d人成日話照結構, 廣華又唔肯幫我照, 搞到我e+先嚟搵醫生照, 但係不論平貴, e+book已經好遲啦, 到到都話full咗, 好彩文文照嗰間話重有位, 嗱嗱聲book咗先!! 點知... 好彩咁岩Peony打嚟, 佢話佢一路都係睇聖保祿, 個醫生又好好, 唔洗理咩結構唔結構, 基本上佢每次都睇得咁詳細!! 我更係即刻book啦, 不過要約一星期後!!
今日放假, 真係實在太心急啦, 我又打去聖保祿話自己有d肚痛, 可唔可以安排我今日睇呀?! 嘻嘻~~ OK咗!!
個醫生真係好好, 睇得好仔細都不特止, 重解釋得好詳盡, 平時睇完醫生, 你重係會有d不解, 例如嗰d專有名詞啦, 但係佢講完, 我真係明曬囉!! 心情都舒坦咗呀!! Peony真係好介紹呀!! Thank you曬你呀!!
大家嚟睇吓, 呢張相嘅左邊係BB嘅大肶骨, 佢比我嘅實際週期長咗4日, 而右邊呢就係頭骨, 佢比我實際週期細咗4日..... 唔通BB真係咁似我.... 頭細腳長.....
下面重有d唔同角度嘅, 但係睇吓.... BB個眼窩咁大, 唔知會唔會對眼都好大呢?!
至於性別方面呢, 志雄成日都話鍾意女, 搞到我呢排都有d緊張, 咁我就問佢啦.... 如果我照到係仔, 佢會唔會好唔開心家?? 佢話我痴線喎, 話如果有得選擇, 佢先想係女啫, 其實仔女佢都鍾意嘅, 不過我又諗... 會唔會其實佢係鍾意仔嘅, 不過唔想比壓力我先話鍾意女呢?? 佢又話唔係喎, 不過e+好多男人都鍾意女嘅, 因為嗲d嘛!! 哈哈~~ 係未個個女人都會諗埋d咁無聊嘅嘢嘅呢?!
而我自己呢.... 其實我都幾傳統家, 我想生仔先囉!! 哈哈~~ 因為我鍾意女多d, 我想第日個女女會有個哥哥保護佢!! 但係.... 當我行街嘅時候, 又真係覺得女仔係多d嘢玩嘅, 嘻嘻~~
所以今日幾驚照唔到呀, 如果真係照唔到, 我一定勁失望囉!! 好彩照到.... 都不特止, 醫生重要話幾肯定添!! 嘻嘻~~ 係女仔嚟家~~ 志雄開心到呢!!
我重問醫生, 邊有4個月人仔得嚟咁大力家, 佢直頭頂起咗我個肚皮, 連志雄都摸得到喎, 尤其係夜晚呀!! 有時重會整醒我添呀!! 醫生話.... 吓!! 呢個周期應該只係彈吓彈吓咁咋喎, 點知佢一睇, 嘩!! 係喎!! 佢都真係幾活躍喎!! 不過... 叫我唔好埋怨佢郁得勁, 佢郁得勁即係代表佢健康喎!! 咁呀....... 咁唯有.........忍囉!! 唔係點啫!!
