哈哈大笑

之前講過小春e+成日都chok樣, 明明笑得好開心, 你個鏡頭一對住佢, 不論係相機定電話, 佢都即刻懶憂鬱個衰樣!! 哈哈~~ 尋晚終於都影到佢個笑樣啦!! 重要係哈哈大笑添!! 話說媽咪話我知, 一鍚佢頸底佢就會勁笑, 跟住就試比我睇, 嘩!! 勁得意囉!! 即刻就攞個電話出嚟影啦!! 嘻嘻~~

 

另外, 好多人話小朋友鍾意睇電視, 因為鍾意追光, 其實佢哋係未睇到d乜嘅!! 但係.... 小春.... 我真係懷疑佢係真係識睇家!!

佢好鍾意睇我哋電話到幫佢影d相, 如果播video, 佢聽到自己把聲, 又會跟住ee arar咁!! 今日睇番呢張相, 我就同志雄講, 睇吓小春幾集中, 到到佢第日識打機重得了嘅!! 大獲~~ 哈哈!! 點估到佢岩岩先3個月咋!!

續揮春相~~

今晚終於可以見小春啦!! 而且爸爸都話勁掛, 要一齊番華富添!!

話番尋晚, 我去剪完頭髮已經差唔多9:30啦!! 嗱嗱聲趕番落旺角, 又比我趕得切去天然整d揮春喎!! 本來有d相改過整唔到家, 好彩我用iphone個類似print screen嘅工能, 哈哈~~ 搞掂!! 不過嗰個職員就認真冇禮貌囉!! 如果唔係見佢明明收工都等我整埋先, 真係會開佢火呀!!

繼尋日post嗰兩張, 最後重有....

   笑口常開

   萬事勝意

   心想事成

   身壯力健

                        萬事勝意(媽咪嘅)

 

之後諗住去女人街買幾條毛巾啦!! 唉~ 點知原來毛巾都咁難買嘅!! 我睇星期日都要走多轉花園街先得啦!!

辦年貨

尋晚就忙囉, 首先放工就約沙律花園街辦年貨, 買呀買呀!! 但係每行幾間.... 就走去睇吓bb嘢, 睇吓d中式拜年bb衫.... 但係大嫂話留咗比小春喎, 咁點呀!! 冇得買.... 但係個心又諗.... 唔知大嫂嗰套係點嘅呢!! 嘻嘻~~ 唉! 到時先算啦!! 一陣又去幫bb買隻紅髮夾, 行幾間.... 又見到d襪仔幾靚喎!! 行幾間.... 哎!! d口水肩好搞笑呀!! 做咗媽媽之後, 成日都係咁, 無論去買咩, 平好貴好... 重係睇睇吓就變咗睇bb嘢!! 更係啦~~ 一嚟掛住個女, 二嚟bb嘢真係超得意!!

跟住就陪沙律去整肥波揮春, 但係我就未搵齊d相囉!! 所以未有得整, 激死我啦!! 好彩夜咗d就約林林攞相啫, 應該趕得切整嘅!! 攞完相重同林&Kobe食飯添!! 再嚟就係同志雄去買褲同睇鞋喇!! 可惜鞋睇岩咗, 但冇size.... 即係代表重要抽日出去行!!

終於番到屋企啦!! 重去泵奶同睇相, 結果搞到差唔多3點先訓呀!! 陰公~~

 

暫時決定

   恭喜發財

   兔氣揚眉

 

乖女唔好唔開心啦~~

唉!! 尋日結果志雄下晝出咗去剪髮, 所以就等我放咗工, 夜晚先一齊送小春番華富, 全程小春都好乖, 一係就望街, 一係就向我胸前訓覺!!

番到姥姥到, 除咗沖涼嗰陣擺出好享受嘅表情之外, 都唔見小春特別活潑!! 到到我走喇, 佢都係扁曬咀咁, 重唔采我添呀!! 唔通..... 佢知我又要dum低佢?! 冇法啦.... 就嚟新年, 好多嘢都未買呀!!

女女乖~~ 唔好唔開心啦!! 媽咪星期四放工就嚟睇你吓!!

又到星期一

又到星期一啦!! 女女又要番姥姥到啦!! 朝早泵奶時, 佢都未醒咋.... 就忍唔住影佢相啦!!                                               

 

到佢醒咗, 睇吓呢張相..... 雖然影得咁濛, 但係都要post, 係要比你哋睇吓佢究竟一起身見到媽咪, 有幾開心呀!! 哈哈~~

 

佢又擔高頭望我啦!! 睇佢幾鬼馬..... 又唔想番工啦!! 哈哈~~

 

得嘗所願... 掃興而回!!

從前有個爸爸, 向個女只得1個月大時, 好無良咁將一個熟睡緊嘅女嬰, 監生抱起.... 話要同佢睇波喎!!                   

 

今日, 佢終於得嘗所願啦!! 睇吓個爸爸幾開心!! 

 

可惜睇咗一陣, 個爸爸就陪番個女比媽媽啦!! 佢話個女好似唔係咁鍾意睇波喎!! 哈哈哈~~ 笑死人啦!!

結婚3周年+小春3個月 Y^v^Y

今日就忙啦!! 一早起身, 同媽咪&小春去銅鑼灣打針, 原本只係想食嗰個輪狀病毒疫苗, 同打4合1差咗嗰支(Hib), 點知.... 比個姑娘講得兩講, 就買多兩支5合1, 1支6合1, 水痘同甲型肝炎喇, 買單4千幾.... 重未計之後要打番嗰支肺鏈補針喎!! 基本上個姑娘都唔係問我打唔打, 係知我一定會同佢打囉!! 雖然好貴, 但係唔知就話啫, 知就更係要打啦!!

原來.... 小春怕食藥多過打針家!! 醫生少少少少咁分開餵, 餵到第3啖.... 見到小春縮囉!! 哈哈~~ 咁醫生就比佢休息咗一陣!! 見佢一路食, 一路eeoror, 好似向到鬧緊個醫生咁!! 勁搞笑囉!! 醫生就同佢講, 知你好想傾計, 不過e+食藥, 一陣先同你傾呀吓!! 到到打針喇, 聽d人講.... 私家打d針咩細支d, 咩幼d.... 真係一d都唔覺囉!! 不過小春都係喊咗3聲, 醫生就同佢講, 係未想傾計呀, e+可以傾啦!! 小春即刻收聲, 對住醫生笑曬咁!! 哈哈~~ 變面變得幾快呀!! 呢個衰女包, 真係忍得痛呀!!

同媽咪食完晏, 我就咩住小春, 又咩住一個大蝴蝶袋, 重要拖住一架bb車咁番慈云山, 直頭覺得自己好似神奇女俠咁呀!! 平時咩都做唔嚟嘅我.... 一對住個女, 只有一句.... 馬死落地行!! 哈哈~~

番到屋企, 哎呀!! 掛死嫲嫲囉!! 咩帶都未除完, 已經企向我隔離係咁叫羅泳翹啦!! 哈哈~~ 更係啦!! 成兩個禮拜冇見啦!!

本來小春今日3個月, 又適逢我哋結婚周年, 就好應該一齊出去慶祝吓, 順便影番d相留吓念嘅, 但係佢岩岩打完針, 我哋又唔敢帶佢出街喎, 一陣發燒.... 都唔知係關打針事, 定關出街冷親事, 制唔過!! 結果就放底咗佢比99, 我哋兩公婆自己出去啦!!

今年志雄好叻仔, 自己諗曬去邊到, 食乜嘢, 抵讚!! 不過要keep呀! 知唔知?!  結果我哋去咗皇后飯店食..... 食嘅時候並唔係咩綿綿情話.... 而係..... 哈哈哈~~ 係講小春買保險買邊間好!!  

食完飯行咗一陣, 快d番去睇吓個臭b啦!! 爸爸好多日都冇見過個臭b囉!!

 

P.S. 比姨婆喻為"千金小姐"嘅圍巾, 終於岩用啦!! 因為佢開始鍾意玩口水啦!!

Heidi姨姨夜訪我哋呀~~

話咁快又星期五啦!! 兩日唔見個女, 覺得佢大個咗好多呀!! 腰板都挺直咗好多!! 不過同媽咪好似有d生疏咁嘅!! 好彩玩多兩玩都好似好好多啦!!

唔好以為佢點解笑得咁生硬, 其實..... 佢係痾緊bubu呀!! 哈哈~~

 

嗰個Heidi姨姨, 成11點幾先嚟探我哋!! 眼訓到小春呢...... 哈哈~~ 但係小春一見佢就好好笑啦喎!! 可惜哎..... 影d相一dd都反映唔到喎!!

 

睇吓小春個樣.... 幾唔耐煩!!

 

好喇!! 得人哋望鏡頭喇, 你又掛住玩!!

 

喂!! 咩事先~~ 告你虐兒家!!

 

終於都影到啦!! 可惜.... 小春都係笑容欠奉囉!!

12週嘅小朋友.... 有心事??

尋晚同班癲婆食飯, 食得我好高興, 哈哈~~ 重差d笑死添!! 我哋真係乜都笑得一餐, 根本就一直冇停過!! 總算平衡番我抑鬱嘅心情啦!! 哈哈~~

 

回程..... 又不其然咁攞個電話出嚟, 睇小春d相啦!! 話曬成日都冇見過個女嘛!! 睇睇吓至發覺, 自從對鏡頭好敏感嘅小春, 學識chok樣之後, 都好耐冇多多表情啦!! 除咗chok個可愛樣之外, 竟然有呢d滿懷心事嘅表情!! 女呀女~~ 12週人仔有咩諗呀?!

怕熱小春

尋日林林入咗院, 預備今日割喉嚨粒嘢!! Kobe去完醫院探佢番咗嚟華富!

食完飯, 我哋就帶住小春落華貴, 探岩岩出院嘅姥爺!! 所以小春個蟲蟲袋又出動啦!! Kobe第一次見個蟲蟲袋, 覺得小春好過癮, 係咁影佢相, 哈哈~~ 當然我自己都唔執輸啦!! 嘻~~                                

 

睇佢..... 佢著咗一件和尚袍, 一件羊毛老底, 一件都幾厚嘅夾衣, 一件薄夾綿背心, 我就話夠啦!! 就咁著蟲蟲袋未得囉!! 姥姥就話唔好, 都重要加多張夾綿包被, 哈哈~~ 結果一落到街, 好怕熱嘅小春就發爛炸, 哈哈~~ 無辦法啦!! 向街都幫唔到佢除啦!! 結果換番姥姥抱, 點知佢就收咗聲, 重暖笠笠咁訓埋添!! 哈哈~~

 

 

P.S. 希望林林今日手術順利, 早日康復啦~~

爸爸放假重忙過番工!!

因為姥姥每星期都有一日要番工, 所以志雄第時d假, 都會變曬揍女日啦!! 又因為小春新年前都暫時唔會番我屋企, 所以志雄尋日放假, 就要一早去姥姥屋企照顧小春喇!!

嘩~ 重早起身過佢平時番工呀!! 不過做咗爸爸真係唔同d, 早起身~~ 完全冇難度!! 重為咗呢個重任, 一向唔病到死死吓都唔去睇醫生嘅佢, 前日都特登睇定醫生, 打定針!! 重話到時要戴埋口罩, 話驚傳染個女喎, 真係廿四孝老豆呀!! 哈哈~~

尋晚我放工番到華富屋企, 見到佢....... 口罩就戴咗喇, 不過係戴向下巴呢!! 吓~~ 咁都算家咩!! 真係比佢激死...... 哈哈~~ 不過算啦!! 見佢都好似冇乜事喇, 就放過佢啦!! 嘻~

小春妹妹呀~~ 有冇掛住媽咪呀!!

呢兩日, 佢又學識一樣嘢, 就係伸脷脷喇!! 其實脷就不嬲都伸家啦, 不過係lam嘢囉!! e+唔同嘅係, 佢唔係lam嘢, 係真係玩條脷, 好好笑!! 不過就開始要戴口水肩啦!! 尋晚我番到去, 向住佢伸脷, 佢就好奸咁對住我笑, 然後伸出佢條脷仔喇!! 幾搞笑呀~~

 

同場加演........ 佛山無影腳腳腳腳腳........

又要番工啦~

陪咗個女幾日, 今日又開始番番正軌喇, 又要捱5日先放假, 嘻嘻~~ 呢個心態真係唔得, 不過又係事實喎!! 真係矛盾呀!!

好彩今晚都有得見個女, 心情都叫做冇咁差!! 但係一諗起今個禮拜三&四都唔得閒入去, 就又有d唔開心啦!!

又要番歸啦~~

番外家住咗兩日, 除咗有得見小春之外, 重嘆咗兩日添!! 始終都係自己住咗咁多年嘅地方, 感覺真係好舒服, 加上有媽咪嘅悉心照顧, 簡直好似做皇帝咁!! 我諗.... 如果我可以向外家坐月, 肯定重更加肥仔!! 哈哈~~

好耐都冇見過日頭個海啦..... 屋企真舒服~~

 

但係今晚就又要番屋企啦, 勁唔捨得小春添!! 等我影多幾張相先.... 重要拍埋video添喎!!

媽咪極力推介我向呢張, 被林林喻為皇帝被嘅黃色被上面影相

 

呢張伸懶腰伸到咁梳乾就夠搞笑啦!!

 

又睇吓呢兩張相似唔似??            

重有成個禮拜先3個月

我4個月嗰時

驚覺小春都有幾分似我!!

成日話小春似田景霖, 今日睇吓睇吓, 小春原來都有d似我細個時嗰喎!! 嗱嗱聲搵反d相嚟睇吓先, 點知又真係幾似喎!! 我send比志雄睇, 佢竟然都話似呀!! 哈哈~~

雖然我又未搵到一張相可以對應到d動作&表情, 但係大家都試吓睇吓似唔似....