其實一直... 我都冇特別叫小春做咩名... 諗起乜就叫乜囉... Cleo... 翹翹... 肥milk......"小春" 就好似我文章中形容佢的一個代號... 相反... 我已很習慣人叫我做小春媽... 哈哈~~
前一排... 小春突然話我聽... 許老師叫佢做小春呀... 我問佢... 點解佢知你叫小春嘅? 佢話唔知喎~~ 之後...
佢好鍾意人叫佢小春... 上星期同佢出街... 有個男仔撩佢玩... (應該係隔離鄰舍4歲嘅孫仔... 都型型哋... 哈哈~)...
人哋問佢叫咩名... 見小春諗吓... 我向佢隔離就細細聲講Cleo... 點知最後佢答... "小春"...
尋晚... 向學校借咗圖書番嚟... 書名叫... 小河馬... 佢認得個小字... 指住就話... 小春... 係未小春呀... 哈哈~~
今日... 我終於諗到... 點解許老師知佢叫小春啦... 應該係有一時我做閱書報告時... 可能慣性寫咗小春呢個名落去... 哈哈~~ 今晚話比小春聽先... 嘻~
尋晚舖好小春張床，訓底灘吓...
小春：媽媽你呢到生大咗呀？ （指住我腰兩側舊骨）
我：唔係呀！骨嚟㗎，你都有㗎啦！（摸吓佢）
小春：個個人都有骨㗎？
我：係呀！
（之後續樣問，眼耳口鼻臉珠dun，身體各部份，毛毛，angry bird....）
小春：冇喎！我冇生大到喎！（摸住自己條腰）
我：你試吓訓低易摸d㗎！
小春： 冇喎！我冇生大到喎 ！（已訓低咗）
我：因為你肥囉！哈哈哈~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
岩岩同boo boo睇圖書... 見到星星... 記得小春細個時... 一教就識呢個字... 因為佢哋都鍾意聽 Twinkle Little Star... 所以就教佢講啦... 大家聽吓佢講得好唔好...
