MC之註冊日

尋日係MC註冊嘅大日子，我當然唔會錯過啦！

註冊時間係10:15am，因為唔想遲到嘅關係，我一早就起咗身，但係我呢個的士王始終都改唔到我mi mor嘅性格，結果9:45am先出門口，當然~~都係要搭的士啦！點知重要塞車囉！心急得我哎！

一仆一碌去到，點解咁靜o家！唔通已經開始咗！呢獲仆街喇，肯定比MC鬧！再行入d終於見到一對新人向門口影緊相！呼！咁都冇咁驚！MC叫我入去坐向哥哥隔離先！但係當我探頭入去，望嚟望去都見唔到哥哥喎！好彩呢個時侯，MC媽咪hi我，重叫我坐康仔(MC細佬)隔離，嘩！係第一行囉！重要係中間添呀！哈哈！

證婚儀式正式開始，一對新人宣讀誓詞，雖然係短短兩句，已經足以令新娘子哭成淚人啦！而我見到佢喊，又點緊得到哎！(我咁喊得)

行完禮之後，MC媽咪撓住我隻手一齊走出禮堂，其間我恭喜佢之餘佢又恭喜吓我囉！佢重係咁叫阿Mei快d同我影相呀！咁多年朋友一定要影多幾張相o家！個感覺真係好好！好似當我係自己人咁！

同埸加演一單笑料！話說康仔嗰日除咗影相全程帶黑超，咁我就走埋去話佢啦！點解頭先同家姐影相唔笑o家！佢笑咗一笑話，我不嬲影相都唔笑o家啦！過咗一陣，MC媽咪佢哋去飲茶話走先，呢個時候哥哥就好大聲咁叫~~喂！龍五~~走喇！嘩！當場笑到我收唔到聲呀！

d人走曬之後，當然唔少得......同新娘去Be Be啦！之後佢哋就繼續去香港公園影相，我就約咗表妹整指甲喇！

最後向到再次祝福佢哋永遠都咁恩愛啦！

 

番大陸攞相&買回禮禮物

尋日請咗假番大陸，可以話攰撚死人囉！首先就去咗芛崗買回禮禮物(當然唔會話比你哋聽係咩啦！)，其實之前都上過去一次，大概都知會買d咩o家啦！但係又格吓價啦，傾吓d Packing啦，又要買埋d濕星嘢啦！結果都搞咗好耐！話時話，嗰到真係好多嘢買o家！有成3個文具城！入面當然唔止係得文具賣啦！

之後就去咗現代經典攞番上次整花咗嗰張40寸大相，最細嘅4寸相薄，同埋執完相之後嘅相底！點知個相底都係唔得！最終佢哋話費事要我再行多轉，速遞嚟香港比我喎！更係好啦！但係我都同佢哋講囉，如果我唔滿意都一樣會番嚟叫佢哋整過o家！

嘩！攞住嗰幅相行都有困難囉！重要搭的士！40寸呀~係40寸呀！都唔知點上車！哈哈哈！結果我坐車頭，Jofee就攬住d嘢坐後面！唉！行到邊都驚整到人，又驚整到幅畫！真係難為咗我老公啦！哈哈哈！

婚前XX症

唉！因為實在有太多阻滯啦！我發覺呢排有d情緒低落！唔知呢d感覺係唔係，定究竟係婚前乜乜症呢！每次聽到d人話唔得呀！嚟唔到呀！公司又咁岩Annual Dinner！一個都嚟唔到呀！大佬~~嗰到成圍幾兩圍呀！點算呀！勁唔開心囉！個感覺就好似得唔到人哋嘅祝福咁！好悲哀呀！另一面又諗，唔通嗰日真係咁好日子！唉！總之就頭痕啦！

跟住，MC又結婚啦！真係好替佢開心！我哋咁多年姐妹，重要同一年結婚，真係唔識點講嗰種衷心祝福佢嘅感覺！不過，可能係佢又忙，我又忙啦！大家都冇幫大家籌備過咩關於結婚上嘅嘢！呢樣好似有d可惜囉！佢重可能會做唔到我姐妹添呀！都唔知點算！唉！

所以我嗰日同豬豬講，如果再有人話比我聽唔去得！我會同佢絕交囉！哼！

漸變色文字

大家睇吓我幾叻！d變色字係未好靚呢！係我個blog fd教我o家！佢真係好勁呀！跟住佢學
嘢，由乜都唔識嘅我，都可以整到個blog越嚟越多嘢，越嚟越靚！我真係越嚟越覺得，電腦
真係太神奇啦！

哈哈哈！我真係實在太叻啦！好開心呀！

試妝&男禮

星期日, 沙律陪我去試妝，個化妝師都幾有心機, 個妝亦ok啦！係我d皮膚乾d囉！可能係因為呢排d天氣太乾燥呱！唉！大家知啦，我係一個唔塗任何護膚品嘅人，單靠天生麗質,

平時化淡妝就完全冇問題啦！但係一塗嗰d咁嘅又濕粉又乾粉又碎粉, 九廿幾層嘅時候，就經唔起考驗啦！個虎口位嗰兩條紋深到呢！原先我都諗住下個月去做吓彩光想改善吓！點知個化妝師話叫我千祈唔好喎！佢話佢個客早三個月做都回復唔到喎！超！咁即係呢條Q又唔得啦！唯有都係勤d做Facial啦！

星期一, Jofee同Matthew去試男禮，我同豬豬一去到，見到佢哋

兩個好煩惱嘅表情，跟住又話條褲有褶好yor，又話d禮服同條褲唔同色，又話要自己出去配褲~又咁又咁，咁你件禮服又唔帶得出街又點配褲啫！搞咗好耐，結果原來人哋有冇褶嘅褲個囉！一換咗~~條氣順曬！到選禮服啦！Jofee一味驚誇張，但係結婚係要適量地誇個喎！咁又要氹佢試啦！結果都算ok啦！

 

之後到Matthew，挑戰就大啦！佢係咁話接受唔到自己咁樣，又話想著番屋企自己嗰套又剩，我明我明~~佢型慣！但係人唔係剩係得一面o家嘛！除咗型都可以玩吓第二隻feel囉！首先佢就換咗件恤衫同褲啦！出到嚟就勁話人哋條褲緊，又話上到條腰到~~跟住勁張個褲頭係咁捲底去，話要整到變底腰喎！

呀~~~激死我啦！之後佢又拎咗條幼呔！本來就冇問題，不過大家要知道，禮服恤衫係企領o家嘛！打幼呔又好似有d不倫不類囉！佢又話要著番屋企嗰件恤衫嚟襯條呔啦！救我呀！跟住著埋件西裝褸，好似著咗老豆件西裝咁！

我真係頂唔順啦！打比沙律投訴，你條仔呀！咁咁咁呀！沙律就叫我同佢講，你有幾時見過張國榮著踢死兔扮Hip Hop呢？Matthew就答係嗰時未有Hip Hop咋！

 

好彩個女仔好快就攞過另外一件禮服款，小修腰嘅比佢！ee又幾fit喎！向呢個時候，奇怪嘅事就發生喇！唔知點解Matthew突然間括咗出去，話著得小禮服唔著企領恤衫好似唔係幾好喎！我更係即刻連番“係係係”啦！佢又話喇~~

咁著企領恤衫打幼呔又好似唔係咁好哦呵！“更係啦！更係啦！”咁佢就換咗個bow！嘩！我即刻定番好多！跟住個女仔話不如你換番條大碼褲試吓啦！應該唔係大好多嘅啫！咁佢就試啦！真係ok喎！我更係打蛇隨掍上啦！咁不如試埋個腰封呢！試吓之嘛！到佢帶咗上身，嘩！好靚仔呀！好有型呀！係咁讚佢囉！

佢又抓吓個頭話咁要剪吓頭髮啦！哈哈！佢話喎，咁大個仔做過咁多次兄弟都未試過咁行，我同豬豬即刻異口同聲話“你今次係做伴郎呀！”

有鼓勵, 更係希望做得更好啦！

我個人就真係幾古怪，耐唔見一個人~~我就會突然好掛好掛住佢(就算唔係好熟都會)，有時重會即係打電話比d人，同佢哋講我好掛住佢添！不過到真係打到去，講完掛住之後，

就冇嘢講啦！哈哈！如果嗰個係我d Best fd，例如MC我重會覺得有d內疚添！

 

曾經...我又有為咗劉德華同黎明，內心爭扎得好厲害過！話說當年黎明岩岩出道，做咗套天涯歌女(女主角係陳松齡) 嘩！靚仔到呢！

對眼電死人咩！但係當時嘅我係超級華仔迷(e+都好鍾意)，點算呢？如果我鍾意黎明，會好對唔住華仔嗰喎！點算呢？貪新忘舊！我睇唔起你！爭扎爭扎吓！我終於做咗一個決定啦！

黎明正衰人嚟o家！佢唔出見就唔會搞到我有異心啦！自始之後我就唔鍾意黎明啦！(e+咁大個人喇！更係冇再咁諗啦！)

 

講咗咁耐！究竟想講咩呢？~~

 

哈哈！其實係想話，自從開咗facebook之後，我發覺自己冷落咗個blog呀！雖然平時都唔係咁勤力寫！但係始終硬係覺得係自己分咗心, 真係唔岩喇！哈哈！重要嗰日向facebook有個女仔add我，話鍾意睇我個blog添！

哈哈！咁我真係愧對我d讀者啦！哈哈哈！以後記住要多d番嚟寫吓嘢先得啦！

邦邦生日

星期六，一早出咗去剪頭髮，跟住約咗Hedy去補條眉，之後夜晚就去咗邦邦嘅生日會！

嗰晚見番好多好耐冇見嘅朋友，感覺好親切又好奇怪，玩就更係冇問題啦！但係已經唔係心交嗰種啦！始終~~我已經唔係嗰個圈子嘅人啦！

點都好啦！見到黃德我真係好開心囉！重有偉雄真係大個仔啦！真係唔可以唔認~~我真係老啦！

Facebook

之前成日收到人d email叫我玩facebook，我心諗...未同friendster一樣，開咗之後幾年都唔上去睇一次！冇乜意思！但係呢排越嚟越多人玩，重要唔止email，d人直頭係dau口dau面問，好撚煩！結果~~我更係頂唔順開咗啦！

到e+開先覺得自己out out哋！人哋個個都已經有九廿幾個fd，自己呢？重未識點玩！不過...循例都要試吓o家！唔係一陣人講咩都唔知就比人笑啦！但係for我嚟講呢，冇啦啦send杯drink比我，或者係我又冇啦啦比隻蛋你，嘻嘻！真係無聊之極！

可能係我重未識享受呢種樂趣呱！但係如果有d人真係可以搵到失散多年嘅朋友，咁意義就變得好大囉！好唔好玩~~又即管玩多一排試吓啦！

加咗新嘢！

前一排睇睇吓人哋d Blog，比我發現到有個人又係用Pink Panther做主題，咁都不特止，佢重好叻o家！重教人點樣整靚自己個Blog添！

大家有冇發現，我個Blog已經加多咗音樂同埋計時器啦！好勁呀！之後我重會整好多嘢o家！不過真係要比d時間學吓先囉！

哈哈！唔知佢之後重會教d咩呢！好期待呀！

律師教你冷知識

尋晚同Jofee上咗律師樓，簽擬結婚通知書，搞完一大餐，重要上埋個講座！不過又估唔到喎，原來有好多嘢學o家！例如企位點可以靚d啦！點可以避免新娘嘅裙擺比人踢嚟踢去啦！交換介子時應該交叉咁拖手啦，帶介子嘅手勢係應該手心向天啦！咁就唔會阻住攝影師影隻介子啦！嘩！真係唔講唔知呀！最難得嘅係，連Jofee都話學到嘢呀嘛！

上完堂，同Jofee經過一間食日本放題嘅，就上咗去諗住試吓喇！跟住點......更係失望收場啦！哈哈！Jofee食完重同我講，我哋要記住記住記住，放題都係唔岩我哋，因為我哋食得又唔多，同埋通常放題d嘢都係唔新鮮嘅！不過唔知點解次次我哋都會話試吓啦！咁就又上當啦！哈哈！

重歸正軌

尋晚終於都番咗屋企, 一切都歸於正常啦! 見到媽咪當然係好開心啦! 不過就真係比志雄估中咗, 我真係訓唔著呀! 成晚眼光光都不特止, 重要肚痛添, 又唔係痾嗰種喎! 總之就痛囉! 都唔知搞乜!

今朝一早, 又試係咁賴床啦! 又賴床賴到要搭的士啦! 唉!

Last一晚啦! 聽日就可以見到媽咪啦!

7:28pm! 今日係未好早呢! 事關今晚係最後一晚可以瘋狂咁玩吓啦! 因為媽咪聽日番嘛! 講瘋狂啫! 其實都冇乜特別, 只係約咗去Fanny屋企打辮爐啫! 不過佢住到將軍澳咁遠, 平時就一定唔會去o家啦! 重要唔知玩到幾點添! 今次就最岩啦! 事關玩完之後Jofee唔洗送我番屋企, 咁會好d囉! 話曬我哋就話聽日放假啫, 佢重要番工o家嘛!

但係媽咪聽日早機番, 所以我晨早就話咗比佢聽我聽日番大陸, 亦就係因為咁, 要聽晚先見到媽咪啦! 真係好掛住佢呀!

第五日啦!!

11:32pm! 今日幾叻! 11點幾就寫blog啦! 因為今日冇出街! 呢幾日晚晚咁夜訓, 開始有d作病啦! 喉嚨開始有d痕! 不過其實次次媽咪去旅行我都會病o家啦! 冇皇管嘛! 今年算好好o家啦!

今日有兩樣唔開心嘢, 第一就係肥Ben打比我, 話佢老婆嘅預產期就係我結婚嗰日, 所以應該做唔到我MC啦! 唉! 咁點算呀! 我真係諗爆頭都諗唔到, 我重有邊個男仔fd有咁鎮定同咁好口才喎! 不過佢都算好好o家啦! 一知道就即刻話比我知, 唔洗到時先通知我, 搞到我咁頻能, 同埋我都真係替佢好開心囉! 孖女呀! 希望佢哋可以健健康康咁嚟到呢個世界啦!

第二樣就係今日豬豬搞生日會, 本來我都去嘅, 不過志雄今日問我, 豬豬阿婆前幾日先去咗, 屍骨都未寒, 佢就開生日會! 好大愁口o家! 真係唔好個喎! 你同佢講吓啦! 我諗諗吓~~ 好似係喎! Bonnie前一排死咗阿婆, 跟住生日都唔比趙叔請佢食飯喎! 好似真係唔好咁, 唔好話對死人尊唔尊敬哎! 剩係講一陣黑到自己, 黑到屋企人或者嗰d所謂唔介意嘅朋友都唔好啦! 況且, 我自己又就嚟有紅事, 媽咪又唔向屋企, 我想問吓忌唔忌都唔得, 所以我話比豬豬聽志雄個老豆生日, 我唔出去啦! 費事一陣出到去個心又唔舒服就唔好啦!

雖然我事後一定會同番豬豬講出真相, 但係都向呢到同佢講聲sorry先! 希望佢明白佢表姐我有幾迷信先得o家! 搵日請番你食飯補數啦!

 

第四日啦!

12:04, 又過咗12點先寫blog啦! 日日都搞到咁夜添! 今日我放工就番咗屋企, 嘩! 終於可以沖個正常d嘅涼啦! 志雄屋企最令我唔慣嘅就係個熱水爐, d水時泠時熱, 我真係唔係好頂得順呀!

唉! 番到屋企第一個感覺就係 "屋企真係好呀!" 唔知點解平時咁大街癮嘅我, 次次去旅行又好, 點都好, 一幾日唔番屋企就會好掛住o家啦! 真係好奇怪!

另一樣就係, 又估唔到林林同Koby都幾乖喎! 冇整到間屋亂曬! 抵讚呀吓! e+個人放心曬啦! 哈哈!

番到嚟志雄到啦! 要食宵啦! 唔講啦!

第三日啦!

1:32am! 都係咁夜! 今日好開心呀! 因為今日媽咪打比我手提, 我真係冇諗過唔番屋企媽咪都打比我, 佢話因為尋晚打番屋企冇人聽喎! 係喎! 我尋晚打番屋企都冇人聽o家嘛! 好開心呀! 真係o家!

我重同佢講我星期日會番大陸添! 因為佢星期日番嘛! 而我呢? 星期六就約咗Fanny喇! 哈哈! 故勿論咩啦! 聽到媽咪把聲加埋同佢講玩得開心d, 真係成個人都開心咗呀!

第二日的自由日子

1:27am! 係呀! 又係咁夜先寫blog呀! 因為岩岩向大陸番嚟!

今次上去主要係睇吓嗰個所謂超多嘢賣嘅文具城, 係未真係咁多結婚嘢賣, 唔~~點講呢! 都真係幾平囉! 不過未決定到買咩回禮禮物呀! 番嚟再諗吓添啦! 不過就買咗利事封同貼紙喇! 因為趕用d嘛! 其他嗰d佈置呀剩呀! 遲d買都得啦! 話曬都重有3個月嘛!

有樣嘢重好笑呀! 上到去先記得, 我帶咗衫去志雄到換, 但係就唔記得帶番工鞋喎!臨時臨急想求其買對鞋, 但係去邊到買呢? 都唔知點算! 點知...又比我哋向華強北路見到有個商埸叫女人世界, 佢就好似我哋香港女人街搬咗入商埸咁! 我重向入面70蚊就買到對鞋啦! 哈哈哈! 點知... 當我出番羅湖商業城 (原先根本冇諗過會去嗰到) 竟然見到同一對鞋賣59蚊咋, 重未講價添呀! 激死我啦! 真係想即刻買番對溝淡吓呀! 結果, 當然冇咁做啦!

唉! 諗起聽日要番工就唔開心啦!

媽咪一年一度秋季旅行

12:54啦! 岩岩過咗嗰日係我媽咪今年秋季大旅行嘅第一日, 今晚我已經去咗Jofee屋企訓啦! 唔~~點講呢...其實年年呢個大日子, 我都有幾日去佢到訓o家啦! 唔知點解今年...有少少罪惡感, 又有少少唔放心屋企個細佬有冇搞搞震! 可能係因為今年係最後一年鬼鬼祟崇唔番屋企訓呱! 哈哈! 唔通係驚衰收尾!

唔知點解...年年媽咪臨上機都有打比我, 話比我聽佢上機啦! 跟住我就會同佢講玩得開心d啦! 但係今年佢冇喎! 佢應該係11點幾12點上機o家! 但係佢10點幾打比我同我講完記得留意水呀火呀, 同埋門窗呀之後就冇打嚟啦! 當然我只係答佢得啦~知道啦! 之後就冇講玩得開心d呀, 自己小心d之類嘅說話! 唔~~有d唔開心呀! 做咩唔打比人喎! 到步又唔打嚟! 好彩! 岩岩打番屋企, 佢已經打咗番嚟啦! 咁都放心d!

好啦! 我自己都要玩得開心d先得! 哈哈哈!

 

重有95日咋！

原本想向倒數100日嘅時候寫個blog嘅，點知又唔記得咗喎！嘻嘻！因為都冇乜認真咁數住過！e+得番95日咋！真係開始有d緊要啦！點呢？點呢？好似有好多嘢未搞，但係又唔知搞咩好！日子一日一日咁過，d嘢未搞曬都不特止，重要為生活有所改變而擔心！

大家都知啦，我又懶到咁，唉！所謂相見好同住難，都唔好話Jofee d屋企人啦！剩係對住Jofee，其實我都有d驚o家！雖然佢平時都好就得我，但係始終我哋都未一齊住過，好多生活習慣都唔知點！唔知呢d係未就係婚前恐懼呢！

重要呢d嘢都唔知同邊個講！同自己d朋友講咩？佢哋大部份都未結婚，唔知係未我自己多心呢！佢哋嘅反應就好似覺得我曬命咁！同結咗婚嘅講咩？佢哋都上曬岸啦！只係識叫我自己諗吓點遷就囉！鬼唔知要遷就咩！e+係叫你哋開解我呀！白痴！

我睇都係要同d同我一樣就嚟結婚嘅人講先傾得埋啦！

寵 辱 不 驚 鄧 萃 雯

忽然1周 第 633 期

留 言 集

寵 辱 不 驚 　 鄧 萃 雯

氹 細 路

《 歲 月 風 雲 》 給 我 很 大 啟 發 ， 就 是 男 人 不 論 年 紀 ， 都 不 過 是 一 個 細 路 仔 。 細 路 仔 開 心 ， 自 然 會 笑 ， 你 看 見 他 笑 ， 你 會 更 加 開 心 。 男 人 一 樣 ， 適 當 時 投 其 所 好 ， 用 他 喜 歡 的 方 式 愛 他 ， 最 後 快 樂 一 定 會 回 彈 給 自 己 。這 個 道 理 ， 主 要 是 從 三 哥 （ 苗 僑 偉 ） 身 上 學 回 來 的 。 他 最 易 氹 ， 戲 褢 的 華 文 碩 與 現 實 的 他 ， 都 喜 歡 話 事 ， 我 需 要 做 的 ， 就 是 一 味 讓 他 作 主 。在 北 京 拍 外 景 ， 沒 我 戲 份 我 會 出 外 逛 ， 每 到 食 飯 時 候 ， 三 哥 就 會 打 電 話 來 ： 「 係 邊 呀 ？ 仲 唔 返 嚟 ？ 就 嚟 開 飯 喇 ！ 」我 心 諗 ， 作 為 鄧 萃 雯 ， 使 鬼 睬 你 咩 ？ 但 作 為 汪 紹 芬 （ 《 歲 月 風 雲 》 角 色 ） ， 我 是 應 該 回 去 跟 大 隊 一 起 吃 飯 。 三 哥 原 來 已 安 排 好 座 位 ， 叫 了 一 桌 的 餸 ， 誰 愛 吃 甚 麼 ， 都 照 顧 周 到 ， 看 見 他 興 緻 勃 勃 的 樣 子 ， 就 知 道 要 氹 一 個 男 人 開 心 其 實 好 簡 單 。有 時 跟 他 講 句 ： 「 你 係 一 家 之 主 嘛 ， 你 講 嘅 嘢 點 會 唔 啱 ？ 」 他 明 知 我 賣 口 乖 ， 但 又 會 笑 得 見 牙 唔 見 眼 ， 講 下 又 何 妨 ？當 然 ， 男 女 相 處 不 只 是 盲 目 遷 就 ， 就 得 幾 次 之 後 ， 要 讓 他 知 道 你 喜 歡 甚 麼 。 三 哥 不 久 之 後 就 說 ： 「 雯 女 鍾 意 食 西 餐 ， 我 哋 今 日 食 西 餐 啦 ！ 」 看 ， 不 是 依 然 由 他 話 事 嗎 ？ 但 我 已 得 到 我 想 要 的 。以 前 拍 拖 ， 不 明 白 這 個 道 理 ， 只 識 埋 怨 對 方 不 懂 得 氹 自 己 開 心 。 但 當 你 日 日 猛 猛 曾 曾 ， 挑 剔 這 樣 挑 剔 那 樣 ， 他 只 會 愈 變 愈 差 勁 。 正 如 很 多 女 朋 友 想 男 朋 友 成 才 ， 只 懂 打 壓 他 、 話 他 蠢 ， 其 實 她 更 蠢 。一 個 成 功 的 男 人 ， 是 靠 女 人 捧 出 來 的 。 即 使 他 未 成 氣 候 ， 都 要 設 法 令 他 相 信 自 己 得 。 有 時 ， 做 個 小 女 人 ， 也 是 幸 福 的 。跟 男 人 相 處 ， 從 來 不 是 鬥 叻 ， 而 是 在 適 當 時 候 扮 蠢 。

婚 姻 有 很 多 矛 盾 ， 不 是 單 靠 一 個 愛 字 就 行 得 通 。 以 前 好 天 真 ， 希 望 將 來 老 公 一 定 要 同 時 是 soul mate （ 靈 魂 伴 侶 ） ， 可 以 跟 自 己 傾 偈 ， 得 閒 跟 老 公 吃 燭 光 晚 餐 ， 自 然 可 以 keep 住 那 份 浪 漫 感 覺 … …

其 實 做 人 老 婆 毋 須 太 執 著 ， 只 要 大 方 向 正 確 ， 老 公 是 個 盡 責 的 丈 夫 、 父 親 ， 你 就 把 他 這 些 優 點 盡 量 放 大 好 了 ， 其 他 看 不 順 眼 的 壞 習 慣 ， 就 要 let go 。去 了 現 實 走 了 一 趟 ， 比 以 前 清 醒 了 很 多 。 Soul mate ？ 死 心 啦 ， 還 是 去 別 處 找 吧 ， 蘇 眉 就 大 把 你 食 ！

 

又好似講得幾岩喎！各位姐妹要學嘢啦！咁當然...我都有排學啦！

穿 板 仔 褲 要 坐 監

就我個人嚟講呢...就唔係咁鍾意d人咁著囉！低腰冇問題，露底都唔過份，但係條褲頭向pat pat中間嗰d~~真係幾肉囉！重要著嗰d人大部份都唔自量吓自己嘅身型呢！肥到肚腩重大過個羅柚又著，廋到得排骨又著，個羅柚大過個垃圾籮重桔桔吓嘅又著，連冇羅柚得條褲向到郎郎吓嘅都著......唉！不過咁~立法又好似誇張咗！就等佢哋繼續咁囉！鬼唔望佢哋有日出街真係比基佬搞呀！

白宮痣瘡膏

星期日睇完無線收費台, 張玉珊主持嘅美麗大學, 入面教用一隻美國牌子白字頭嘅痣瘡膏，重即埸做示範添！嘩！真係掂喎！跟住隔離個醫生就話喇，因為眼部皮膚同C眼都一樣係咁嫩，而且痣瘡膏有消腫嘅工效,所以真係有用o家！跟住張玉珊就話，佢知其實好多外國Model都係用佢，而且佢d朋友都有用過，所以佢先敢用，至於第二隻牌子得唔得就冇朋友用過，所以佢自己都唔敢試囉！

睇完之後，我即刻用電腦search吓係邊隻美國牌子白字頭嘅痣瘡膏，剩係search到有隻叫“白宮痣瘡膏”，但係唔肯定嗰喎！一陣用錯未死！

番到公司一同Bonnie講，佢即刻就問我係唔係“美國白宮痣瘡膏”呀！吓！點解佢會識埋d痣瘡膏嘅牌子o家！佢話細細個都有睇過呢個廣告啦！吓！係咩？可能真係有gap，我真係未睇過喎！咁我又上網check呢個名啦，點知比我搵到兩個討論區，原來根本好多人都知道o家！有d人就當佢mask咁用，有d人呢就當急救用！

嘻嘻！我更係唔執輸啦！Lunch即係去買咗隻，叫Bonnie幫我睇住有冇效果，我重影埋Before & After嘅相添！可以話比大家聽~~~“勁！勁！勁掂呀！”唔可以話個眼袋冇咗，因為佢話脂肪係去唔到嘅，而且我個眼袋重係天生嘅添！不過真係冇咗一半，唔係誇張！識我嘅人都知我個眼袋有幾大啦！由於天生 + 後天經常唔夠訓，塗極嘢都冇用，但係呢隻嘢係即刻睇到效果喎！起碼將後天部份趕走咗先啦！簡直係奇蹟呀！

突然...變身

尋日，特登攞咗日假等大陸d傢俬到！橫掂都係喇！咁住不如裝埋冷氣啦！原先都好好哋o家，點知張床又突然話要到喎！嘩！成間屋都係人囉！

冷氣師父點幾鐘到，一整就整到成三點幾四點！等佢一走，即刻又吸塵又掃地

，隨便更係拖埋地啦！跟住大陸d傢俬就到喇！首先裝咗廳d櫃先，佢一路整我哋就一路要將放向嗰個位d雜物移開，跟住又要掃吓佢啦！如果唔係，d傢俬一入咗去就冇得掃o家啦嘛！

向呢個時侯，“大床駕到！”嘩！fit曬size囉！最欣賞就係個床頭櫃哎嘛！好靚呀！有樣嘢都幾搞笑，就係我哋做呢張床嘅時候要求整2層櫃桶，咁樣張床可以高身d，咁床下底又可以放多d嘢嘛！哈哈！e+張床連埋床褥，坐咗上去連我同志雄咁高都有d釣腳囉！哈哈哈！志雄個媽咪重好笑！佢封咗幾封利事向床嘅四角就唔出奇啦！佢重叫志雄家姐個仔向張床到碌咗幾嘢囉！

哈哈！搞咩呀！e+未係結婚安床喎！哈哈哈！

最後，連我哋房個大櫃都裝埋喇！完全係我要嗰隻囉！不過，一輪工夫之後就更係抹到傻啦

！當我話好攰嘅時候，志雄竟然話“你夠我攰

！”唉！哥仔！我更係唔夠你攰啦！但係唔夠你攰唔代表我就唔攰o家嘛吓話！你要明白我平時真係咩都唔Q做嘅小姐嚟o家！e+我咁做已經係我嘅極限嚟o家啦！可憐吓啦！

嘻嘻！等今日個電視都送埋嚟，再等遲d買埋張梳妝枱，基本上間房個雛型就出曬啦！嘩！勁開心囉！d傢俬就全部白色，牆身就粉藍色，天花用番白色！呵呵！勁襯我哋張結婚相嘅藍天白雲囉！雖然e+重未掛上去，不過諗都諗到啦！咩呀？“靚囉！”