2013年總結...

2013年總結... 阿bu身體尚算ok... 鬼馬可愛... 小春喜歡校園生活... 老積搞笑... 老公工作投入... 明顯開朗... 自己充實樂觀... 慶幸平淡... 願2014年... 大家身體健康... 進步進步...

2013年... 我對囝囡好似變大咗好多... 變壞咗好多... 哈哈~~ 勞氣....

得戚小春

尋日... 小春唔洗學琴... 朝早可以慢慢懶吓床先起身... 真爽... 睇吓... 小春竟然話要同翠斯一齊睇ipad囉... 咁樣hold住隻手... 佢唔攰㗎咩?? 哈哈~~ (走火入魔)...

終於決定早d出沙律屋企... 比佢訓陣晏覺... 我同沙律又煲吓劇後... 出發去玩具反斗城... 沿途又係啦... 係咁要我哋幫佢影相... 哎! 不過佢又好好嘢喎... 話說海運入面擺咗d不同款式嘅聖誕樹形公仔... 當中係有重覆嘅... 佢一路行... 續隻影... 突然... 佢念念有詞... 哎! 呢隻影過啦... 原來... 佢真係記得㗎... 勁呀~~

今次係因為之前有朋友送咗coupon.... 所以我叫小春盡情選擇啦... 咁更係有limit啦... 但就想睇吓佢會選咩... 初初... 佢只睇d細細件嘅玩具... 我懷疑... 因為佢覺得買嘅成數會高d... 哈哈~~ (咁樣諗自己個囡)... 之後一見單車... 個人癲咗喇... 可惜... 佢都係唔識踏... 幫唔到你啦....

之後... 見毛毛大眼仔... 又癲咗... 我覺得佢都係鍾意d細細個嘅Figure公仔... 成屋都係... 重睇.... 再見埋Toy Story... 不得了啦... 見佢直頭想R爆個頭嘅樣... 因為我話比佢聽... 今日嚟... 無論平貴... 佢只可以選一樣啫... 點呢... 要巴斯坐大車車好... 定胡迪巴士遙控車好哎... 紅心胡迪好哎... 定巴斯飛船好哎... 哈哈~~ 我同沙律猛向旁邊細細聲笑佢...

到幫阿bu選禮物啦... 小春又係照自己鍾意嘅去搵... 真係比佢激死... 哈哈~~

走時... 先知... 今年又擺咗迪士尼公仔聖誕樹... 因為之前影燈飾時都未有... 即刻走去影啦... 影完小春話想摸公仔喎... 我話... 媽媽只夠高抱你摸到Minnie咋喎... 佢唔制扁咀... 佢話佢要摸胡迪喎... 大家睇吓... 胡迪究竟向邊到............. 我話媽媽真係唔夠高呀... 咁佢就好老積咁講... 唉! 咁算啦! 摸貓貓啦... 唯有就摸咗Marie囉!!

番到沙律屋企... 嘩~~ 即刻急不及待拆禮物... 睇吓佢得戚到個衰樣... 真係影完自己都忍唔住笑...

跟住佢就開始佢嘅角色扮演... 自言自語啦... 一陣重攞咗我部電話去幫佢哋影相... (我估相中張紙巾係... 代表紅心食緊草掛)... 又過一陣... 我發現唔見咗個電話呢... 哈哈~~ 原來... 佢攞咗去... 幫胡迪同紅心擺咗個pose... 兩個向到睇緊我個電話... 而我部電話當時係播緊youtube比佢哋睇... 而小春係行開咗... 自己去咗搵糖食囉... 你話激死定笑死哎!!~~

與小春的星期六

話咁快又一個禮拜... 今個星期六日阿bu冇番嚟... 所以叫阿tun連放兩days... 我可以全程陪住小春... (雖然都冇兩樣)...

今日小春畫完畫番嚟... 食完嘢... 又冇Phonics上... 我哋就去咗還書&借書... 每次去圖書館... 小春都會表現得好開心... 但實際... 當借咗番屋企... 我唔覺佢特別鍾意睇書囉... 可能... 佢只係鍾意向嗰到嘅氣氛... 同d大朋友小朋友一齊睇書個感覺呱...

沿途經過冒險樂園... 小春又點會放過機會哎... 好彩我醒... 帶定嗰日去玩波波池時... 玩剩張可以坐車仔嘅票... 比佢坐一次車... 咁心熄啦呱... 哈哈~~ (雖然佢選呢架車... 除咗開關門... 電話響... 我都唔多覺佢有郁過)...

小春更係依依不捨咁走啦... 但趕住去上小動物數手指嘛... 唉~~ 個Miss都係keep住唔掂啦... 去到小春勁悶... 我問小春鍾唔鍾意上... 佢話好悶... 我今日再睇吓... 係就係開始有教一隻大象 + 一隻bear bear... 咁有幾隻手指呀?? 但sorry... 真係唔ok... 我哋冇再報名啦...

但番呢一個鐘... 又比我發現一樣嘢喎... 就係向呆等放學期間... 聽到有個媽媽講電話... 佢話1月黃大仙消防局有參觀... 到時小朋友可著消防員衫... 睇表演... 玩遊戲... 我即刻問吓啦... 佢重比埋相我睇... 話前年佢女影... 係著藍色黃間制服... 上年換咗新制服... 小朋友都換埋... 係杏色黃間... 真係好得意呀... 不過佢話只知1月... 叫我經過黃大仙消防局可睇吓... 冇分年齡... 哈哈~~到時一定要去先得...

放學啦... 同小春去咗一個之前未去過嘅公園玩... 佢經過上次帶胡迪sir滑梯後... 上咗癮咁... 今日帶咗唐叔出嚟... 細粒到呢...

原來e+d跳飛機係咁㗎喎... 哈哈~~ 小春當然未識玩啦... 但教佢一次之後... 佢大概都明囉... 只係未跳到啫~~

 

今次... 小春終於比仔圍啦... 但佢哋都幾得人驚... 話說小春第一次玩車軚千秋... 自己都未掌握到平衡... 兩個男仔突然飛插入去... 嘻嘻哈哈... 嘩嘩嘩... 小春都有搭兩句嘅... 但佢唔係好坐得穩... 睇得出有d唔知點... 其實我唔應該阻止佢哋嘅... 應該比小春自己諗辦法... 但我真係忍唔到... 襯佢哋一下等止... 即刻將小春抱番出嚟... 我承認自己有d過份緊張... 但真係整親腳點算呀~~

 

之後有就有得佢自己sir滑梯... 我自己玩第二樣... 哈哈~~ 玩咩... 睇吓... 後未都有教小春玩...

回程啦... 呢個小朋友好唔聽話呀... 又唔拖住媽媽... 結果媽媽走咗去囉... (偷偷影佢相)..... 但我覺得... 佢一d都冇驚過囉!!!

終於...可以番屋企... 訓晏覺啦.... 攰死媽媽... 一齊餅... 嘻~~

Boxing Day 2013

Boxing Day... 我對小朋友咁心急... 又邊會有禮物拆哎... 反而... 小春今日重成功... 又買兩件玩具就真!! 哈哈~~

由於Ms. Cheung星期日要去睇學生表演... 所以改咗尋日上堂... 好好笑... 我又偷影啦... 點知影影吓... Ms. Cheung走出嚟... 哈~ 我走都走唔切... 原來佢出嚟攞貼紙送比小春... 又原來佢送貼紙比小春時... 小春要求要 toy story貼紙... 重話比Ms. Cheung聽出面個櫃有呀... Ms. Cheung話... 吓~ 咁都比你發現到... 哈哈~~

 

上完堂... 諗住帶小春去玩波波池... 但諗諗吓... 不如帶埋阿bu去啦... 點知番到屋企... 阿bu訓咗... 咁我又同小春訓陣先出去... 順便就番4點後先有醫生睇...

點知再出門口時... 阿bu又食緊奶... 噢~ bubu... 整定你冇得去啦... 哈哈~~

 

番到屋企... 食完飯... 本來講好話做完功課先睇卡通... 不過張床實在太吸引啦... 都係開著張電暖墊... 縮上床... 陪佢哋睇卡通片好d... 睇吓阿bu... 又搞搞震啦... e+佢又唔怕鬧... 又唔怕打... 話佢重傻笑... 有時見佢笑... 我自己都笑埋一份... 佢重識你嬲... 佢就走埋嚟攬住你... 唉~~ 咁冧... 點嬲得落哎~~

Merry Christmas 2013

尋日... 掉低阿bu... 剩係同小春出咗沙律屋企... 行吓街... 去吓公園咁啦... 小春重特登要帶埋胡迪出去... 話要同胡迪一齊sir滑梯喎... 但因為24號晚玩得太夜... 個天又凍冰冰... 都唔多願去癲... 9點幾已打道回府啦... 番到屋企重有時間... 同兩條仔做吓功課添... 真係少呵~~