開始有番d回復正常嘅感覺啦~~

生完小春之後, 好似一直都冇停過咁, 直至停咗餵人奶之後, 唔洗日日隔日入媽咪到, 又唔洗一日4次泵奶, 好似個人都冇咁攰啦!! 嗰d唔開心嘅感覺亦開始慢慢調節到, 當然亦有好掛住個囡, 唔開心嘅時候啦!! 不過都開始習慣啦!! 反而係.... 有d驚個囡會唔會遲d唔痴我呢?!

e+個時間表大概係.... 星期1.... 志雄放假湊女, 夜晚一齊送番個囡番華富, 星期234... 自由活動, 星期5.... 接囡, 星期67.... 湊女, 呢兩日開始直頭覺得.... 開始有番d自己嘅私人時間, 放工番到屋企, 可以做吓facial.... 睇吓電視.... 玩吓電腦.... 處理吓d乜費乜費.... 睇吓關於小春打針d時間表.... 可能都只係好普通嘅嘢!! 但係之前就真係冇時間做!! 吹咩~~

自問唔係嗰d母愛氾濫型, 不過.... 如果你問我.... 要自由定要個囡呢?! 我會選擇要個囡囉!! 好似.... 好多朋友想約我星期六日時, 我都會諗.... 帶唔帶到小春去呢?! 除咗係因為冇人湊, 叫99湊.... 又怕麻煩到佢, 同驚佢搞唔掂之外, 最大最大嘅原因係.... 我一星期先得嗰3日見個囡, 我想珍惜吓囉!!

雖然.... 其實我都係得234見唔到小春啫.... 但係都足以掛死人啦~~

 

上面講得咁感性.... 但一zoom近見到呢張相, 佢又食手食到成個下巴都濕曬.... 真係激死我啦~~