2010年7月25日 星期日
大肚婆?! 冇人讓家!!
2010年7月21日 星期三
2010年7月8日 星期四
大肚游水原來好舒服家!!
講咗想去游水好耐啦, 志雄成日都唔肯同人去, 我自己去佢又唔放心, 去泳池佢又話驚地滑, 又要上上落落危險, 去沙灘又要搵個唔好要行咁多路嘅!!
結果今日終於去得成啦, 哈哈!! 地點鎖定南灣!!
今朝出門口前最令我擔心嘅.... 就係講咗咁耐, 我d泳衣究竟重著唔著到家!! 哈哈~~ 真搞笑, 唔岩都唔知點算!! 好彩.... 有一套重岩!! 萬事俱備..... gogogo~~
原來大肚游水係好梳乾家, 不過係個人好似好浮咁, 有少少唔係好適應囉!! 但係成個人都輕曬, 有肚真係幾重家, 咁樣游吓都可以比條腰休息吓哎嘛!! 好開心呀~~
2010年7月2日 星期五
迪迪湖
今日老公駕車話要同我去郊遊, 點知原來佢根本都冇諗實去邊嘅!! 上到車先開始諗, 首先去邊到食嘢先呢?! 哈哈~~ 真係唔知比佢激死定笑死呀!! 結果, 我哋去咗深水埗, 食我非常鍾意嘅豬潤麵, 再上車.... 又諗諗諗, 要邊好呢.... 結果就決定咗迪迪湖喇!!
迪士尼就去得多喇, 迪迪湖真係未去過!! 初初去到..... 嘩!! 綠油油咁都幾靚嗰, 重有d新人特登入嚟影婚紗相添!! 哈哈~~ 我當然都唔會執輸影埋一份啦!!
影影吓... 嘩!! 唔得呀!! 真係好熱呀~~ 大肚婆又零舍熱呢!! 況且, 圍住個湖一路行一路影, 其實都係差唔到嗰d嘢, 哈哈!! 不如搵個toilet洗吓塊面同手臂降吓溫好過啦!! 跟住又買咗d嘢飲坐吓!! 都幾舒服~~
之後, 我哋就入咗黃金海岸行吓, 然後食飯.... 志雄就好啦!! 可以飲啤酒, 我又得個望字啦!! 食完飯, 佢又帶咗我去一個唔知咩山, 唔知咩觀望亭之類嘅地方睇夜景!! 即係唔係第一次睇夜景, 但重覺得.... 我都係鍾意睇九龍呢邊嘅夜景多d, 香港嗰邊好似太近啦!!
終於..... 番屋企啦!! 輕鬆開朗的一天, 但對一個大肚婆嚟講, 有d攰囉!!