家長日

今日真係超忙... 又係畫畫 + phonics.... 之後重要去小春學校家長日... 同今日第一日番嘅小動物數手指....

家長日... 老師都係對小春讚多過彈嘅... 不過.... 就話佢呢兩星期開始... 唔知點解冇咁專心上堂囉~~ 係.... 近排我同佢溫書都覺佢心散咗... 所以我都冇逼佢... 冇日日都備課溫書... 唔通咁... 佢反而唔鍾意??? 定還是唔逼佢... 佢就dum懶咗呢... 都唔知應該點做好....

另外... 有一樣嘢... 我都幾唔開心嘅.... 就係收到呢張嘢... 內容就自己睇啦... 主要就係講... 當你有需要幫忙時... 你會搵邊個呢... 人哋小朋友答"媽媽"... 小春答 "姐姐" 囉.... 真係心up... 但當我現場再問佢一次... 佢又答 "媽媽"喎.... 唉~~~

其他整體表現都ok... 佢都好肯學嘢嘅... 亦都好享受校園生活... 我又同老師分享吓.... 屋企嘅佢係點... 成日唔肯自己食飯... 有負面情緒... 會爭嘢玩... 老師就話... 佢係有d情緒... 會試吓同佢傾多d計... 了解吓... 但爭玩具佢就冇見過... 話佢都好肯分享喎...

成個過程... 小春個樣都勁R底... 又驚老師報寸... 又驚我話佢d衰嘢比老師聽... 最驚就係我哋會鬧佢囉... 咁我哋更係有安慰番佢啦... 但最搞笑係...... 睇到佢... 我就好似睇番自己細個咁.... 哈哈~~

到上小動物數手指啦... Oh no~~ 比我哋想像中差囉... 一個老師教5個學生... 其實唔算多... 最麻煩係... 佢哋唔同程度呢... 有d已識寫字... 少少加數... 教嘅時間會長d... 冇嘢做時... 竟然係叫小春佢哋扒底囉... sorry呀Miss... 一共先上1粒鐘... 咁訓法... 我洗鬼嚟上堂呀... 不如番屋企訓啦...

放學我問小春好冇玩... 佢依然答好玩... 但當佢知我知佢要扒底時... 佢就話... 有d悶啦... 咁我就同佢講... 媽媽已經比咗錢啦... 我哋就上幾堂... 試吓係未都係咁啦... 我哋比個機會佢先啦... 好冇?! 佢就話ok囉... 我諗學完呢個月... 都88㗎啦~~~

女版巴斯光年

天氣開始涼咗好多... 好彩之前都有留幾套長袖衫... 預備不時之需...

尋晚...阿Tun去咗媽咪到... 冇番嚟訓... 因為今日媽咪一早要去做檢查... 佢要幫手睇小朋友... 所以... 我自己同小春沖涼... (好耐冇試過... 有d手忙腳亂)... 之後就同佢換咗套巴斯光年衫... 其實套衫已經係舊年㗎啦... 但佢依然都咁興奮... 一陣又去拎槍... 一陣又拎巴斯公仔... 真係好好笑...

食晚飯時... 重突然表現得好乖... 自己食曬成碗飯... 佢話巴斯光年好乖喎... 真係想買多幾套巴斯衫... 等佢日日都咁乖... 哈哈~~

睇恐龍

尋日... 終於帶小春去咗睇恐龍啦... 比預期... 都唔係排咗好耐啫... 小春不單止冇驚... 重係咁要我同佢影相... 可惜... 我哋冇帶相機... 場地又有d暗... 所以都唔係影咗好多張...

入面都有d小玩意比小朋友玩吓... 但小春太細... 估佢唔識玩... 所以亦冇同佢排隊玩... 哈哈~~ 叫做見識咗... 又可以同小春多個話題... (小春又周圍懶叻同人講)... 哈哈~~

尖沙咀... 好多地方已經好有聖誕氣氛... 小春亦成日見到咩到話... Merry Christmas呀... 去到邊都叫我影相... 真係好搞笑~~

 而最搞笑就係... 行行吓街... 佢竟然指住張相... 話係阿Tun喎... (工人姐姐)... 咁又真係幾似嘅... 哈哈~~

小春又報名學嘢

尋日小春上緊Phonics嗰時... 我走咗去2間琴行... 問吓資料... 然後去番等小春放學... 期間... 又同d媽媽們傾吓計... 問吓...

小春星期六... 10點學畫畫... 12點上Phonics... 之後又話要報2點上小動物數手指... 如果星期日再學埋琴... 會唔會太過密集... 小春會唔會好攰呢...

媽媽們異口同聲... 覺得唔會... 並覺得小朋友只當玩... 唔會覺得攰... 而且... 早d比佢哋試... 但唔好逼佢哋... 到小學就冇咁多時間啦... 如果小朋友鍾意... 就自然enjoy... 如果冇興趣... 就直頭唔洗諗... 比佢放棄囉...  諗諗吓... 都岩嘅...

所以放咗學... 同佢食d嘢... 就去咗社區中心... 幫佢報名學小動物數手指... 即係帶住d小動物嘅手指套... 教小朋友數手指... 等小朋友初步認識數字... 同簡單加數... 小春上星期嚟... 已經唔肯走...話要即刻入去上堂... 今次嚟... 雖然之前都有碎碎念... 話今日只係報名... 唔上堂㗎... 佢更係話知知知... 結果... 都係唔願走... 哈哈~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今朝... 琴行話可以安排到試堂... 比小春試吓... 亦試吓小春夠唔夠定... 適唔適合開始學琴...

小春入到房... 初初有d緊張... 因為琴房只有一座琴... 2張櫈... 真係有d壓逼感... 但warm up咗之後... 小春開始跟住Miss做指令喇... 又幾叻喎... 長音短音輕音重音... 佢都分到... Miss又要求小春跟佢拍手數節拍... 佢又真係跟到喎...

Miss再彈高音鍵... 問小春似咩聲... 小春答 "小鳥"... Miss望一望我... 我冇反應... Miss又彈低音鍵... 問小春似咩聲... 小春答 "大象"... Miss又望吓我... 問我點解佢識嘅... 吓~~ 咩點解佢識呢... Miss話 "小鳥同大象" 真係佢哋教學時用嘅形容詞... 問我小春係未上過d咩堂學過... 吓~~ 我唔知喎... 可能係幼稚園老師歌詠堂講過呱....

跟住Miss指住一個符號... 小春冇理佢... 但就指住另一個符號話... "低音譜號呀"... Miss又望我... 我話... 我唔知呀... 我自己都唔識... Miss笑話... 可能又係學校老師講過啦... 咁佢都真係幾好記性喎... 跟住就教佢... 另一個高音譜號...

再考手指仔... 呢樣小春真係差d... 一向都差... 連整V字手勢都係識咗冇幾耐... 哈哈~~ Miss就叫佢返屋企要多d練習... 食指同中指... 好似扮人行路咁...

呢個時候... 小春已經不受控制... 亂彈琴... 跳落地... 我問Miss... 其實佢適合開始未呢?? 會唔會太細學... 會容易學壞手呢?? Miss話... 其實都有教開3歲嘅小朋友... 唔專心一定會有... 唔好期望佢每堂學到好多嘢... 就當早d比佢聽多d... 有少少認識就ok... 可以自己諗吓先... (完全冇逼我學)... 至於手勢方面... 其實學唔學壞手... 好睇小朋友... 因為彈琴手勢... 就似攞住d嘢彈咁... 如果佢番屋企練習係錯... 又冇人及時提醒... 咁真係好易養成唔好習慣...

我聽Miss講得都有板有眼... 而且... 又做曬Test咁... 唔似另一間係咁話冇問題... 而且都有其他媽媽講過話呢間ok... (雖然唔知邊個Miss教佢個囡)... 所以我決定報名喇... 就真係當比小春試吓囉... 話曬彈琴呢樣嘢... 好講恆心... 冇得逼... 睇佢自己做化啦... 嘻~~

媽咪新曆生日

尋日媽咪生日... 老公今次好醒... 晨早就攞定假... 如果唔係... 我放工重要番屋企揍一對囝囡... 咁就真的大獲鳥~~

放5:45... 大把時間... 我重可以買埋蛋糕... cc然咁搭巴士去沙律屋企... 初時重以為會出街食... 點知原來沙律同媽咪已經傾好曬... 叫外賣番屋企食... 咁都好嘅... 話曬要帶3個小朋友出街食... 真係好麻煩㗎嘛... 何況佢哋3條友仔... 重要正正就係最噪嘅年紀... 哈哈~~

睇吓... 剩係影幾張相都忙到呢~~

近排... 媽咪發現腰到生咗個腫瘤... 所以點解佢呢幾年... 成日都話腳痛... 麻痺... 冇力呢... 原來腫瘤已壓住d神經線... 雖然醫生估計係良性... 但都要做手術... 而且... 話曬都向條腰... 係一個大手術嚟... 可能嘅風險係... 有5%下半身癱瘓... 有30%嘅人會有不同程序嘅傷害... 例如失禁... 要用拐杖行... 當然都有70%嘅人... 冇事... 但冇事嘅意思又唔係冇曬事喎... 因為d神經線被壓得太耐... 可能已經有一定嘅受損... 所以... 如果好嘅... 可能會比e+好dd... 如果唔係... 可能就同e+冇兩樣... 但最起碼唔會差落去囉...雖然重未排到手術期... 但醫生預計大約排3個月到啦...

媽咪...你千奇唔好有事呀... 我祝您身體一定要健健康康... 無災無難... 快快樂樂... 你都要放鬆d... 一定冇事㗎... 我哋個個都咁錫您... 支持您...

我家有"對"小歌星+ 童話幻滅了

尋晚番到屋企... 一入門口... 就聽到bubu... mamamama咁叫... 真係好聽嘅啫...

自媽咪生日嗰日... bubu好似突然大個咗好多咁... 識行幾步啦... (雖然好懶... 成日都唔願行)... 又識叫媽媽... 又識懶嗲... 哈哈~~ 越嚟越搞笑....

尋晚... 小春又表演唱歌... 佢唱國歌真係好好笑... 軒軒聽到都走入嚟我房唱埋一份... 估唔到... bubu聽到... 又跟住唱埋一份... 嘩~~ 即刻撲去攞電話啦...

食完飯... 沙律打嚟搵小春... 竟然扮Cinderella... 鏈住喉嚨尖聲同佢講嘢... 小春都唔信... 重考番佢轉頭... 問佢Cinderella著咩色衫㗎?? 點知沙律又識答喎... 重話比小春聽... 比家姐蝦佢... 重打佢添... 叫小春救佢... 哈哈~~ 小春真係信啦... 重即刻好驚... 將個電話比咗軒軒聽... 沙律繼續扮... 今次連軒軒都驚啦... 兩個掉低咗部電話... 唔肯聽... 99問... 做咩唔聽姨婆電話呀... 佢個都唔敢出聲... 哈哈~~

我當時唔知呢件事... 到小春番房... 佢玩緊我個電話... 突然電話響... 佢望吓我... 之後按收線... 我問佢做咩收線... 佢奸笑... 電話再響... 我聽... 小春即刻爬上床... 沙律講事發經過比我聽... 我已笑到嘩哈哈~~ 然後沙律再叫我叫小春聽... 話Cinderella搵佢... 小春唔聽不特止... 重走咗去床尾... 伏咗向d公仔與被之間... 哈哈~~ 叫極佢都唔應... 拉佢都拒絕出嚟... 哈哈~~ 沙律又問我... 重有咩公主... 一陣又扮自己係貝兒... 一陣又話自己係奧羅拉... 笑死... 小春依然呢埋... 哈哈~~ 真係笑到我哋死死吓... 話今次小春可能童話幻滅了... 哈哈~~

呢個時候... 沙律就用番正常聲... 話班公主去咗佢屋企... 換衫扮靚靚... 準備去迪士尼開Party... 問小春去唔去... 小春有d心動... 但依然有d驚驚哋... 我又幫吓口啦... 話Princess問你想去Party... 咁你有冇皇冠喎... 小春即刻彈起身... 話"有呀"... 跟住就係咁搵皇冠... 嘩~ 夜媽媽... 一陣真係扭去姨婆到點算呀... 唯有話... 唔係今晚... 係聽日呀... 咁你搵定皇冠練定舞啦喎...

跟住小春又帶皇冠... 又死要著嗰條粉紅色跳舞裙... 係咁要我同佢練舞... 跳得兩跳... 我拎咗隻大翠斯比佢... 叫佢同翠斯跳... 佢一隻手攬住翠斯... 一隻手揸住自己條裙... 哈哈~~

志雄番嚟... 我話比佢聽... 佢都忍唔住笑... 話小春低能... 哈哈~~

慢慢建立感情

因為聽日媽咪屋企整門... 所以bubu今日又番咗嚟屋企... 唔知係唔係呢排見多咗呢... bubu痴我咗... 小春亦好似同佢感情好咗... 哈哈~ 係未真都重未知... 不過都係好開始啦...

曾經都擔心... 好多朋友都生咗第2胎... 兩個小朋友日日一齊生活... 感情已建立...有d鍚到個細佬妹不得了... 有d雖然依然呷醋... 但都開始接受咗事實... 亦開始識點照顧細佬妹... 點樣就住佢哋... 唔好整親佢哋... 但小春因為少見... 所以重係差少少...

但除住細佬bb慢慢大個... 開始識d嘢... (開始識呷醋添... 頭痕!!)... 同時小春番咗學... 識多咗嘢... 好似開始明白... keep keep keep~~~ 應該離相親相愛不遠了...

阿bu識行幾步啦

尋日媽咪舊曆生日... 大家都入曬佢屋企食撈麵... 因為我要陪媽咪睇醫生... 阿tun又要照顧小朋友... 唯有叫沙律去接小春放學... 真係麻煩曬佢...

沙律重買咗吹泡泡比小春玩添... 小春不嬲都唔識吹... 但沙律今次買呢款... 係好似我哋細個玩粉紅樽仔嗰隻咁... 成支打直吹... 教佢時... 佢重反而吸咗入口添... 即刻搵水比佢浪口... 點知... 佢就向大門口吐水... 真係比佢激死... 後尾我叫佢好似吹bb咁... 佢就終於識啦... 重勁開心添~~

睇吓佢衣不襯身... 係因為冇帶衫去姥姥到... 著番細個d舊衫... 哈哈~~ 重要著住番學嘅皮鞋... 真係失禮曬... 哈哈~~

今日bubu真係好搞笑... 重之... 我唔可以企起身... 就算我唔行開... 重之一企起身... 佢即刻吹銀雞... 喊到得人驚到呢... 就算邊個抱佢都唔得... 連媽咪都唔得嗰吓搞笑... 哈哈~~ 但我一接番手... 佢即停... 難怪媽咪話... 揍佢哋幾耐都冇用... 始終都係阿媽親...

哈哈~~ 今日阿bu重踏出佢嘅一小步添... 我真係興奮到不得了...因為阿bu話曬住向姥姥到... 我好驚錯過佢嘅第一次... 好彩... 雖然而家影嘅已經係第二次... 第三次... 但起碼第一次... 我見證咗啦... 最犀利嗰次... 差唔多行到8小步呀~~ 幾叻仔呀!!

一家出街食飯

今日媽咪舊曆生日... 但因為唔想媽咪太耐整餃子... 所以尋日決定大家出街食算啦... 今晚先番媽咪屋企食撈麵慶祝啦...

有咗上次1拖2嘅經驗... 今次帶埋腰櫈... 真係冇咁攰囉... 但bubu去到沙律屋企... 就喊到9彩... 雖然唔係成日見我... 但佢就只認媽媽... 真係冧冧呀... 不過就都幾煩囉... 一步都唔離開得... 又驚佢又喊到聲沙...

沙律同媽咪都話... bubu點解成日面青... 媽咪話佢應該接受唔到空氣混濁... 一多人可能就條氣唔係咁好... 叫我2歲前都唔好帶佢出街玩啦... 吓~~其實都唔係貪玩嘅問題... 只係覺得bubu已經比小春嗰陣去少好多街... 連公園... 咁大個仔... 都只係去過一次... 真係有d可憐...

但佢呢個面青... 又真係令人幾驚... 咁... 唯有... 困多一排... 睇吓點先啦~~

哎... 有冇d咩可以比佢食咗... 強壯d呢... 定睇中醫呢... 但去邊到睇好呢... ??!


K11有得玩...

著咗上星期舅母送條裙... 個衰妹覺得自己好靚

又周街鬧你...

岩岩向麥記鬧個職員... 佢收咗阿婆個餐... 婆婆話佢未食完... (可能婆婆行開過)... 點知個職員大大聲... 話我點知啫... 咁你要咩呀... 魚柳包餐呀... 比番你囉... (其間重要拍打d食物盤)... 態度極差... 哎! 周圍竟然冇人幫口都得... 

個職員去攞餐... 我好嬲... 叫小春坐定定等媽媽一陣... 想去鬧佢... 但始終唔放心... 唯有等佢攞餐番嚟先... 婆婆索索吓個鼻... 好似比人恰... 同人乞番個餐咁... 越睇我就越火滾...

到佢番嚟即問佢叫咩名... 咩態度呀... 咁大聲蝦阿婆... 哈~ 佢竟然話sorry囉... 囉喎... 佢都未死過... 我點會放過佢哎... 繼續鬧9佢囉... 佢同阿婆話自己唔知... 我即刻駁... 唔知你咁大聲... 真係忍得好辛苦冇講粗口... 嘻！

小春走嚟睇我... 完全冇驚... (可能已經慣咗)... 我就叫佢快d氹番婆婆啦... 婆婆唔開心呀... 

最後... 婆婆竟然只食曬薯條&飲品... 拎住魚柳包嚟同我講多謝... 哈！我更係冇要啦... 我自己d都食唔曬... 

小春讀英文

小春呢個囡... 佢有一套佢自己嘅記嘢方法... 我唔知佢係未用圖像記憶法... 我亦冇教過佢... 不過... 從我幫佢溫書... 問佢問題... 我估咋....

例如... 我將一d字卡入卡套... 教佢生字...當然唔會逼佢... 就每日同佢讀兩次... 一星期後... 佢大約可以讀曬出嚟... 我唔信佢真係識... 所以將卡嘅位置倒轉曬... 結果... 佢真係唔識... 哈哈~~ 證明佢唔係記字... 係記位...

每日同佢溫書... 由於佢已經識曬26個英文字母... 所以當讀 A~ Apple 嘅時候... 佢會自己讀一次... A... P... P... L... E... Apple咁... 當然... 我唔會阻止佢啦...

有一次... 我就考吓佢... Apple點串呀... 點知... 佢咪埋眼... 好似諗嘢咁... 然後真係串到出嚟... 咁boy呢... 又串到... 至始之後... 每次溫英文... 我都鼓勵佢... 串字... 然後遮住問佢... 唔識就比佢睇吓... 再遮住咁... 佢好似覺得抆開我遮住字隻手好好玩... 咁我又當遊戲咁同佢玩吓囉... 直至串到一次... 就收手... 因為我唔想嚇怕佢... 等佢怕咗溫書... 怕咗串字... 覺得有壓迫感... 雖然到e+... 佢都只係間中可以串到 H for Hand... 但已經覺得佢好叻女...

我哋成家都冇乜邊個有書緣... 希望小春... 你繼續加油呀!!

中國香港

成日話香港人...
唔當自己係中國人...
又話香港都係中國...
又話香港人睇唔起中國人...
咁又唔見淘寶全國包郵... 有我哋份...
都唔見得中國人當香港係中國啫...

bubu打家姐

經過星期日...第一次同阿bu出街... 雖然攰... 但感情又深厚咗... 有d唔捨得佢番媽咪到添... 咁岩尋日媽咪又去睇醫生... 就叫佢向我屋企留多晚啦...

bubu e+好識做戲... 唔可以同佢有eye contact... 一比佢見你望佢... 等於你一定要抱佢... 哈哈~~ 番到屋企... 佢又食緊粥... 放底個袋又喊... 去沖涼又喊... 雖然佢好快收聲... 但個樣可憐到... 就好似話你望住我... 都唔提我... 好似我會消失佢面前... 嗰重feel...

搞掂曬... 帶佢入房... 小春重訓緊覺... 個衰仔... 次次都係咁家... 張床咁大... 又有玩具... 佢就一定係爬上小春個身到先... 想搞醒小春... 有時重會扯頭髮... 講你哋唔信... 今次影到... 佢竟然... 攞滕條... 勢似打小春... 哈哈~~

攰死媽媽... 冇命賠

尋日... 要寫嘅嘢就真係多囉... 雖然話攰啫... 但真係開心... 好笑囉...

朝早... 兩姐弟又比我影到... 爭ipad... 比大家睇吓... 阿bu牛精仔一面... 哈哈~~

小春又點會係省油嘅燈哎~~

今日叫咗tun tun放假... 自己一個人搞掂兩條友仔食飯... 跟住就出發啦.....

但因為費事上的士又要收車又剩... 所以只係一隻手抱住bubu... (腰櫈漏咗向媽咪屋企)... 一隻手拖住架bb車... 小春就又話要幫手拖車... (都好嘅... 冇手拖佢)... 但最慘佢並唔係幫到手... 只係加添咗架車嘅重量... 一路行先發覺... 我真係低估咗我個仔嘅重量呀....

好彩... 小春而家已經好叻... 我將車仔放向欄邊... 小春以為自己扶住咁看住架車... 我截到的士... 開咗門... 小春就自己上車... 我將bubu放入車... 小春就幫我攬住阿bu... 等我放好架車...

第一站... 佐敦... 沙律, 林 & Kobe同毛毛... 及時趕到... 接到我哋... 買完衫... Pokka食Tea...

我呢個大頭蝦媽媽... 又賴屎賴尿啦... bubu夠鐘食嘢... 諗住Kobe實有帶水... 點知唔記得毛毛已可食街外嘢... 佢哋唔洗帶諗多嘢啦... 咁又冇水沖奶啦... (唔想bubu飲街外水)... 帶咗粥... 又唔記得帶匙羹... 搞笑... 好彩... Pokka有小童羹... 嘻~ 咁食咗粥先啦....

睇吓... 小春雖然同毛毛好似fd番d... 但從佢嘅表情可以睇到...芥蒂仍在...

食完就去咗海運影燈飾... 迪士尼喎... 小春點可以錯過呀... 今次重要係bubu嘅第一次影燈飾添喎... 嘩~~ 好彩舅母幫手... 我先可以一隻手抱小春... 一隻手抱bubu咁影相... 但你哋可想而知... 我幾攰....... 可惜d相... 向曬舅舅相機到... 唔知幾時先攞到呢...

原本個行程... 重有去科學館睇恐龍... 但... 大家已經攰到無可能去到啦... 所以... 即刻碌咗番沙律屋企... 但... 邊有得攤屍哎... bubu又要食奶啦...

呢個時候... 舅母攞咗條裙出嚟話送比小春... 幫佢試著... 跟住佢就做咗以下動作... 笑到我哋反曬肚... 認真攞膽... 難得係... 佢真係覺得自己好靚...

而家... 我得閒就攞出嚟睇... 一睇就想笑...

小春曳爆

今朝同小春去咗荃灣影相... 係一間我諗係廣告公司之類... 叫佢去影d相... for casting用嘅... 重叫我帶幾條裙仔去添... 咁遠?! 唉~ 是旦啦... 當去影吓相囉...

一上到去... 佢表現都好好... 又同姐姐玩又剩... 其實去studio影相... 都唔係第一次家啦... 佢應該ok嗰喎... 點之一入到房... 即刻又扮怕醜... 又扭計... 又係咁揭起自己條裙... 總之就麻煩啦~~

結果... 好難先影到兩張正面... 衫?? 更加唔洗換啦... 搞到我無啦啦拎住揪衫去行街... 激死...

橫掂都要搭地鐵... 就去愉景新城行吓啦... 順便諗吓拎住d嘢... 係番屋企先好呀... 定直接去沙律屋企好呢...

小春一入商場... 見到玩具反斗城個牌... 已經癲咗... 行咗個圈... 又試吓同佢玩單車... (成日都話佢識就買比佢... 唉! 連三輪車都未識... 但已經唔岩踩)...  又試吓踩 Roller... 一路行一路跌... 笑死...

行行吓... 重見到小白兔添... 小春勁開心... 又怕醜... 重比我笑佢同小白兔個style好襯添!!
 

我一個人重要攞住咁多嘢... 重要同佢玩... 真係有d應付唔到... 求其行咗一陣... 滿足吓佢... 都冇買嘢就走啦... 點之... 出到嚟...就見到有個大吹氣彈床... 因為小春重係著住裙仔... 所以就同佢換番一早預備... 諗住影完相著嘅便服... 咁真係跳彈床都輕便d哎嘛...

小春真係好唔願意去換衫... 因為佢個心已經飛咗去彈彈床到啦... 但我話唔得囉... 一定要換囉...

到真係去到彈彈床邊... 原來佢係要用EPS或者Credit Card消費120蚊... 先有得玩... 唔係錢問題... 係無啦啦... 無嘢買... (如果買... 又要入多轉反斗城)... 我又拎住咁多嘢... 唉~~ 算啦小春... 我同佢講... 原來人哋收工啦... 冇得玩啦... 小春當然接受唔到現實啦... 當場大喊起上嚟... 唉~~

但我又點會就犯哎...走啦... 沿途佢就一路喊... (其實小春好少會咁)... 我決定放開佢隻手... 自己行前面... (當然有偷望佢啦... 但唔洗偷望都聽到佢把聲啦)... 等佢自己向後面... 一路放大個喉嚨喊... 等d人望佢... 等佢知醜... 比佢激死... 佢見有人派傳單... (佢最鍾意攞埋呢d廢紙)... 佢即刻收聲... 攞咗... 望見... 之後繼續大喊... 罷明玩嘢...

行到差唔多到地鐵站... 轉身問佢知錯未... 覺唔覺得自己醜... 見唔見到人哋醜你... 笑你... 咁佢就收曬聲喇...

好攰... 都係番屋企訓一覺先...夜晚再出動... 帶小春出去同d fd食飯...

Bubu玩車車

向小春1歲生日時... 表姨送咗架公主車車比小春... 隨住小春慢慢大個... 部件一件一件咁除咗落嚟... 當時... 我好小心咁收埋曬...

呢存車車... 其實小春重玩緊... (因為重未識踩單車)... 但我覺得... bubu應該重適合玩多d囉... 所以今晚就決定搵番曬d部件出嚟... 砌番比bubu玩喇...

人就係咁㗎啦... 你越精心收埋d嘢... 到你搵嗰陣... 就越唔記得去咗邊... 尤其d螺絲... 哈哈~~ 好彩... 一路整... 一路搵... 哈~~ 又比我搵得番曬出嚟喎... (當然搞咗好耐啦)...

整之前... 我同小春講... 翹翹大個啦... 唔好玩車車啦... 比細佬玩啦... 好唔好?! 佢一一應承... 但到我一路整嘅時候... 佢就不停過嚟搞搞震... 佢好似已經唔記得... 自己曾經都玩過呢架車嘅搖搖板... 興奮到不得了... 到真係整好喇... 嘩~~ 痴咗線呀!! 平時係車仔時都冇咁鍾意玩... 不停問我... "咁我玩咩呀"... 唔知以為屋企得一樣玩具... 唔玩車仔就冇嘢玩咁款........


睇吓小春幾可憐~~

阿bu好叻仔... 好快就掌握到點玩啦...重玩得好開心添... 而小春呢...退而求其次... 玩碌嘢都玩到懶過癮咁... 佢話自己扮老婆婆喎... 其實好明顯係扮嫲嫲揸拐杖囉... 好好笑...

龍媽聚會 + 上進春

尋晚放工... 約咗一班都係住慈雲山嘅龍媽食飯... 其中有兩位媽媽重帶埋佢哋6月出世嘅囡囡出嚟... 嘩~~ 得意到呢... 已經拖住行街啦... 識講都幾多單字啦... 6月世出即係e+17個月啦... 有個竟然已經自己"不"飯食囉... 真係醒...

再諗吓我個8月早產b... 唔識都唔出奇... 但我細佬個4月b... 都好似未識咁多嘢喎... 唔通男仔真係慢咁多...

番到屋企... 今晚小春乖到呢... 叫做功課即刻好快做曬啦... 做完重話想寫字時間... 我拎咗本copy book出嚟比佢寫吓... 當然寫咗幾隻就要玩第二樣啦... 有文有路喎... 但都係只限跟住寫...

寫完字... 佢又話要油顏色時間... 自己重要特登搵邊盒... 因為有一盒係佢細個d時... 沙律買比佢... 可周圍畫... 抺得甩嘅... 我諗對上一次玩... 半年前到啦... 小春就係咁... 佢唔玩嗰樣嘢...你諗住掉咗佢咩... 唔知邊日... 佢突然就會搵... 佢真係記得... 一搵到盒顏色筆出嚟... 我就去搵畫簿啦... 點知佢又記得呢盒筆可以周圍畫... 即刻就扒向街下係咁畫啦...


佢話呢個係sir滑梯喎~~

畫完重識用濕紙巾幫我抺地添... 真係乖...

臨訓重有表演... 大家細個有冇跳過呢隻土風舞呀?!

比小春感受吓... 咩叫肚餓

講真哎... 鬼唔知打鬧小朋友唔好咩... 有時我目露兇光完... 都覺得自己好唔岩... 比小春記住咗媽媽呢個表情... 佢會點諗呢... 佢會點睇我呢....其實小春由細到大... 都真係唔算曳... 可以講得上乖添... 只係... 佢越嚟越硬頸... 呢吓真係好難搞...

尤其係食飯... 我一向最注重餐桌上嘅規矩... 未食完飯盡量唔會放底筷子... 未食完飯唔離開坐位... 就算食食吓飯內急... 都會忍住... 拎碗嘅手勢唔要似乞衣... (細個比人打手手)... 唔好係咁向d餸到了了了... 唉~~ 我又點會想日日食飯都鬧人... 我都唔想你日日都兩行眼淚咁食飯... 如果比著我哋細個... 食飯喊... 行開啦... 根本大人就唔會比一路食飯一路喊...

但偏偏小春就係一啖都唔肯自己食飯... 要人餵... 重要含飯... 一餐飯食個半鐘... d飯都凍曬... 撈湯... 又凍... 再撈... 再凍... d湯都唔會幫佢番熱又番熱啦... 唯有又撈水... 再撈水... 保持餐飯唔好食到凍冰冰... 就嚟冬天啦囡... d飯餸又會更加易凍... 況且... 咁撈水法... 都唔健康啦...

其實我都明嘅... 就係因為佢讀下午班囉... 4:00食茶點... 4:30放學... 咪咪摩摩沖過涼... 食塊餅... 之後又飲支奶... 訓得嚟都5點半6點... 7:45要起身... 因為要比佢醒吓... 準備食飯....... 唉~~ 咁一嚟... 佢岩岩醒又冇為口... 二嚟... 其實... 佢又點會咁快又肚餓哎... 何況... 佢每次都未肚餓... 就會有人送到埋咀邊咁比佢食... 佢從來都唔知咩叫肚餓... 點解要食嘢啫...

尋晚... 同媽咪傾電話... 講比佢聽咁咁咁... 就講起我細個都係咁... 唔鍾意食飯... 媽咪罰我冇得食... 到夜晚... 我問媽咪可唔可以比杯水我飲... 媽咪諗我重唔叫肚餓?? 嬲嬲哋... 連水都唔比我飲就叫我去訓... 點知我又真係訓咗... 半夜... 媽咪又擔心餓親我... 叫我起身食飯... 當時我心諗... 又話唔比我食... 你哋訓覺先嚟叫人食... 真變態... e+諗番... 都幾好笑... 當時媽咪肯定係比我吹到啤啤聲...

所以我明... 因為我細時... 都根本唔知咩係肚餓... 飽... 口喝... 一直到小學... 有一次唔知點解咁喝... 喝到好似連口水都冇埋嘅感覺... 向街見到支垃圾葡萄適... 直頭想執嚟飲... 當時先知咩叫口喝... (我到e+都係一隻駱駝)... 肚餓究竟係咩呢.... 唔知... 因為夠鐘... 所以未要食飯囉.... 食到肚痛... 咁就係飽啦... 要到讀中學... 唔食飯儲錢買嘢... 先知咩叫肚餓... 所以我估小春就係太似我囉...

尋晚開始... 我唔逼佢食啦... 重之餐飯要自己食... (只限晚餐... 日頭照餵)... 想食就食... 唔想食就唔好食... 肚餓嗰個係佢自己... 夜晚亦唔會提供奶奶... 食飯唔乖嗰日... 就冇得同媽媽訓...

結果... 尋晚佢只食咗1/4碗飯... Tun好擔心...夜晚扮傻... 照沖咗支奶比佢... 我就係唔比飲... 叫佢倒咗去...

臨訓... 我問小春... 肚唔肚餓呀... 佢話餓... 我心諗... 都唔知真知定假知... 重之我就話... 如果你肚餓... 就要記住聽日食飯要乖d啦... 唔係就好似e+咁餓住訓啦... 訓啦~~

今朝一早... 阿Tun就捉住我問... 尋晚小春有冇肚餓呀??    哈哈~~ 唔知喎...

小春又卡拉ok

真係大個囡囉~~

尋日Jofee放假... 本來諗住想對囝囡去玩吓... 可惜小春又病了... 雖然唔係咩大病... 只係流鼻水同咳啫... 咁都夠得人驚啦... 驚傳染bubu嘛...

所以唯有送咗bubu番姥姥屋企先啦... 搞完一輪... 其實都成5點啦... 咁難得入到村... 更係去Silver Cafe... 整番個tea先啦...

小春呢排真係好似大個咗好多... 叫親佢影相... 雖然都係勁唔正經... 但都開結識擺pose啦... 哈哈~~

行吓街... 幫小春買番對冬季黑皮鞋... 呢個衰囡包... 自己識得話要買漆皮喎... 話好似Princess喎... 哈哈~~ 又幾似媽媽細個喎... (本來爸爸極力反對買漆皮... 話花咗好醜樣... 但個囡鍾意... 無計啦)

食晚飯... 上姨婆到坐咗陣... 就番屋企... 正當想訓覺時... 收到媽媽group嘅whatsapp... 佢哋玩緊魔漫... 我呢d唔輸蝕嘅... 更係玩埋一份啦... 一路玩... 笑到我呢... 連Jofee都問我做咩呀... 哈哈哈~ 結果佢比我影相... 玩埋一份... 整樣衰相... 真係好好笑呀... 有d圖... 勁賤... (咁我整自己d屋企人... 更係無整賤嘢啦)...