尋日, 媽咪又整咗花膠湯比我飲, 唔知今次係未重手咗呢, 今朝開始好似有d塞塞哋喎!! Lunch又係咁, 所以我就叫媽咪今晚唔好餵佢住, 等我番屋企自己埋身餵!! 嘩~~ 佢一埋身, 即刻通番... 我重見佢好似食得好飽吓添!! 哈哈~~
Fanny姨姨叫咗爸爸去攞嘢好耐, 終於今日攞到喇!! 除咗衫褲鞋襪之外, 重有一個吊鈴, 同一架有排都未識玩嘅車仔, 哈哈~~ 好好笑呀!! 特別多謝Fanny姨姨記得我哋小春肚仔多風, 特登為我哋準備嘅肚箍!!
睇吓小春幾好奇!! 不過我就密謀緊換咗d Pooh Pooh做豹豹同鴨鴨, 哈哈~~
呢兩日d嘢真係好似少緊.... 冇.... 少少.... 咁, 尋日媽咪話1號好日子, 到時同我去拜神, 跟住就會揍小春去佢屋企, 我一邊就覺得雖然將會兩頭 tun, 但總算終於都可以有番d自己時間啦, 另一邊又開始覺得好唔捨得啦!!
今朝泵泵吓奶小春醒咗, 佢又冇即刻喊喎, 反而 ee娥娥~ 又笑又剩, 懶可愛咁!! 搞到我連門口都唔捨得出呀!! 呢個小鬼... 有時就激死你, 有時就齋望住佢都覺得甜曬!!
但係到佢番咗媽咪到之後, 雖然我日日都會攞奶番去, 放假又會揍佢番嚟, 但係就冇得晚晚撚佢一大輪, 又冇得鍚過佢先訓, 唔止我同志雄... 我諗連豹豹都會變得好悶囉!!
因為聖誕嗰晚飲咗酒, 尋日成日都餵小春飲奶粉, 為咗keep住奶量, 今日決定埋身餵佢, 但係埋身餵.... 又重復最初嗰個問題喇, 就係都唔知小春食咗幾多, 夠唔夠飽呢?! 唉~ 佢一食就訓.... 一訓又唔肯食.... 放低佢咩?! 唔夠一個鐘佢又喊!! 喊係食唔飽哎? 扭眼訓哎? 唔舒服哎? 定係咩事呀!! 重之就攰死媽媽啦!!
小春伸脷仔, 係未肚餓呀!!
哎呀~~ 呢個手勢.... 唔通係頭痛.... (哈哈哈~~)
蝦咗我成日, 到佢老豆番嚟.... 兩個ee吖吖.... 唔知玩得幾高興..... 激死我啦!!
尋晚勁凍呀~~ 得我一個帶住小春出尖沙咀, 一落到街勁勁勁大風, 重有個女人走埋嚟問我借錢, 我嗱嗱聲叫佢行番埋一邊先, 想凍死我小春咩!! 佢話佢咩冇錢覆診喎, 唉~ 事旦啦!! 幫得未幫囉!! 佢重教我第日要點綁住bb車個蓬, 咁第日就唔驚吹親bb啦!! 之後我同小春上咗慈云山中心搭車, 屋企樓下真係太太太大風啦, 得到等到的士, 我諗我同小春都頂唔順啦!!
出到沙律屋企, 等齊人..... 我哋終於出發入錦繡啦~~
一落車.... 嘩!! 攬實d小春先~~ 入到花園, 招呼都未打完, 已經急不及待同小春入屋啦!! 一嚟小春又要食奶啦!! 唉~ 一路餵奶就一路望住佢哋個個向花園飲曬酒咁!! 小春~~ 食快d啦你!! 好彩... 姐姐都整碗湯我飲吓先!!
兩個都飲完啦~~ 出花園玩lu~~ 白酒~~ 哈哈~~ 正~~ 小春~~ 呢個抱吓嗰個抱吓咁囉!! 玩一陣嘅啫, 好快又變番我抱啦~~ 到最後~~ 哈哈~~ 番bb車自己訓吓先啦!! 哈哈~~ 訓一陣醒咗~~ 到Fiona & Mic... 嚟到!! 又開始抱抱喇~~ 夜d~~ 表姨又到~~ 總之.... 成晚就抱抱訓訓食食咁啦!!
我?? 我就慘啦!! 睇住人食.... 大閘蟹.... 生蠔.... 帶子.... XX蝦.... 鵝肝.... 唉~~ 我食得乜?! 未BBQ d嘢囉!! 咁我都有忍唔住口... 食咗一舊成舊壽司咁大舊嘅海膽嘅!! 不過始終係生嘢, 食咗都有d罪惡感囉!!
至於尋晚d相, 唔該阿小春契爺, 你嗱嗱聲交番出嚟哎!!
到最後... 番到屋企都成3:00啦!! 搞醒咗小春, 喊到拆曬天, 唯有再比多餐佢吃啦.......... 所以............. 今朝............. 佢竟然成11點都未起身飲奶呀!! 不得了啦~~
今日實在太凍啦!! 摸吓小春對手凍冰冰, 但又未買手襪比佢喎!! 結果......
幫佢著咗對襪上手, 但睇吓佢重幾得戚以為自己好型個衰樣!! 哈哈~~
人哋Hello Kitty飛啫, 你唔洗又整個Matrix飛天pose呀~~
為咗今晚嘅party小春可以乾乾淨淨咁見人, 我尋晚專登叫志雄比我試吓幫小春沖涼, 車~~ 都唔係好難啫!! 搵d水潑吓潑吓之嘛~~ 點知... 今日真真正正自己沖先醒起, 尋日個頭都唔係我洗嘅, 我更係輕鬆啦!! 今日要我洗埋佢個頭, 嘩!! 剩係洗個頭已經好攰啦!! 洗完個頭再沖嗰個涼, 就唔覺得只係潑吓潑吓咁簡單啦!! 好攰呀~~
好彩... 為咗唔好凍親小春, 我一早叫咗文文幫我拎毛巾, 準備一上水就接住小春, 如果要我好似媽咪咁, 一個人搞掂曬, 我諗我真係未得囉!! 唉~ 我呢個雞手鴨腳嘅媽媽真係.... 暫時都唔好再玩, 一陣真係凍親都唔知點算!!
尋晚特登叫小春爸爸, 洗咗舅母送比小春嘅聖誕禮物 - Hello Kitty衫衫, 今日重有少少未乾透, 我就搵個暖風機幫幫手, 嘻嘻!! 咁小春今晚就可以著靚靚啦!! 可惜嘅就係, 戴唔到媽咪送嘅皇冠夾夾囉!! 唉~~ 唯有等下次啦!!
今日勁忙, 又要自己裝身, 又要搞埋小春一腳, 所以今日嘅相, 都係留番今晚先影啦!!
岩岩番工幾日, 就話Christmas Party, 唔知係未真係旺新人呢, 除咗普通交換禮物之外, 重比我抽到現金獎300蚊添!! 哈哈~~ 小春真係旺媽咪喇!! (不過六合彩就唔見我中囉!! 嘻嘻~~ 小春... 加多兩錢肉緊啦!!)
開完Party就放工啦, 好嘢~ 可以早d番屋企同小春玩!! 搭搭吓車突然諗起, 今年鬼死咁忙, 都冇時間出去睇吓買禮物, 但係話曬小春今年第一次過聖誕, 冇理由禮物都冇份家!! 於是.... 我向慈云山中心行咗陣, 結果買咗一對加一隻夾夾比小春, 一對係皇冠立體夾, 一隻係黃色花花夾, 要嚟襯吓衫都好哎嘛!!
平時嘅聖誕節, 通常我同志雄都會搵一日, 只係兩個人食吓聖誕大餐咁嘅, 今年要揍住小春, 聽日又約咗去Peggy (羅倫家姐) 屋企開Party, 咁今晚就唯有向屋企過個好平安嘅平安夜先啦!! 話曬小春重咁細, 都係唔好成日都出夜街啦!!
小春勁似我細個咁鍾意翁鼻, 所以見到鼻鼻有條紋, 我都唔係咁驚, 事關我細個翁得咁厲害, e+都冇事啦!! 嘻嘻~
話咁快小春就兩個月啦!! 繼滿月嘅小party之後, 今次原本想叫埋姥爺, 豬豬, 沙律佢哋出嚟, 一家人食餐飯慶祝嘅, 點知咁岩姥爺入咗醫院喎!! 原先都諗住算啦, 同媽咪林林兩公婆, 少少人食餐飯就算, 但到最後都係叫埋沙律同Mathew!!
臨時臨急, book邊到食好呢?! 上網睇睇睇.... 又諗吓阿少年食神d介紹, 結果book咗旺角鳳城!! 上環, 北角, 太子鳳城都食過, 都唔錯哎!! 尤其佢個炸子雞, 我最鍾意!! 諗住冇死啦!! 點知....
我哋叫咗個半席嘅套餐, d名樣樣都好好聽呀, 不過就虛有其名囉!! 早知行多幾步過太子好過, 下次真係米搞!! 買單$1,5xx真係唔gur呀!! 唉~~ 本來諗住佢哋個個封咁厚利事比小春, 請人哋食餐飯, 點知.... 真係唔好意思呀!! 不過好在.... 我d屋企人都唔係咁計較嘅!! 最緊要嘅係, 我哋自己傾得, 玩得, 影得都好開心!! 尤其係林林同Kobe精彩嘅舞蹈..... 哈哈哈~~ 笑死我哋啦!!
P.S. 田景霖~ 你好嗱嗱聲sent番d相嚟呀!! 上次d相都未sent呀!! 係未想我打獲你呀~~
志雄屋企例牌提早做冬嘅! 而我哋屋企呢, 就不嬲都冇做冬嘅, 係姥姥死咗之後, 重要係睇姥爺嗰年點講, 先決定做唔做囉!! 今年咁岩Kobe家姐個女滿月, 姥爺又入咗醫院, 所以唔洗做!!
今日公司有得放早, 所以我就成機上咗瑪麗探姥爺, 見佢精神番d, 我都放心d!! 我重比小春d相佢睇, 點知佢一睇到, 即刻話... 哎呀!! 你唔好比咁多嘢佢食呀!! 你有冇睇廣告, 個bb坐到架bb車墜曬落嚟呀!! bb太肥唔好家..... 哈哈~~ 笑死我啦!!
因為今日99同文文入咗粉嶺睇中醫, 所以我走嘅時候, 約志雄向旺角等, 之後就買飯盒番屋企, 同媽咪一齊食!!
小春~ 你睇你已經肥到冇咗個尖下巴啦!! 檢討吓啦~~ 重食食食!! 哈哈~~
今日放工番到屋企, 小春同媽咪向到玩緊, 媽咪話見佢咁乖又未喊, 所以冇餵佢飲奶住, 等我番嚟可以埋身餵佢嘛!! 呵呵~~ 我呢個超級媽, 真係想得周到, 又岩我心水! 哈哈!! 事關番咗工, 奶水真係好似少咗咁, 本來都唔係多家啦, 如果唔比佢啜吓, 真係好快冇!! 嘻嘻~
話口未完, 佢就開始喊喇!! 喂~ 係未又蝦媽咪呀?! 定其實佢嗅到我d奶味呢?! 唔知係未心理作用, 重係覺得呢兩日見少咗, 小春好似冇咁跟我咁嘅!! 唉~ 呢d算唔算諗嘢負面呀!! d人話岩岩番工, 好易產後抑鬱喎!! 我要番意下先得啦, 放鬆~~ 吸氣~~ 哈哈~~
今日我第一日番番WCJ, 因為要盡快pick up番d嘢, 所以就算有少少掛住小春, 都冇時間打番屋企問吓佢咩情況, 志雄放假向屋企揍小春, 唔知佢一個人掂唔掂呢?!
Lunch泵奶, 第一日番公司泵奶, 勁 lei hei囉!! 又唔記得買冰種, 又要睇吓d位置, 又要研究吓點入袋, 又趕住d時間.... 搞到個人鬼死咁緊張, 鬼死咁心急!! 好彩下午志雄WhatsApp咗兩張相比我, 係小春食手手嘅相, 嘩~~ 得意到呢!! 忍唔住嘅會心微笑, 咩唔開心都唔記得曬啦!!
嘩!! 識食手指公咁得戚!! 哈哈~
洗唔洗咁瘋狂呀小姐?? 失禮死人囉!! (笑死)
放工, 本來都想一放工就即刻飛撲番屋企睇小春, 但係又要去日本城買番個飯盒先, 買得飯盒嚟又醒起要買番個杯蓋喎, 日本城嗰d又鬼死咁肉, 所以又走咗去隔離間精品舖睇, 見到兩個, 但係又決定唔到買邊個好, 打比豬豬啦!! 點知佢話過嚟睇小春, 叫我等埋佢喎, 咁我又行行行等佢啦!! 等得佢嚟.... 我哋又走咗去另一間精品舖睇吓買咩做聖誕抽獎禮物喎!! 搞到番到屋企都成8點幾啦!!
一番到去, 就見到小春瘋狂咁向到食緊手, 其實佢自從冇戴手套之後, 間唔中都有食吓手, 但係今日又真係好似開始食多咗喎!! 直頭聽見佢食到啜啜聲, 個樣勁搞笑囉!! 又唔識放隻手指公入口喎, 成梳蕉咁輪住啜, 有時又好似貓仔咁舔手背, 真係比佢笑死!!
點知... 比豬豬表姨發現咗, 點解小春有幾隻手指d指甲會起曬黑邊家!! 重要係好黑嗰隻添喎!! 爸爸~ 你究竟點睇住個女家?? 佢究竟摸過d咩呀?! 嘩~ 佢重啜咗成日添家!! 呢個時候, 見到枱面有包八仙果, 我就笑佢... 哦!! 小春係未偷食八仙果!! 哈哈~~ 當然, 真正答案唔會搵到啦!!
所以話呢, 扮靚真係女人嘅天性嚟家!! 尋晚老公終於記得買潤唇膏番嚟比小春啦!! 哈哈~ 我幫佢搽嘅時侯同佢講, BB我哋搽靚靚啦!! 佢好似真係識得聽咁, 雖然冇同佢照過鏡, 但係小春好似真係好鍾意咁喎!! 嘻嘻~ 可能係因為佢咀唇真係好乾, 搽咗舒服D呱!!
但係最搞笑嘅係今朝食完奶, 抺完咀咀又幫佢搽潤唇膏嘅時侯, 佢竟然識得"呀"起個咀比我搽囉!! 嘩~ 有冇咁人細鬼大呀!!
前兩日幫小春剪完指甲, 又除咗佢對手套仔啦!! 等佢可以摸吓嘢嘛!! 但到到臨訓, 佢老豆又話都係比佢帶番啦, 日頭可以除, 但係夜晚訓覺睇唔到佢, 驚佢又抓自己塊面喎!! 哈哈~ 點知... 尋晚我一早就訓咗, 今朝起身餵奶我都冇為意!! 直到11點幾, 又夠鐘餵奶啦!! 換片片先~~ 哈哈!! 我見到.... 佢老豆尋晚冇同BB戴番個套喎!! 哈哈~ 真係唔安全喇!!
但我見小春都冇抓損哎, 未比佢摸吓嘢, 等D手指仔郁吓囉!! 哈哈~ 睇佢係咁伸懶腰, 伸呀伸呀~~ 好好笑呀! 又忍唔住攞個電話影佢相喇!! 點知比我影到....
原來佢練緊新詠春, 哈哈~~
最搞笑係呢張, 好似運緊功咁, 唔知係未龜波氣功呢?! 哈哈~~
都唔特止呀!! 重比我把到佢, 開始學食手手添!! 比爸爸睇到張相, 即刻勁擔心, 嘻嘻!!
嫲嫲成日話我哋小春海膽頭, 事關沖完涼驚BB凍, 未諗住嗱嗱聲幫佢抺乾去囉!! 佢D頭髮又鬼死咁快乾喎!! 著得衫換得片嚟, 個頭都乾曬定曬型Lu!! 所以呢兩日, 我嚟幫佢換完衫之後, 都會整番濕佢少少頭髮, 梳吓去.... 咁就唔洗變海膽頭啦!!
唔該爸爸!!
今日豬豬教我add咗個apps, 嘻嘻!! 即刻試吓先~~ 幫小春同豹豹整番張靚相先!!
小春又第二日冇BuBu啦!! 不過經過上次之後, 今次我都冇咁擔心啦!! 但係小春.... 你都係要加油呢!!
前兩日比隻飲奶豹BB小春睇, 佢望到眼都唔斬, 所以就洗咗比佢玩啦!! 原先今日一拎出嚟都冇乜嘢, 點知我一講.... BB睇吓豹豹有奶奶飲呀!! 嘩~ 佢即刻喊囉, 喊到出唔到聲!! 之後一見到隻公仔就喊!! 唉~~ 但係好好笑, 當小春飲完奶之後再見到佢就唔喊啦!! 哈哈!! 好明顯係唔抵得人有奶飲囉!! 邊有咁細個小朋友就識唔抵得人家!! 真係比佢激死呀!! 哈哈~
今朝一早去咗健康院覆診, 唔記得帶尿去, 搞到等咗鬼死咁耐先痾到尿驗! 醫生話我D惡露重未清, 又要再約多次覆診!! 至於忍尿嗰方面呢... 都係叫我做運動, 佢話要3至5個月, 可能半年先會好番喎!! 唉~~ 真係.... 唉~~
覆完診去咗食麥記, 好好笑!! 話說麥記呢排未玩緊大富翁, 叫人儲嗰D唔同地方嘅地契, 坐我哋隔離嗰兩個男仔, 係咁講佢哋差邊個地方未齊, 重講到好激動咁, 有個男仔重周圍去到其他D枱, 偷睇人哋抽到咩地方, 最搞笑嘅係.... 再隔離張枱個男人, 又問佢哋係未差唔知咩地方, 跟住佢哋重傾起上嚟添!! 真係咩(傻)人都有呀!!
番到屋企泵完奶, 又要出門口番WCJ簽約喇, 但係我竟然擔保信正本啦, 相&住址證明乜都唔記得帶!! 哈哈~ 不過都唔緊要嘅, 咁未番工嗰日先補番囉!! 難得嘅係同Erica不知幾好傾, 哈哈~ 重由湊女經傾到塵蟎吸塵機添!! 哈哈~
小春已經兩日冇痾poopoo啦!! 點算呢?! 會唔會係我食咗D補品, BB燥熱呢?! 但係佢肚仔又冇好漲喎!! 今朝7:30起身餵奶, 睇到佢重未有得痾, 我就同佢講... 小朋友唔可以咁耐唔痾poopoo喎!! 應承媽咪加油努力好唔好?! 到12:00餵奶, 睇吓佢... 唉!! 重未有囉!!
平時除非岩岩泵完奶, 我先會比小春飲最新鮮嘅奶奶, 如果唔係.... 佢都係飲之前嗰轉 / 日子較先嗰D!! 今次... 我特登提早少少起身, 比新鮮奶奶佢飲, 嘻嘻!! 因為我尋晚特登食個橙, 希望咁樣會幫助BB有得痾啦!
到2點幾啦, 媽咪打嚟問BB痾咗未, 唉~~ 依然未有呀!! 不過就好多屁放, D屁重要好似大人咁大聲, 重要勁臭囉!! 試吓比佢飲D水啦!! 飲咗1安佢就唔肯飲啦!! 重忟忟憎憎咁添!! 媽咪話佢可能唔肚餓唔肯飲, 話如果係咁.... 可以試吓4:00嗰轉奶唔好比佢食住, 比水佢飲先, 結果.... 真係有用喎!! 佢飲咗3安幾水, 好似有D臭喎!! 裝吓先... 真係有呀!!
諗住比佢痾多陣, 點知... 5:00餵奶前睇吓!! 唉~~ 得一啖屎囉!! 咁唔得喎! 唔岩數喎BB!! 都冇辦法啦!! 都要飲奶o家~~ 點知飲飲吓... 又勁放屁啦!! ee~~ D屁D聲好似有D唔同咗喎!! 食完奶.... 都係嗰句啦!! 比佢痾多陣啦!! 見到佢真係陰公, 谷到面仔都紅曬!! 重好忟憎咁喊添!! 想抱吓佢啦, 摸到Pat Pat好似成泡幾喎!! 都係唔好搞佢啦!!
Yeah~~ 終於痾咗一大督啦!! 佢又鬆曬~~ 我又鬆曬~~ 我係講我嘅心情呀!! 真係... 真係擔心死媽媽啦!! 即刻鍚番啖先~~ 叻女!! 應承媽媽嘅嘢真係做到喎!! 真係抵鍚~~
睇吓佢.... 谷住督poopoo都咁可愛嘅!!
尋晚99落完街番嚟, 送咗兩隻玉鐲比小春同大番薯一人一隻, 但係小春咁細又點可能岩戴呢!! 哈哈~~ 所以我哋向到研究咗好耐, 點樣用玉繩纏到岩戴呢!! 搞咗好耐, 結果都係唔成功, 大番薯嗰隻, 我見佢好似唔知點, 搵隻扣針扣咗向心口!!
今朝小春訓咗覺, 我死心不息, 哈哈~ 又比我整到啦!! 重要有機關嘅添!! 哈哈~~ 咩機關?! 用文字好難解釋喎!! 大家睇吓以下幅圖先, 內圈其實係一個個嘅繩結, 將結向外反, 圈口大咗.... 手就可以伸入去啦!! 手伸咗入去之後, 再將繩結向內反, 圈口變番細, 咁就唔會掉啦!! 哈哈~~ 我實在係太聰明啦!!
但結果隻鐲都冇戴... 點解呢? 因為條玉繩質地咁粗, 會磨到我小春隻手家嘛!!
近傍晚, 林林 & Kobe嚟探小春, 小春真係越嚟越似田景霖, 連Kobe都話... 如果見過田景霖細個d相, 就知有幾似囉!!
林林重第一次抱小春添!! 嘻嘻~~ 點呀雷公!! 美嗎??
今日無無聊聊, 媽咪又未到, 試吓Kobe上次叫我download嗰個Apps嚟幫小春影相先, 點知... 都幾難控制喎!! 唔係好用到囉~ 到最後... 只係得呢兩張留底, 其他嗰D都唔知想點, Delete曬Lu~~
等我得閒搵多D唔同嘅Apps幫小春影相先!! 哎~~ 好緊張呀!! 唔知有D咩呢?!
呢件就係爸爸買比小春嘅第一件衫仔啦!! 哈哈~~ 唉!! 我幫小春精心挑選嘅第一件衫仔, 出院嗰日冇影到全身相添!! 唉~~ 不過唔緊要啦小春, 媽咪會將呢兩件衫衫留番, 比你第日留念都好哎嘛!!
今朝一早, 醫生嚟睇過bb, 話佢面黃ok冇超標, 可以跟媽咪番屋企啦!! 晏咗d, 又有人嚟帶咗小春去做聽力測試, 嘻嘻~~ 我哋小春又過一關啦!! 又有人嚟幫小春打卡介苗, 嘩!! 打針喎.... 佢竟然就咁哼哼咗兩聲咋, 喊都冇喊過呀!! 我心諗... 仆街啦!! 有咩難搞得過唔怕痛嘅小朋友哎!! 大獲~~
等緊出院嘅時候, 又要做嗰個產後抑鬱嘅心理測驗, 有個姑娘走埋嚟問我, 點呀! 點解你攞咁高分嘅, 你係未有咩唔開心呀?! (當時我同bb換緊我一早幫佢準備嘅第一套靚靚衫, 不知幾開心!!) 冇喎!! 我只係有d緊張, 有d驚bb食唔飽啫, 不過尋晚都補咗一次奶粉比bb, 起碼佢唔會一d嘢都冇得食先啦!! 跟住姑娘話, 睇你同bb玩得咁開心, 都應該冇嘢嘅!!
下午, 媽咪同志雄嚟接我出院, 臨走時媽咪話要同bb講 "bb, 跟媽咪番屋企啦" 咁樣一路講到上車, 到番到屋企門口又要講, 直至講到番屋企, 都幾得意!! 點知番到屋企, 一同bb換片片, 吓!! 點解會咁家?! bb條片到有血嘅?! 咁究竟佢係尿道炎哎? 定係我之前抺得太大力, 整親佢呢? 咁點算呀?? 媽咪話即刻打去健康院問啦!! 又好彩健康院只係向我屋企對面, 嘻嘻!! 姑娘比我哋即刻落去睇, 咁媽咪同志雄就帶咗bb去睇醫生喇, 去到.... 姑娘都比佢哋嚇一跳, 點解佢哋會咁快到家?! 哈哈~~ 佢哋重幫我約埋覆診時間添!! 真係做到嘢呀!! 嘻~
結果, 醫生話原來佢係嚟M呀!! 吓.... 嚟M?? 係呀!! 原來係話咩我傳比佢嗰喎!! 真係搞鬼呀吓!! 嚇死人呀!!
睇吓豹豹幾鍚小春!!
尋晚, 志雄攞完薑飯比我走咗之後, 我打咗個電話比媽咪, 因為沙律去咗旅行, 所以佢上咗去訓, 嘩!! 佢同豬豬都好似情緒好高漲咁喎!! 哈哈~~
傾完電話, 食咗大半碗薑飯, 嘩!! 勁辣囉~~ 可能係終於身心都放鬆曬啦!! 有d唔知應該做乜嘅感覺, 下身痛楚依然, 又訓唔著喎!! 過咗一陣間, 姑娘就送咗bb過嚟比我啦!! 重教我點餵人奶添!! 一抱起bb, 第一個感覺係.... ee~~ 唔係我想像中咁軟林林喎, 我一d都唔驚抱佢, 至於比bb啜嘅感覺.... 好難形容, 但係子宮收縮就真係幾痛囉!! 姑娘行開之後, 我先真正望吓我bb, ee~~ 真係d輪廓出曬嗰喎!! 檢查吓佢d手仔腳仔, 佢哋話好似我喎, 似咩?!
眼光光望天光,重要岩岩5點幾嗰轉夜奶,小春唔肯食! 重話要等一陣再餵過,咁即係真係唔洗訓啦!
又到中午探病時間啦!! 志雄, 99同家姐都有嚟睇我, 重攞咗嘢嚟比我食添, 但係我好似有乜胃口咁, 先知原來我係嗌破咗個喉嚨, 食嘢時會覺得好辛苦, 又攰呢, 個人都冇乜食慾!! 不過佢哋話bb食人奶, 我唔食嘢.... bb又點會有營養呢!! 咁又係.... 咁唯有飲多啖湯啦!!
下午, 不停飲住媽咪一早買定比我嘅葡萄適, 因為聽Fanny講飲葡萄適會幫助上奶喎!! 咁我未勁隊囉!! 我都唔知有冇幫助家!! 都有d擔心bb唔夠食, 不過姑娘話佢e+只係食粒豆咁多都夠飽家啦!! 多d留意佢大小便情況, 就大概知佢飽唔飽, 如果唔夠姑娘會叫我補奶粉喎!! 咁我放心d先啦!!
飲得嘢多就自然去得多啦, 一落地先發覺, 嘩~~ 行動有困難囉!! d盆骨呀, 腰呀, 腳呀都重係勁痛囉!! 去toliet又鬼死咁煩啦, 咁痛重要坐冇影櫈, 重要搵噴壺清洗!! 最大問題係.... 我失禁囉!! 姑娘話唔緊要嘅, 做多d盆康運動就得家啦!! 唉~~ 我都知, 不過唔知要幾耐先好呢?!
到夜晚嗰轉探病時間, 志雄, 媽咪, 林林 & Kobe, 豬豬, Hedy & 滯都有嚟, 你一言我一句, 話bb似呢個似嗰個, 平時人哋d bb我都好多意見, 唔知點解到自己個bb, 一d都睇唔出, 似邊個呢?! 好迷!!
估唔到, bb第一封利事竟然係Hedy姨姨封嘅囉!! 多謝Hedy姨姨~~
