去影大肚照啦!!

今日番大陸影2周年+大肚相，不過影完唔知又要到幾時，先得閒上去睇相呢？事關上年影嗰輯相，我今日先得閒上去睇囉！哈哈~~ 唯有到時先一齊攞囉!!

ee~~ 又估唔到今次咁快喎!! 我哋12點幾上到去, 選埋上年d相, 再影埋相, 再選埋今次d相, 都只不過係2點幾, 唔似得上年咁, 又要選衫, 又幾個造型, 又換妝又剩, 搞到天黑到未走得!!

橫掂上到去, 更係搵番間麻辣食吓啦!! 點知行行吓竟然比我撞到死人Eric Li囉, 死八公夠擔死話我師奶咗咁多呀, 我話大肚更係咁家啦, 我好快就會廋番家啦!! 激死~~

咁我嗰40磅...

今日志雄唔放假, 所以搵咗沙律陪我去廣華覆診, 下午呢.... 就約埋媽咪一齊去食tea buffet, 嘻嘻!! 跟住再夜d呢, 就約咗聖保祿嗰邊覆診, 話曬幾個月冇見過小春, 今日又去同佢影吓相先喇!!

醫生話小春e+先得5磅幾咋, 估計到出世都只係得6磅零, 吓~~ 咁我嗰40磅..... 唉!! 未有排減!!

大家仔細睇吓第一張相, 小春好似係開住眼家, 見到眼珠咁家!! 睇吓睇吓.... 鼻樑係未好高呀!! 睇唔到個咀添~~

購

好!! 又嚟反佢嘅大肶骨喇, 點解對腳短咗家, 短過實際週期3日喎!! 而頭骨呢... 竟然大個實際週期2日添!!

約班傻婆出去食飯, 笑到癲咗！

約咗九廿幾次, 終於今晚出咗去食飯啦!! 呢班傻婆真係....

話說嗰日我向fb留咗段說話, 話都唔明d人，個個禮拜都見，又個個禮拜都問，真係想搵張紙貼向額頭 "係呀！hea hea(流到爆) 8個半月啦！係呀！預產期10月21呀！hea hea.... 係呀！快家啦！"

佢哋就係咁成晚輪流問我, 幾時預產期呀?? 真係比佢哋激死, 呢班傻婆真係無論咩都可以玩一餐, 都可以笑一餐, 好彩.... 我都係低能嘅啫!! 哈哈~~

大家睇我肥到.... 唉!! 已經過咗四十大關啦!!

dun親.... 好驚!!

今日去咗銅鑼灣club, 岩岩入房等客嘅時候, 諗住坐低啦, 點知張椅向後碌喎, 咁我一失平衡, 好自然就扒向張facial床啦, 萬萬都估唔到... 張facial床竟然有碌都不特止, 佢重竟然向前碌開囉, 嚇到我呢.... 真係鼻哥窿都冇肉呀!! 咁我點... 點我未用盡我九牛二虎之力蹲低, 然後輕輕咁dun落地囉!! 嚇死我啦~~ 好彩小春重向到踢吓踢吓咁, 應該冇事嘅!!

又一力證, 證明你點蝦媽咪!!

我都話小春鍾意睇超級巨星家啦, 你睇佢.... e+連巨星工房都撈埋呀!!

http://www.facebook.com/home.php?#!/video/video.php?v=445357014264