遲賴Boo + 春唱

阿Boo... 上緊大口環言語治療... 話佢唔識講句子... 識講嘅詞彙少... 老師叫下次去要錄底佢成句講嘢... 睇吓佢識d乜... 但大家聽吓... 佢竟然識唱呢首歌...

再整首ABC添... 老師... 咁... 佢pass唔pass呀???

小春見我影阿boo... 佢又點會執輸哎... 呢隻門口春... 出到去叫佢表演就扭身扭世... 向屋企就表演慾強到不得之了...

 

 

春春唔sit底 + 馬騮boo

事源係... tun話我知... 小春搵架車仔... 掉到軒軒個頭有小小爆江...

咁我更係要鬧小春... 加問吓佢究竟點解要搵車仔掉人先... 點知小春話... 因為係軒軒搵個波掉佢先... 咁我更係要同佢解釋... 唔係人哋搵嘢掉你... 你就要掉番人㗎... 你睇人哋掉你... 你有冇受傷呢?? 但你掉人就掉傷咗人啦喎... 咁你話邊個會比人鬧先? 又如果... 你比人掉傷咗... 咁邊個痛先?? 邊個變醜八怪先??

跟住... 我就叫軒軒入嚟... 問佢痛唔痛呢... 佢唔停就話比我聽小春點掉佢... 點點點... 我就問番佢... 但小春話因為你用波掉佢... 佢先掉番你嗰喎... 軒軒即刻笠曬水... 哈哈~~ 咁我又問喇... 咁點解你要用個波掉小春呢? 佢話... 因為小春唔分享... 唔肯借架的士比佢玩喎... 哈哈~~ 我真係忍唔住... 就問佢... 一定要借比你玩㗎??

但為公平起見... 兩個都要攞手板出嚟.............

兩個都話明白後... 就出番廳... 一出廳... 即刻... 係即刻就打起上嚟... 因為軒軒買咗新lego... 唔肯借比小春玩... 當然... 佢哋又再次比我招番入房啦...

跟住就同小春講... 問佢知唔知點解軒軒唔借lego比你呢? 就係因為你今朝唔肯借的士比佢玩囉.... 又同軒軒講... 咁你知唔知點解小春唔肯借的士比你呢?? 就係因為你成日都唔肯借嘢比人玩囉... 岩岩打完又爭嘢... 咁第日你哋唔好一齊玩啦!! 以後... 大家自己玩番自己d玩具啦... 兩個更係話兩好啦...

今次我唔打你哋啦... 你哋咁鍾意打交... 你哋就互打啦...

點知... 比我見到嘅係..... 原來小春.... 都幾唔sit底嗰喎.....


唉~~ boo... 你可唔可以坐定定㗎啫... 你又唔係屬猴...唔通男仔真係百厭咁多...
唉~~ 都係怪自己... 真係要積番d口德... 唔好再話人百厭... 唔share... 現眼報... 自己個仔重衰...

愉快的週末

尋日... 帶埋一對寶貝去咗契契屋企玩... 兩個依然天不怕地不怕... 狗狗又點會怕呢...

記得小春細個嗰陣... 試過玩到隻金毛都怕咗佢... 呢埋向枱底... 小春都要捉佢隻腳扯佢出嚟... 真係好好笑...

而家小春大個d啦... 冇咁暴力不特止... 難得比佢見到d佢都抱得到嘅poodle... 佢直頭愛心爆曬棚啦...

而boo呢... 本身就冇小春咁粗魯... 所以佢唔驚狗時... 狗狗都唔洗避佢先啦...

媽咪生日快樂呀~~

星期六... 因為媽咪生日... 老公特登晨早講定假... 下奏就帶兩條友仔去青衣城影frozen啦... 請咗咁耐終於有得睇啦... 但係... 要排成個幾鐘先入得去... 老公就更係有d RR聲啦... 不過... 雖然佢RRR... 但係佢知我鍾意嘅嘢... 都一定會陪我嘅... 何況... 重係陪對仔女添... 佢都冇辦法... 一定要就犯啦... 哈哈~~

之後就join埋媽咪, Boris佢哋... 去咩尖沙咀韓國食品展... 但都冇咩行... 嗱嗱聲番The One買d嘢食... 點知... 遇見埋比卡超... 哈哈~~ 又影一餐...

 最後一站... 終於... 沙律屋企開Party... 呢個frozen蛋糕... 爸爸本來唔贊成買... 但小春一入到美心... 即刻同姐姐講... 唔該比個frozen蛋糕哎... 哈哈~~

 

祝... 媽咪生日快樂... 身體健康呀~~~

聖誕親子環保吊飾

攰死我啦~~~ 攰死我啦~~~

小春講咗成個星期... 話咩... 同學帶咗d落雪籠燈番學校... 聽到我一頭慕水... 問咗幾日... 終於都知... 其實都估到... 又係時候整聖誕親子環保吊飾啦...

之前各fb見到... 有個媽媽徵廁紙筒... 話想整呢個吊飾... 心諗... 幾靚喎... 應該好易整啫...

點知... 一朝... 就攞住d 廁紙筒剪呀剪... 剪到我手都痛埋... 再痴呀痴... 咁痴又唔好... 咁痴又唔得... 唉~~ 再諗吓用d咩做紅波波... 好彩我有泥膠向公司... 又磋磋磋... 終於預備好曬d材料啦...

話明親子... 咁更係要番去比小春做番d嘢啦... 點知... 小春幫手油，油咗一陣又話手攰又話腳攰腰攰，我話咁等我油囉... 最後你幫我貼波波啦... 又點知... 叫佢時... 佢已經訓咗... 整咗成晚終於整完... 但當我整完... 竟然成家都訓曬...

不不boo

突然發現佢向到叮叮噹噹唔知做乜... 望吓佢嚇我一跳... 點解佢識玩呢個遊戲？問吓姐姐... 話playgroup都有教過... 但佢竟然自己搵材料... 自己玩... 拍完條片冇理佢... 點知佢就咁企向原位... 玩咗大半個鐘... 連刷牙都唔肯去... 逼佢刷完牙後... 即刻又走番去不不不

掉嘢boo & 跳舞春

尋晚嗰衰仔... 又亂掉嘢... 今次係保暖壺... 重竟然突登掉落我隻腳到...嘩~~ 痛到我飛唔起囉...

咁我更係忍唔到手啦... 重罰佢企... 佢就不停喊囉...

我去toliet期間... 就聽到姐姐同佢講... 一陣同媽媽say sorry啦...

出到嚟... 佢望吓我... 我就刻意唔望佢...

姐姐再講... 去同媽媽say sorry啦... 佢先死死氣行埋嚟sorry...

訓話一輪... 呵番我... 又即刻邪笑當乜事都冇囉...

呢個仔... 真係激得死人... 唔識教... 太un皮... 又識氹人...

點算... 我被征服了~~

到小春喇... 佢就超開心啦... 我同事又幫佢買咗飛機2嘅蝶啦... 尋晚... 一食完飯就噪住要即刻睇啦...

心情靚... 臨訓重整咗隻舞我嘆吓... 話係學校跳舞堂學㗎喎...

有冇人知 / 估到呢首係咩歌呢？好想dl比佢... 問佢係咩歌... 佢話芭蕾舞的跳繩... 都唔知佢up乜?!