話說媽咪住舊式公屋, 佢嗰幢同隔離嗰幢相連, 所以通常我都會向隔離嗰幢嘅8樓平台入, 落兩層... 再行條長走廊...
去到中間位置搭(車立).... 故事向呢到開始喇.... 尋晚我番去... 落到7樓... 見到個盲嘅後生仔....
佢對腳都應該有d問題.... 扶住扶手左搖右擺.... 咁我就問佢想去邊啦... 佢話想行去中間搭(車立)落地下.... 吓!!
佢似想上樓梯多d喎!! 算啦~ 可能佢行錯路呢!! 咁我就話帶佢行啦... (n年前睇一套許志安做盲人嘅戲話要佢拖我先岩家)...
所以我就比佢拖住囉... 點知... 差唔多行到中間(車立)口... 佢又話都係想落6樓多d喎!! "吓~~" 中間樓梯好安靜家喎!!
我有d驚... 咁我就同佢講... 不如我哋向呢到搭(車立)落到地下, 再轉雙數(車立)啦!! 佢堅持... 話落樓梯快d喎!!
我真係唔敢喎.... 但係... 又唔係好忍心.... 咁我就話要打個電話先.... 搵個人同我講住電話.... 起碼死咗都有人知哎!!
向呢個時候... 我老公就打嚟喇... 我簡單講比佢聽.... 佢叫我千其唔好制.... 又向呢個時侯.... 有個c9經過....
我就問佢可唔可以陪我啦!! c9好大聲.... 又行得快... 話幫我哋落去禁定(車立)喎!! 佢就話.... 佢唔係搭(車立)呀!!
我哋問佢咁你落6樓做咩呀?? 佢又懶隱晦咁.... 落咗半層.... 佢突然話唔係好舒服... 想坐吓.... (我心諗... 嘩!!
如果得我一個實嚇死我呀!!)... c9再問... 究竟佢想去邊.... 佢話我住6樓... c9問佢屋企有冇人, 叫佢屋企人接佢,
佢話冇... 但係答完之後.... 佢就再冇話要坐啦, 我哋問佢住邊個單位..... 吓!! 原來就係一開始我見佢嗰邊樓梯嘅第一間....
我哋送番佢番去門口就走啦!! 但係.... 諗極都唔明.... 佢上落地下.... 做咩要上7樓呢?? 上咗7樓... 又做咩想落地下呢??
去到(車立)口喇... 又做咩突然想番屋企呢?? 番到屋企我話比媽咪聽.... 媽咪一聽就知佢住6樓.... 話平時佢阿媽拖佢行....
冇左搖右擺嗰喎.... 可能佢真係唔舒服呀!! 唉~ 又搞到我有d唔安樂添.... 唔知佢番到屋企冇人.... 自己搞唔搞得掂添!!
