Un Boo洗白白

今個星期唔洗去醫院探媽咪... 多番d時間睇吓我兩個小朋友... 尋日放工番到屋企... 就咁岩見到阿Boo沖涼喇... 好耐冇影佢d沖涼相... 我其實重拍埋video添... 不過費事又比媽咪鬧... 所以唔放阿Boo d露點相出嚟啦... 但不得不提... 片中小春問... 點解細佬bb有腸仔嘅... 笑死人啦...

呢個un boo... 廋到呢... 究竟係因為小春細個肥... 所以我特別覺得佢廋哎... 定還是... 佢真係太廋呢... 其實佢都食唔少嘢哎... 點解都唔長肉嘅... 真係奇怪...

係又喊... 唔係又喊...

岩岩... 我叫小春幫我向袋到拎手機舊電... 佢搵唔到... 我自己去攞囉... 佢就為咗我自己換電... 唔比佢幫而喊... 大喊... 叫... 咳...

佢呢排都係咁㗎啦... 以為喊我就會氹佢... 講句嘢唔岩聽都岩... 太過份囉... 肯定平時阿Tun就曬佢啦... 咁我都明嘅... 就咗佢唔洗煩哎嘛... 但我做媽媽嘅... 唔可以咁寵容佢囉...

所以... 我突登唔理佢... 甚至攞部電話打機... 佢繼續喊... 我就去toliet... 有得佢自己向房... 之後用閉路電視望佢... 收曬聲... 周圍望... 我就用閉路電視個咪講... "喊完啦咩?"... 佢一聽到... 即刻表演... 喊again... 我繼續唔理佢... 最终... 佢同我講sorry 媽媽...

我: sorry咩呢??
春: sorry我以後唔做錯事啦....
我: 咁你做錯咗d咩呢?
春: 唔知呀...
我: 咁你諗吓你頭先做咩喊呢?
春: ar... 唔知呀...
我: 唔係唔比你喊... 但原來你喊咗咁耐都唔知自己喊乜... 你話幾無為呢...
春... 冇曬回應.... 再望吓佢... 訓咗... 喊攰咗...

 ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

 哎!! 重有樣嘢呀... 小春嗰盆攞銅獎嘅鳳仙... 終於開咗花啦... 不過唔知點解... 向個底開花都有嘅... 哈哈~~

硬"頸"春

尋晚比小春笑死我... 佢不停練習... 話要腳仔掂到頭喎... 哈哈~~ 睇吓佢個衰樣... 真係笑死我...

其實小春好細個開始... 我都覺得佢一d柔軟度都冇... 我記得我小學時...做呢個動作... 都依然係輕而易舉... (而家更係唔得啦)... 但你哋睇吓佢... e+先得3歲... 對腳都唔短哎... 但差好遠喎... 師姐~~

不過... 見佢練到頸仔都梗曬... 唯有叫佢唔好練咁耐啦... 每日練吓啦... 唔係一次過夾硬練㗎...