小春入院第三天...

醫生岩岩巡完房... 話已經種到菌喇... 係大腸幹菌... 重要都幾惡添... 估計都係由大便到感染啦... 但係... 我哋不嬲都好乾淨... 正常唔單止用濕紙巾抺, 重會幫佢洗pat pat添!! 唯一解釋可能就係... 有時痾完唔係即時發現... 比細菌有機可成啦!! 不過醫生話e+用緊嘅抗生素都ok嘅...
又因為佢唔肯飲水... 所以都要繼續吊水... 雖然重係好反覆咁發高燒... 但只要溫度走勢係向下... 咁就ok喇... 至於出院...
就要佢完全退燒之後24-48小時後嘅事...

尋晚去探小春... 雖然佢都有燒... 不過就醒精嘅... 有時重幾噪添... 好大脾氣...
比video佢睇... 如果佢唔鍾意嗰首歌... 就會大叫鬧人... 呢個囡真係... 又擔心佢... 又比佢激死... 都不特止... 差d唔記得講... 佢尋晚重鬧醫生添呀...

話說醫生話幫佢檢查... 行埋佢到... 佢即刻啤住醫生... 跟住大叫 "吖" ... 哈哈!! 重要係好惡嗰陣... 之後爸爸抱佢坐低比醫生摸肚肚... 佢又 "吖" ... 總之醫生每個動作佢都 "吖" ...後未重bu人添... 一路吖... 一路bu... 你哋話呢個小朋友... 幾惡呢~~

  姨婆同表姨都有嚟探我哋呀~~

姥姥尋晚留向e院陪小春... 話半夜探完熱... 佢唔肯訓... 之後又開始震... 姥姥唯有抱住佢訓啦... 後未又燒到38.7...

小春入院第二天

尋晚去睇小春... 醫生話報告出咗... 話d小便入面有白血球... 正常指數係0... 但佢e+就150... 所以佢應該係尿道炎... 要插尿喉抽小便種菌... 

當醫生叫我抱佢過去另外一間房嗰陣... 我個心嗱到呢... 直頭有d似要帶佢去行刑咁... 醫生話... 你都係唔好睇啦... 你番入房先... 順便攞條尿片比我啦!! 我番到房... 大概相隔四五間房啦... 我都重聽到佢大叫大喊聲... 簡直就係喊到癲咗囉... 我真係忍唔到... 心如刀割咁... 我入咗厠所... 叫自己忍住... 要忍住呀~~ 諗起自己細個時都插過尿喉... 係好痛家!! 不過好彩小春唔係一路要插住... 只係插一插... 攞咗d尿就得喇... 無法啦... 咁樣係唯一一個... 最乾淨咁拎到小便樣本嘅方法... 小春你就忍住啦... 快d好番就唔洗再受苦啦!!

雖然重未肯定係邊隻菌... 但係即刻就要開始抗生素療程... 醫生話... 呢隻抗生素都可以醫到普遍嘅尿道炎菌... 所以就要一邊落藥一邊等報告出囉... 重開始幫佢吊水... 唉... 都好嘅... 小春真係勁似我... 連駱駝嘅特性都似埋... 就係唔飲水囉!!

尋晚爸爸留守... 話成晚只係訓咗1粒鐘... 小春唔肯訓覺... 又勁發高燒... 唉~~ 真係辛苦爸爸啦... 所以小春... 你要加油呀~~ 網上重有好多auntie uncle留言支持你添呀!! 你要努力打敗病魔呀~~ 

從呢次入院可見... 我哋小春... 原來好記仇家... 由第一日入院... 姑娘幫佢裝豆豆開始... 佢每次再見到著住姑娘衫嘅姐姐... 都會喊到收唔到聲... 真係慘~~

小春入咗醫院呀~~

經過尋晚嘅一番煎熬.... 小春係咁燒燒燒... 最高嗰次重燒到105(肛探)添... 媽咪就同小春塞藥啦... 但係... 藥一過又燒... 再塞都重係102... 搞咗成晚...
又餵藥又探熱.... 結果我同媽咪都冇乜點訓... 又擔心... 又唔知好唔好同佢去急症室好... 又見佢有d退... 唉~~ 重之就擔心啦!!

今朝一早起身... 我又要番工... 唯有要姥姥又同小春去睇醫生啦!! 真係辛苦曬我媽咪呀!! 成晚冇訓重要佢走嚟走去... 大家都知啦... 小春真係唔輕家嘛... 我同姥姥講... 反正買咗保險... 不如問吓醫生洗唔洗留院啦... 向醫院有人睇著... 點都好過我哋向屋企唔知點算嘛!!

結果... 醫生話唔可以肯定佢係玫瑰疹... 話有3個可能性... 可能真係玫瑰疹... 又可能係過濾性病毒感染... 最唔好嘅情況就係尿道炎囉... 因為要食抗生素嘛... 留院觀察吓啦!!

一上房... 醫生就要小春裝豆豆... 姥姥話小春喊到拆天咁... 更係啦... 我哋大人都痛到想死啦... 何況咁細個小朋友... 唉~ 聽到都心痛死我啦...

下午... 姥姥要番屋企攞嘢... 沙律姨婆就嚟睇住小春先... 結果... 我收到姨婆send嚟嘅whatsapp...

   我隻陰公豬仔呀~~

   要姨婆抱住先肯訓....

但係轉頭...................... 睇埋條片先知.......................

雙雙睇醫生

尋晚湊小春番姥姥到... 順便就向媽咪到訓, 一嚟就諗住早d訓, 唔洗夜媽媽番屋企嘛, 二嚟又可以同小春相處多一晚... 嘻~~ 臨訓重有媽咪幫我按吓個背先訓添... 我個背脊已經痛咗好多日啦, 雖然老公晚晚都幫我按吓, 第二朝係好d嘅... 不過尋收工就會開始痛番囉!!

今朝一早起身... 背脊e然勁痛... 唉!! 都要起身番工家... 點知就聽到媽咪話小春發燒喇!! 咁橫掂都係喇... 就同小春一齊去聖保祿睇啦!! 嘩~ 點知咁睇一睇... 睇咗我成378囉... 真肉痛!! 不過叫做打咗支針!! 但係小春就... 去到先知今日冇兒科睇... 唉!! 咁唯有睇普遍科啦~~

點知...番到媽咪屋企食埋藥... 訓到混混沌沌之制.... 媽咪話小春d燒不退返升... 重燒到104.5(肛探)添... 唉！點算... 當時我係就係成個彈起咗... 但真係起唔到身...
結果... 媽咪就帶咗小春落樓搵醫生睇... 醫生話懷疑小春生玫瑰疹... 比咗支退燒藥... 肛門塞藥... 同一支抗生素...
但話抗生素冇必要唔洗食......

塞咗藥... 見小春出咗身汗... 終於... 都退咗燒啦... 不過呢排都聽好多bb出玫瑰疹... 通常話會發3-4日燒... 退燒後就會出疹家啦... 希望小春快d好番啦!!

今日向表姨個微博... 發現呢張相...

   標題係... 肥妹怪獸襲地球

小春po微博呀~~

今日又要姨婆幫手揍小春啦!! 聽講佢都幾好訓喎~~

   重攬埋baby一齊訓添!!

點知醒咗之後... 就變咗癲人啦... 周圍搞嘢... 我向電話邊... 不停都聽到佢比人鬧... 哈哈~~ 又要玩ipad... 唉~~ e+d小朋友真係... 唉~~ 幾千蚊部機... 比佢哋係咁拍拍拍... 哈哈~~

佢重... 佢重...向微博出咗條post呀... "Giou的t'在我iij的oj的ijqm在wtai＂i要i swwwwws" 唔知佢想講咩呢?! 哈哈~~

小春牛~

今日同小春兩個向屋企... 玩咩好呢?! 就攞我份大禮物嚟玩啦!! 小春... 你準備好未呀~~

點知... 影完幾張相之後... 就嗅到臭臭哋... 唉~~ 洗patpat啦唯有...