上個禮拜去咗整直條腰骨，嘩！
好神奇呀！唔係自己親身整過，我都唔信呀！
由於我不嬲都寒背，個背脊有舊嘢高咗出嚟，個背感覺好厚囉
！嘩！點知佢幫我按番入去不特止，重拉番少少個雞翼骨出嚟！勁呀！成個背脊薄曬囉
！哈哈哈！勁開心！
點知...第二日~~雖然整直咗，不過都要自己keep住姿勢好，先唔會又變番型，所以就要成日保持住好好嘅姿勢，咁更係唔慣啦！又唔Q得腳，搞到好似個機械人咁！個人硬曬，又累又痛！個舊肌肉直頭好似比火燒咁
，Cliff今次直係要讚吓，佢好好呀，同我換咗個椅墊，重震添呀！放工拿拿聲番屋企，沖完涼，餐飯都差d想釣住咁食呀！食完飯即係拍咗粒安眠藥，餅呀！太辛苦啦！
呢幾日，好好多啦！不過都係未係好慣囉！有時搭車搭得耐，會有d想嘔囉！嘻嘻！希望我keep到啦！
下面一組簡單的問題，請你認真做完，答案就在你心中。
1)寫下一個異性的名字。
2)你最喜歡的顔色是紅色，黑色，藍色，綠色，還是黃色？
3)你英文名字的第一個字母？
4)你的生日是幾月？
5)黑色和白色，你更喜歡哪個？
6)寫下一個同性的名字。
7)你最喜歡的數字？
8)你喜歡美國的加利福尼亞州(california) 還是福羅裏達州(florida)？
9)你最喜歡湖還是海洋？
10)許個願望(一個實際的願望)。
《解析》
1)你深深的愛XXX這個人。
2)如果你選擇，
紅色：你是很警戒的人，你的一生中充滿了愛。
黑色：你很保守，但很自負。
綠色：你的靈魂很散懶，而且你是個比較放松的人。
藍色：你是個八爪魚，同時愛很多人，而且你喜歡你的愛人的吻和愛。
黃色：你是個快樂人，而且你給失落的人很好的建議。
3)如果你的你英文名字的第一個字母是：
a-k 你有的一生中會很多愛和友情。
l-r 你總是想歡享你的生命，你的愛情生活馬上就要開放。
s-z 你喜歡幫助他人，而且你的未來的愛情生活充滿希望。
4)如果你生在，
一月到三月：今年你會很走運，而且你會發現你會意外的愛上一個人。
四月到六月：你會有個很強的愛情，這段感情不會很長，但那美好的回憶會讓你永生不忘。
七月到九月：你會有個很快樂的一年且會經曆一個在你一生中好的，很大的改變。
十月到十二月：你的愛情不會很好，但最終你會找到你一生的伴侶。
5)如果你選擇了，
黑色：你的生命将會改變方向，當時看起來似乎很難，
但之後你會覺得這個改變是你一生中最好的東西。
白色：你有個朋友很信任你，願意爲你做任何事情，但你可能不知道這一點。
6)他是你最好的朋友。
7)這是你一生中會有的貼心朋友的數目。
8)如果你選了，
加利福尼亞州(california) ：你喜歡冒險。
福羅裏達州(florida)：你是個懶散的人。
9)如果你選了，
湖：你對你的朋友和愛人很忠誠，且你是個保守的人。
海洋：你是個八爪魚，同時愛很多人，且你想讓你愛的人快樂。
10)如果你一個小時内重新在另一個地方發表這個測驗，你的願望會在你的下個生日之前實現；
如果你看了此貼回複的話，你會在十天之内有一個小小的驚喜！
自從1月1號，
食市、公園、酒吧等禁煙之後，我覺得空氣比以前重污濁咗，點解？因為條街比以前重多咗人食煙囉！d垃圾桶旁邊，成日都企滿人，
而d垃圾桶呢，就成日好似火燭咁！唉！真係搞笑呀！
初初禁嗰幾日，我都冇乜出街，番工放工條街又比食，所以都冇乜特別感覺，到到星期五嗰晚放工，約咗Bessie佢哋成班出去食飯！首先，我由公司行去銅鑼灣，行到維園附近先諗起
，呀！維園e+唔比食煙o家啦喎！唉！搞到我要混路行！
唉！激死我呀！跟住我哋為咗可以食煙，去咗尖沙咀嘅諾士佛台食飯，食完就真係諗爆頭都諗唔到去邊好喇，到到都禁煙！結果就打比鵬鵬問佢知唔知邊到可以囉！真係煩呀！
真係覺得香港政府好似歧視我哋班煙民咁
，咁同以前嘅華人與狗不得進入嘅理論有咩分別呀！真係過份呀！不如香港唔比賣煙，咁未少d人食煙囉！再唔係立例食煙犯法哎笨！
講番轉頭，其實我自己都想戒o家啦！不過比人又咁又咁唔准食，有d唔順啫！平日唔食真係唔係一件難事囉！但係飲酒唔食煙，真係幾冇癮喎！唉！
尋晚，我地成班入咗赤柱燒野食
，即係亞Mike個風帆會嗰到呀！嘩！起初直頭凍到飛唔起呀！
心諗咁樣慶祝除夕夜真係唔棧呀！好彩亞Mike借咗頂帽同褸比我，跟住又飲咗酒先暖番咋！哎！話時話尋晚志雄買嚟嗰隻白酒又幾O喎！好似叫Stanly呀！真係幾好味！
到到差唔多12:00，我哋就走咗出酒吧街到倒數，好開心呀
！06年終於都過咗啦！頭先睇番上年寫blog講嘅大計，好似只係做到咗一樣，就係煮嘢比屋企人食！其他咩報course呀，飲酒節制d呀！就一d都做唔到喇！哈哈！
至於今年嘅大計呢！我諗住集中d，一樣就夠喇，而且事必要做到！就係賺錢賺錢賺錢，儲錢儲錢儲錢
！哈哈哈！亦希望志雄今年生意好到不得了！人人都健健康康，工作又順順利利，日日都開開心心，世界又和和平平！咁就好喇！
各位Happy New Year呀！
