NDSL

年初三嗰日悶悶地，同志雄出去join沙律同阿Dick，點知買唔到飛睇戲都不特止，重比沙律呢隻小妖精道咗買咗部NDSL，嘻嘻！其實都唔係話道嘅，根本我自己都想買，重買咗部PSP比Jofee添！呀！大出血呀！

不過，真係好好玩囉！我玩到癲咗，周圍叫人買！哈哈！真係好好玩o家，好夠低能囉，連我哋呢d打機白痴都識玩！搞到我行街又玩，訓覺又玩，重之機不離手啦！癲咗，真係癲咗！

你哋都快d買啦！！！

傻佬D@Y之回覆

Morning Peggy!

放心，今次之後一定唔會再寫錯架喇～kakaka～在下會好好記住～～

我去左妳個 blog
度睇喇！好有趣呢～唔係話好似漫畫咁有娛樂性，而係指 d
生活點滴平時好似好普通咁但係加埋就變得好豐富～（事實上在下
e+ 仲睇
緊妳之前果 d）！

但係唔知點解想回下妳佢都 404 error 我.....
是但啦，係度 re 妳喇，其實....
妳記錯左啦，在下 100%
中國人啦，係阿媽係日本華僑之嘛！同埋 msn 好似
係果期 d chat
友教既之嘛～我當時都係岩岩玩冇耐咋～妳唔記得咩？妳早開

chat room（妳果間係：Help!! 好悶～救命呀！<--
咁上下～） 過我架嘛～

至於果幅傻豹妹 +
唐老鴨唔係好難畫啦！唔使咁客氣嘛........ 果時係因為 OT
得
勁得滯未食 lunch 先 wing wing 下～唔使咁內疚下 fa
..... 都唔關妳幅野事～
係我 boss 有虐待狂嗟～

至於儲 $$$ 呀..... 其實都係想首期+裝修+家具+旅行....
等等一計好似好多咁，
廢事結完個婚就要日日上天台食風先咁安排啦～sigh~~ 係 hk
結婚真係難....
所以其實幾羨慕妳架都！

同女友傾過下喇～佢話係就遲少少結～咁在下都贊成既，走就實走唔甩，準備多
d 會好 d 既～同埋放心啦！在下唔會要佢等太耐啦！

好啦～傾到哩度先遲 d 再傾過啦！等陣連今日都 OT
就死得人多啦！
祝妳有個甜蜜開心既情人節啦！Keep in touch!!!

take care!
Best Regards


D@y

續漸發達又得~立即發達亦得~~得咗！小花公主恭祝大家發財！

又一年啦！今日重係我個好朋友Hedy生日添！首先向到祝佢生日快樂先！

我屋企年三十晚好多得意嘢o家，又要拜神，又要包水餃，總要同媽咪叩頭....，但係外嫁女年三十晚係唔番得屋企o家，話唔好嗰喎！所以今年係我最後一年向屋企過嘅年三十晚啦！

年年年三十晚，我都會出去行花市o家！但係媽咪話要等大家都有個美好回憶，今年唔好出街啦！所以我就向屋企啦！封吓利事呀，包吓水餃....重有最緊要嘅係等舅舅、豬豬同沙律嚟拜年！哈哈哈！等緊舅舅封利事呀！

哎！向到同大家拜個年先！祝大家

財源廣進，身體健康啦！

多謝曬Day Day！

我有個chat fd~~佢叫D@Y，我哋識咗7年o家啦！佢好似話係個中日混血，電腦都OK叻，重識畫公仔添！我識玩msn都係佢哋嗰期d chat fd教我嘅！係唔係佢~~我都唔係好記得啦！不過e+我都係得番三兩個chat fd係有繼續keep contact嘅咋！我同D@Y見過3次面到！可能係因為佢同我一樣大，比較好傾d啦，而且佢低低能能都幾得意嘅！但係e+都少咗聯絡啦，始終大家都各有各忙嘛，只係間唔中email吓囉！

今次，我就係睇中咗佢畫公仔有一手，叫佢幫我畫幅唐老鴨同傻豹女結婚嘅圖，點知佢就鬼死咁醒，一估就估到我要黎結婚用！初時我都唔知佢肯唔肯o家，因為佢成日都好忙o家！但係當佢一知我係用黎做結婚Logo嘅，就即刻上Google幫我搵公仔，同埋畫埋佢哋向一齊，佢話驚Dum Dum吓唔記得喎，又話當係比我同我honey嘅結婚禮物，佢重要整完先去Lunch呀，又話差d餓死佢又剩，真係唔話得呀！所以話呢，邊個話chat fd一定係衰人o家！有時真係好過自己d fd呀！

Thank you呀D@Y！

係未等咗好耐呢！

呢排實在太多太多人問我向邊到整腰骨喇！個個都問我攞卡片，好啦！我今日終於得閒d放張卡片上黎啦！

忙到癲咗！乜真係咁煩家咩！

呢排真係忙到癲！忙咩？公司又忙啦！大陸d人趕住番鄉下過年嘛！乜都要快手d！跟住就係要周圍睇場啦！哎！唔記得話比大家聽，日子已經定咗喇！係08年1月22號！嘩！原來搵埸都真係幾煩o家！原先我哋一心係諗住擺九龍灣君豪會嘅！點知之前時間突然變咗，又驚冇位，未要周圍睇定囉！d人又講到擺酒樓幾平幾平，我哋未又search吓囉！但係唔係囉，基本上同擺酒店唔差得好遠，咁一世人一次，最好更係唔好擺酒樓啦！洲際嗰d咁貴就擺唔起家啦！就諗住睇吓d次一級家啦！點知一係就冇位，一係就因為我哋擺得唔夠多圍數，擺唔到宴會廳，再唔係就樓底勁矮！唉！

睇咗一個禮拜場，有兩個選擇，第一個都係君豪會！佢個埸真係幾得家，又有落地玻璃睇維港景，不過...向九龍灣展貿，周圍乜都冇，d老人家去會麻煩d，而且最搞笑嘅就係...佢送一晚酒店房，但係係黃埔海逸囉！大家諗吓我哋飲到大曬，重要拾番d衫搭的士過黃埔都幾係嘢！

所以結果，我哋尋日終於決定咗...擺富豪香港，雖然個埸就唔係好大，不過我鍾意佢有自成一角嘅感覺！反正我哋都擺得唔多圍，ok啦！菜單尋日都決定咗喇！都幾Oo家！哈哈！