過啫！哈哈哈！至於賤格呢~~真係唔講唔知原來好多人，尤其係女性，都接受唔到人哋話佢賤格o家！起初我都唔知，因為我細細個同沙律都係咁話人，對於我哋一班熟d嘅嚟講！賤格呢句嘢同黑人憎冇分野囉！但係d人就會覺得要好嚴重先會講呢句嘢，話佢賤格就好似話佢係衰女人賤女人咁！Oh! My God! 唔該曬啦！e+咩年代呀！邊到重有十全大好女呀！話明賤格~~固名思意更係講個格賤啦！唉！咁都唔明！真係低能嗰囉！

阿山生日

話說自從當年冇同Hedy玩之後，都冇同阿山慶祝過生日啦！記得當年阿山生日係一年一度嘅盛事！點解？哈哈！唔係因為佢有咩特別，只係因為大家出嚟做嘢之後，同d村友聯絡就少咗好多啦！而佢生日通常都係最人齊，大家亦玩得特別高興！

上星期五，事隔咁多年之後，又有機會參與佢生日啦！可惜~~同我想像中相差九千八萬里！可能係因為今年到埸嘅村友唔多啦！只係得我啦、Hedy啦、邦邦、豬敏同蕭顯志！特別嘅事得一摏，就係阿山好早飲大咗

，向我扶佢嘅時候，佢摟住我，竟然喊住咁同我講，好高興向佢嘅生日Party見到我，令佢覺得好似又番番去當年成班人好開心嘅日子咁，佢話佢個人其實好念舊......

其實我又何嘗唔係呢！...係唔係呢？係唔係呢？定係因為呢幾年冇~~所以先特別想要呢！係懷念定係真係重想要呢！總覺得每次見到佢哋，唔係傾唔埋，亦唔係玩唔埋，但係硬係差咗d嘢...差咗d一齊成長嘅經歷，你可能會話識咗咁多年，理應好熟悉大家脾性，一鐽就著番啦！又冇代溝，冇可能有問題啫！唔係囉！如果新識嘅朋友當然冇問題啦！但係對住佢哋，一班一齊經歷低能年代嘅舊朋友，冇咗...應該話錯過咗大家一齊經歷成長嘅片段，就成件事變得唔完整啦！你可以話我執著，係~~我應！

不過畢竟有d嘢冇咗就追唔番o家啦！所以我唯有好好珍惜我e+嘅所有朋友，唔好再有任何錯過，亦希望好快又可以再建立到新嘅共同嘅搞笑嘅十萬個可能啦！

P.S. 其實都真係幾想見吓黃德囉！

 

打磨機都壞埋

其實上個禮拜部機已經壞咗啦，因為我係磨磨下甲部機燒咗摩打，所以搞到e+d指甲唔知似乜咁，一d長一d短！不過到今日都未攞去整！真係覺得自己實在係太過懶啦！希望聽日記得拎去整啦！但係唔知保養包唔包呢！唉！唔通要買過部！

唉！希望快d再可以整靚靚指甲啦！唔係嘅話d技巧生疏曬就大獲啦！呀！唔得！等我e+就即刻剪曬d指甲等佢哋休息下先！嘻嘻！

沒有電腦用的日子

由上個禮拜起，我公司部腦就壞Q咗喇！原先壞一樣嘢，整完番嚟重衰過未整，有冇搞Do錯呀！好啦！不下換咗四次機比我，一次比一次大部同醜陋，但全部都係廢嘅！每次拎過嚟唔夠半個鐘就拎番走囉！吓！乜唔係試過機先拎過嚟o家咩！拎到過嚟又拎走，做咩呀？真係貪拎呀！拎嚟拎去就浪費曬d時間啦！

當然我更係走去Michelle到投訴啦！等佢做醜人哎嘛！我話我咩都做唔到呀！今個月份糧做唔到呀！計時天數又未入，出勤天數又未掂，新人離職未入，加班配額未掂，件工單未對.....聽日話交Draft一定交唔到o家啦！佢哋知唔知我哋趕住計糧o家啫！一陣搞到又要勁O嗰陣，係未佢哋倍我呀！跟住Michelle幫我同IT個亞Ger講話要買部新機比我囉！但係買機都要等一個禮拜，d嘢唔通真係唔洗做咩！

我唯有又做軟硬兼施嘅軟，走去同亞Jeff講啦！的確我係睇到佢哋有做嘢嘅，不過咁都唔係辦法o家嘛！我唔做嘢都要上網o家！我要睇住盤生意o家嘛！哈哈哈！

結果，都係要等亞Chris番嚟，拎咗部大牛龜比我，佢話叫我用住先喎！唉！好過冇啦！