尋日，特登攞咗日假等大陸d傢俬到！橫掂都係喇！咁住不如裝埋冷氣啦！原先都好好哋o家，點知張床又突然話要到喎！嘩！成間屋都係人囉！
冷氣師父點幾鐘到，一整就整到成三點幾四點！等佢一走，即刻又吸塵又掃地
向呢個時侯，“大床駕到！”嘩！fit曬size囉！最欣賞就係個床頭櫃哎嘛！好靚呀！有樣嘢都幾搞笑，就係我哋做呢張床嘅時候要求整2層櫃桶，咁樣張床可以高身d，咁床下底又可以放多d嘢嘛！哈哈！e+張床連埋床褥，坐咗上去連我同志雄咁高都有d釣腳囉！哈哈哈！志雄個媽咪重好笑！佢封咗幾封利事向床嘅四角就唔出奇啦！佢重叫志雄家姐個仔向張床到碌咗幾嘢囉！
最後，連我哋房個大櫃都裝埋喇！完全係我要嗰隻囉！不過，一輪工夫之後就更係抹到傻啦
嘻嘻！等今日個電視都送埋嚟，再等遲d買埋張梳妝枱，基本上間房個雛型就出曬啦！嘩！勁開心囉！d傢俬就全部白色，牆身就粉藍色，天花用番白色！呵呵！勁襯我哋張結婚相嘅藍天白雲囉！雖然e+重未掛上去，不過諗都諗到啦！咩呀？“靚囉！”
發生咗一d事令到我呢幾日心情好差, 
有矛盾、有擔心、有對人性可怕嘅失望...重之就受盡折磨啦！不過一切都唔重要啦！因為已經雨過天清啦！
尋晚志雄同我講咗句野，令我覺得好幸福，因為唔似係佢平時講嘅嘢，
所以先更值高興同感動！佢話佢想過咗中秋之後介煙，我問佢點解咁突然呢？佢話因為佢覺得佢應該開始錫多d自己，咁先可以好好咁照顧我喎！嘻嘻！唔知點解次次聽到佢講呢d咁感動嘅說話，我都接唔到下一句，剩係識笑同點頭囉！成個白痴婆咁呀！
哈哈！其實我同佢一齊咗咁耐，經歷咗咁多嘢，終於都捱到e+預備結婚啦！
大家都應該學識點樣好好咁去珍惜對方，所以唔好理結果佢介唔介到都好啦！佢有咁嘅心，我覺得已經夠啦！
開始好期待我嘅婚禮快d來臨
由12號開始放假, 放到今日先番工, 足足放咗成6日假, 唔知重以為我有幾嘆, 其實攰到仆街！重攰過冇放過假！事關11 - 13號志雄屋企油油, 我諗住上去幫手啦！點知比我媽咪話睇死我幫唔到d咩！平時個人懶到咁！唔好左住人哋添呀！哈哈！結果...我上到去都係幫手摌吓個地下d油蹟咋, 就攰到我不似人型啦！兩日過後, 我同志雄乍嬌咁講...我咁大個女都未試過咁攰呀！
我以前向屋企都未試過做咁多嘢o家！點知志雄就即係扮曬嚴肅咁
唔知好嬲定好笑啦！之後我將呢件事同d朋友講！個個嘅反應都係一樣咁話！哼哼！你死啦！第日有排你受啦......哈哈！咁衰哎嘛！夾埋一齊玩我哎嘛！嘻嘻！尋日, 約咗去芝柏影相, 因為係酒店送嘅關係, 有埋全家福影, 所以林林同媽咪都晨咁早就陪我去到數碼港！由於我想影全家福嗰陣可以set埋頭點點點, 所以就諗住影咗婚紗相先囉！點知...11點選完衫, 化得妝嚟, 影第一個look, 已經兩點喇！不過, 嘩！靚到呢！係我最鍾意嘅英式slim款 + 大厘士邊頭紗！真係勁靚！但係結婚嗰日我唔會選擇著, 因為唔夠架勢嘛！唯有影相時著吓, 叫做過吓引啦！佢哋幫我選咗5個比較優雅d嘅景嚟影, 就係李克勤首紙婚個Music Video入面個書房、鋼琴、大班椅、火爐同埋一個大蛋糕！
影完大家已經餓到飛唔起啦！ 跟住志雄同林林就出咗去買嘢比我哋食啦！食完~~又繼續化妝set頭...OK！影第2個look影咗9個景, 到影完已經係5點幾啦！最可憐嘅係媽咪同林林, 特登請曬假, 點知嚟罰坐！坐到大家腰酸背痛！到到終於影全家福啦！又咁影, 又咁影, 你同我影, 我同佢影, 佢同佢影, 一齊影！足足又影咗5個景！
最最最大嘅問題係~~~~~~~~~
酒店只係送婚紗照6款8張同全家福3款4張比我哋囉！唉
！佢同我哋影咁多...即係全心想我哋自己曬多d相嘅啫！知唔知幾錢曬多一張呀！190蚊呀！低能o家！我已經叫咗佢哋到時記得記得制止我！唔好一陣又好似上次咁曬多咗成80張啦！哼！到時破產都似！
等我嚟報告一下我e+嘅進度啦！
酒店 – (已比Final Deposit喇)
婚紗晚裝 – (已經選好, 但好似有d唔夠靚, 重要轉款)
律師證婚 – (已比Deposit Hold咗期, 3個月前要上去律師樓簽擬結婚通知書)
花球 – (已比Deposit, 但未傾細節)
場地佈置 – (已比Deposit, 睇埋Layout添)
婚紗相 – (已經向大陸影咗一輯, 重有一輯酒店送嘅17/9影)
當日攝影 – (已比Deposit, 但未傾細節)
化妝 – (已比Deposit, 等選定衫先試妝)
傢俬電器 – (其實都7788啦！係差冷氣、梳妝枱同電腦枱未買)
禮服恤衫 – (買了)
媽咪衫 – (已比Deposit)
介子 – (買咗改緊)
花車 – (租咗, 要再傾花車佈置)
過大禮、嫁妝同回禮 – (一dd都未搞)
Set頭 – (Matthew話等我試埋妝先諗喎！)
片頭 – (約咗12/9第一次上去傾)
志雄禮服 – (完全未睇)
志雄父母衫 – (完全未睇)
伴娘伴郎衫 – (完全未睇)
婚前檢查 – (未做)
請帖 – (未印)
餅卡 – (未買)
回禮禮物 – (完全冇頭緒)
酒 – (未選)
………………………………………….重有d咩濕碎嘢, 不能盡錄
上個禮拜終於都租咗花車啦！結果租咗架粉紅色嘅倫敦的士，其實之前都有諗過租古董勞斯萊斯嘅，不過一來貴啦，要成四千幾五千蚊租3個鐘呀！二來都係粉紅色嘅倫敦的士有傻豹feel d嘛！哈哈！
租呢架車個車主又幾好諗頭個喎！因為如果你有曾經同佢租過車嘅做你介紹人，咁你同個介紹人每人都會有$500回贈！
咁同佢租過車嘅人就自然會好熱心咁幫佢賣廣告啦！就係咁...當然我都即刻向網到搵介紹人啦！結果差唔多有成6個人覆我呀！而我就向當中挑選咗一個，佢個名叫
鱈~~將會係07年12月結婚，早我1個月到，所以呢幾日我終於都可以問吓人意見啦！(好似我咁)，一係就夾唔到時間，搞咗咁耐係豬豬陪得我最多，沙律就陪我行咗一次婚紗展同去婚紗鋪選衫，阿珊陪我去佐敦落花球訂同選衫，冇喇！
例如過大禮佢搵邊間啦！d帖印成點咁啦！唉！唔係自己冇朋友，不過佢哋一係完全唔識
初初就話未有耐，唔洗咁快陪我啫，但e+日子一日一日逼近啦！大家為我著緊d啦唔該！如果唔係到你哋嗰陣，我又闊佬懶理o家！你哋自己諗呀！真係好煩o家！
