但係大家都知我係個黃子華迷!
所以, 呢個過氣潮流教父都要比d心機upgrade吓自己啦!!
呢排覺得自己越嚟越冇記性, 成日講講吓嘢都唔記得自己講緊咩! d嘢講完又講, d fd成日話比我知, 講過啦! 你講過啦! 好似尋日咁沙律話約我今日睇林狗, 到到放工我同志雄講, 我聽日唔番屋企食飯呀! 但係我唔記得咗點解我要唔番呢? 我要去邊呢? 究竟我係約咗邊個呢? 係真係切切底底咁忘記!! 結果車程大概半個鐘後, 我先諗番起! 而且e+呢份工又唔似得以前咁又要計糧, 又要做report, 又要諗吓點同大陸d仆街用email對戰呢! e+呢份工, 一d腦都唔洗用, 日日就好似一個可以上網嘅看更咁! 雖則話好過癮, 但係個腦就生曬锈囉!
一直都覺得自己係時侯學多d整甲嘅技巧, 但係本身對畫畫又唔係咁精, 點算呢?? 咁不如上網睇多d, 睇吓d人整d乜! 其實想學呢個立體花好耐o家啦! 膽粗粗都係要試吓!! 雖然就唔係整得好好, 顏色運用方面亦唔豐富, 但係第一次嚟講, 我自己都比自己合格啦!! 努力努力~~加油努力!!!
http://news.sina.com.hk/cgi-bin/nw/show.cgi/2/1/1/741531/1.html
呢條女真係過份咗, 不過又有邊個諗到寫個blog啫, 搞到咁大件事哎! 所以呢, 下次想有咩過激嘅言論, 都係落番private好d!!
今朝一早起身去厠所, 奶奶話志雄搵過我, 吓! 點解佢唔打我手提呢! 好少呵喎! 打番比佢, 原來番薯已經離開咗我哋啦! 係朝早7點幾嘅事! 唉! 好難接受呢個現實! 一個活生生, 調皮好動嘅人, 以後都唔會再出現向我哋面前, 冇咗! 係冇咗呀! 叫人點接受呀! 不過我冇喊到, 可能係已經有咗心理準備呱! 只係覺得真係好可惜囉!
下午, 同Kobe, 林林同媽咪去荃灣買介子, 係林林同Kobe嘅訂婚介子, 好笑! 本應應該係求婚介子, 但係e+一家大細去睇都不特止, 重要Kobe都去選埋一份! 結果選咗隻同我一樣款嘅, 都ok哎! 哈哈! 更係ok啦! 因為我都有嘛!!
夜晚我哋又一齊食飯, 重買埋個Mon.添! 番到屋企又夜啦! 點知沖完涼志雄又開兩罐啤酒嚟飲, 又食曬豬手咁! 結果又搞到咁夜都未訓!
今日一早起身, 已經係12點幾啦! 諗住出廳同奶奶講去飲茶, 點知我都未講奶奶就話今日唔去喇, 太多人啦! 又貴! 下次先去啦! OK啦! 唔去就唔去啦! 其實我都好攰, 都想訓多陣, 入到房睇咗陣電視, 岩岩訓著林林就打嚟喇! 佢話媽咪發緊脾氣喎! 話我唔理佢, 又話我一個電話都冇! 唉! 咁我就叫佢聽啦! 點知佢一拎起電話就係咁鬧我, 又話我唔打比佢, 點知幾點食飯呀! 係未想好似上年咁, 臨時臨急叫佢飛的出嚟哎! 唉! 大佬! 8點先食飯, 唔洗咁早啫! 咁我唯有就話叫佢早d出嚟行吓啦!
約咗5點, 跟住佢又打嚟約5點半, 跟住又話6點, 唉! 唔好理啦! 出去先, 費事一陣遲到又比人屌! 咁我就嗱嗱聲出門口啦! 點知...落到斜路~唉! 又R柴, 一R就見暈喇! 嘩! 標曬泠汗! 又得我一個人喎! 幾驚暈咗冇人理呀! 我死死捉住前面嘅鐵欄, 驚死真係跌低咁! 到隻腳好d, 我就即刻走咗去個涼亭到坐, 嗰到有d小朋友向到玩, 就算我有咩事, 都應該有人知囉! 坐咗一陣好番d, 我就行喇! 志雄問我點解唔坐多陣, 我都唔知點解呀!
上到車, 媽咪打嚟! 我話完比佢聽, 佢不單止冇再疲我, 重即刻好關心咁問我有冇事啦! 又話下次我番去整d咩比我食啦! 呵呵! 都係媽咪好! 唉! 其實我都知佢嬲咩嘅, 話曬呢個係我婚後嘅第一年母親節, 又冇打比佢, 又冇花收, 佢更係好唔慣啦! 年年佢一訓醒就有花收o家啦嘛! 今年冇不特止, 重要打電都冇個, 唉! 鬼叫我尋日番咗大陸, 咁夜先番嚟咩! 所以未冇買花入去囉!
行咗一陣睇Mon. 跟住就上咗笑笑食飯! 買單嗰陣, 林林話佢比, 叫我跟住就唔好R佢啦! 哈哈! 佢都傻傻哋o家! 出成75,000蚊Bonus, 我點會唔R佢哎! 而佢又邊到走得出我嘅R功哎! 呵呵呵呵!!!! 不過睇在佢結婚, 我都會手下留情嘅! 放心啦!!!
尋日放工後, 同阿冰, Niki & Hedy番咗大陸! 一路上, 4條癲婆係咁笑, 係又笑唔係又笑! 搭火車時, 見到個小朋友食紙, 好核突又笑一餐! 最好笑係阿冰話佢阿媽試過, 洗咗佢諗住掉嗰條紙底褲, 當佢發現就問佢阿媽啦, 點知佢阿媽話, 橫掂都洗咗喇! 著多次啦! 笑到我哋傻住囉! 哈哈哈!
我哋首先上咗萬象城嗰邊食飯, 然後又搭番火車去番火車站, 睇吓去邊間嘢揼骨, 點知Hedy一接嗰d傳單, 大獲! 9呀幾個人一齊衝埋嚟sale, 哈哈! 好似fans攞簽名咁呀! 結果我哋選咗間叫嘉洋城嘅, 嘩! 個刷背真係好堅囉! 但係嗰腳底就麻麻啦! 中醫都唔錯! 佢話我條脊錐有d變型, 哎! 咁都算佢幾叻啦! 不嬲都S型o家啦! 鬼叫自己堅持唔到, 繼續寒背咩!
揼完骨, 原先我哋約咗珍珍佢哋食飯o家! 點知我哋為咗洗唔洗計加一同骨場嗰d人噪, 最後只係省番2蚊, 哈哈! 結果, 去到食飯嗰到, 珍珍佢哋已經食完啦! 哈哈!
食完飯, 番香港喇! Niki就番新界, 阿冰同Hedy就去銅鑼灣, 唉! 剩得我一個人番鑽石山~~ 唉! 我未試過自己一個人過關o家! 重要一個人搭車, 好驚! 重要我帶咗成條煙, 冇人磅住我添! 終於番到鑽石山啦! 嘩! 黑蚊蚊! 都唔知邊頭打邊頭! 唉! 打比老公問完, 叫佢向屋企樓下接我囉!
尋日生日, 但係一早起身講嘅第一句嘢竟然係"仆街啦", 哈哈哈! 事關我起身已經係9:00am啦! 呢次遲硬到啦! 好快咁換好衫, 但係袋又未襯, 鞋又未襯咁, 是旦啦! 夜晚先算啦! 落到街~諗住搭的士, 點知又冇的士, 諗吓好唔好請半日假, 諗諗吓~尋日咁走咗, 今日又請假, 好似唔係咁好, 況且我又未過試用期, 唉! 橫掂都要扣錢, 更係番有so啦! 番工當遲到啫, 最多今個月未唔好再遲囉! 都係番!
打咗電話話晚d番之後, 成個人都行得慢咗! 哈哈! 輕輕鬆鬆番到公司, 開咗msn, 嘻嘻! 好多人同我講Happy Birthday呀! 勁高興囉!! 跟住就投入工作喇! 拎份嘢比Angie簽, 點知佢話我向海景餐廳到坐低, 問吓我尋日個朋友點啦! 我又問吓佢咁個Attendance Report點mark啦! 點知佢話半個鐘, 就當我冇早走, 當我冇打卡就算喎! 咁佢又問我今朝有冇睇醫生呀! 我話冇! 咁佢又問點解呀! 我就答佢因為我今日生日唔想去睇醫生, 哈哈! 佢話咁今次就都算啦! 兩日都當你冇打卡啦! 下次唔得o家啦! 唔好講比人知呀! okok! 我更係知啦! 嘻嘻! 好嘢! 唔洗扣錢啦!!!
Lunch ~ 原本阿冰話同我落去食蛋糕慶祝, 點知佢有客呀, 連食飯時間都冇埋, 結果Niki同Trisha同我落街買蛋糕, 諗住下午先再一齊食, 哈哈! 點知阿冰同Niki都唔得閒, 得番我同Trisha食, 唔緊要啦! 嘻嘻! 好好味呀!
放工第一時間就番屋企, 又要整指甲, 又要換鞋, 又要換袋咁, 志雄番到嚟重吹我出門口, 哈哈! 去到卡拉OK, Matthew已經到咗喇! 最奇怪嘅係, 佢竟然點歌唱囉! 哈哈! 唔單止呀! 尋晚d人重失曬常性, 連Emily, William, Mike都唱歌囉! 哈哈! 簡直係奇蹟呀! 結果玩到成4點幾先走, 番到屋企涼都冇沖就訓咗啦!
唉! 今日星期六重要番工! 真係慘! 攰到我咩咁! 唉! 都唔知幾多年冇番過星期六喇! 唉! 不過算啦! 呢到都幾好玩哎!! 今日重約咗阿冰, Niki同Hedy一齊番大陸揼骨添! 幾爽呀!!
呢個係我嘅生日甲, 由於係冇時間只好拎d嘢番公司整, 所以只係玩到閃石咋, 都好過冇啦!! 不過又出奇喎, 我用親呢隻紅色, d人都話好靚!! 咁又係嘅, 紅色指甲油真係幾難買o家!! 鮮得滯又娘又阿太, 橙得滯就重醜, 唉!! 搞到我都有d擔心, 用完呢支點算~~
今日中午約咗Pauline食飯, 嘩! 終於都等到呢日啦! 唔知契媽今年會送咩禮物比我呢?? 我哋約咗向Sogo Cafe食飯, 其實講真哎! 佢都算幾有心o家啦! 始終我都只係一個Small Potato, 重要已經離開咗安利, 但係佢都主動打嚟請我食飯慶祝, 都好多謝佢呀! 點知.... 佢今年冇買到禮物比我, 剩係買咗盒朱古力同埋封咗封利事比我咋! 唉! 講真...真係有d失望, 不過算啦! 人在人情在嘛, 我都明嘅! 其實都算係咁啦!
下午, 向公司接到志雄嘅電話, 話番薯吹雞~~話佢同嘉儀講自己唔得啦! 叫d朋友去睇吓佢! 聽完之後又點會唔心痛呢! 又坐唔安又唔知點咁! 志雄又話我聽日就生日喇~ 叫我一定唔好去! 唉! 咁點呀~~
打比媽咪問吓先! 佢都話更係唔好去啦! 況且之前都去睇過佢喇, e+唔洗去啦! 但係最後又話, 你自己睇交情啦! 如果係好朋友, 就算生日正日都會去o家啦! 聽完之後我都係決定去, 唔係因為咩交唔交情嘅問題, 而係除非我唔知o家啫, 我唔想第日會後悔囉!! 始終都識咗咁耐, 佢個人又咁好~
我同大頭同阿苑msn, 大家最後都決定去睇吓佢, 但係又未收得工點算呢! 左騰右騰唔知點好, 唯有幫佢念吓經啦! 但係結果都係忍唔住啦! 我同上司Angie講咗個情況, 就決定走先喇! 臨走我重特登問阿姐攞咗個利事封, 封咗廿蚊入去袋向褲袋!
一路上, 得我一個人, 好驚呀! 又唔係好識路, 又擔心佢, 唉! 重之就好緊張啦! 去到見到志雄, 沙律, Matthew同Emily向到bebe & 等我, 跟住大頭阿苑都到喇! 我哋就一齊上去睇番薯喇! 一出電梯, 嘩! 好多人呀! 有佢嘅朋友同親人, 企企坐坐曬向lift口, 好多好耐冇見嘅人都見到, 唉! 你話佢人緣幾好呢! 唉! 入到去見到佢廋咗好多呀! 不過都好...見佢肯食嘢! 唉! 睇完出嚟, 我有少少忍唔住, 唉! 點解生命咁無常呢, 點解一個咁後生嘅人, 話唔掂就唔掂呢! 唉!
聽Matthew講, 佢前後交帶咗兩次d親友, 詳情就唔知啦! 不過佢就有叫住Matthew, 又望一望嘉儀, Matthew即刻get到, 就同佢講明o家啦! 大家都好錫嘉儀, 會幫忙o家啦! 會照顧佢o家啦! 唉! 始終佢哋結婚唔夠半年, 點會捨得個老婆仔哎!
坐到九點幾, 見佢d屋企人都開始去食飯, 咁我哋就都走喇! 臨走我就同嘉儀講聲, 叫佢要加油呀! 有咩就打比我哋啦! 佢話會搵沙律o家啦! 唉! 佢真係好堅強呀! 希望冇事啦!!
本來今年好開心o家！老公第一年幫我搞生日會，我識咗佢咁多年，佢當然有同我慶祝啦！但係主動同我搞生日會，真係第一次囉！嘻嘻！有時真係會默默慶幸，自己嫁咗比一個咁鍚我嘅老公！不過．．．
佢哋話搞BBQ，但係又話有d人唔食，又有d人唔飲，咁埋單條數點計呀！講嚟講去，我都唔係第一日識沙律，佢幫朋友搞時，幾貴佢都話冇問題，到我喇～～佢自己重要唔食唔飲添，佢就更係諗縮數啦！佢話喎"你哋兩公婆生日咁近, 咁人哋岩岩先洗完一次錢, 又去咁貴, 咁唔好囉! 不如BBQ嗰1000蚊就大家夾, 其他飲野就自己買自己啦!" 吓!! 咁都得!!!
跟住我同志雄講, 志雄好嬲囉! 佢話咁都得, 咁唔好計埋我哋岩岩結婚, 佢哋做咗人請~~ 好嬲囉! 不如唔好搞啦!! 佢問我介唔介意, 其實我就冇所謂, 反正都好多年冇大搞生日啦! 不過你一係唔好同我講哎嘛! 講咗我諗住有得玩, 突然間冇~我會好失望囉! 就係咁志雄就同沙律講唔搞啦! 點知沙律打嚟屌9我話你搞就搞, 唔搞就唔搞, 米撚癩9我, 跟住重cut埋我線添! 嘩! 我勁嬲囉!
之後, 臨放工沙律又msn我話, 咁不如搞卡拉OK啦! 最易搞! 個個都鍾意! 但係我唔想同佢講囉! 我又約咗Bonnie食飯, 咁就冇同佢講喇! 點知落到街佢又打嚟! 屌! 人哋都話唔想講啦! 點啫! 唔想講住呀!
今日同Lorraine MSN, 佢話比我知佢有咗!! 真係恭喜曬!! 不過佢話成日反胃, 都幾難頂! 希望佢唔好再因為咁唔食嘢啦!! 你唔食阿B都要食o家!!! 嘩! 今年都真係幾多人有喎!! Bessie又話就嚟生啦! 時間過得真係快呀!! 記得我哋四朵金花識嗰陣大家都未嫁, 唔夠幾年, 嫁曬都不特止, 重要你哋3個都有曬BB哎嘛!! 不過我係最後嫁嘅, 最遲生都唔出奇啫!! 嘻嘻!!!
唔知係唔係媽咪呢排成日吹我生仔, 所以特別覺呢?? 平時真係唔多覺咁多大肚婆嗰喎!! 不過大家唔洗問我幾時生喇!! 個個都咁問, 真係有d煩!! 我最最最快都下年先諗呢個問題o家啦!!! 多謝大家關心先~~~
不過都真係恭喜曬大家!! 你哋要努力呀! 新生命呢樣嘢, 真係好奇妙呀!!
