尋晚去睇小春... 醫生話報告出咗... 話d小便入面有白血球... 正常指數係0... 但佢e+就150... 所以佢應該係尿道炎... 要插尿喉抽小便種菌...
當醫生叫我抱佢過去另外一間房嗰陣... 我個心嗱到呢... 直頭有d似要帶佢去行刑咁... 醫生話... 你都係唔好睇啦... 你番入房先... 順便攞條尿片比我啦!! 我番到房... 大概相隔四五間房啦... 我都重聽到佢大叫大喊聲... 簡直就係喊到癲咗囉... 我真係忍唔到... 心如刀割咁... 我入咗厠所... 叫自己忍住... 要忍住呀~~ 諗起自己細個時都插過尿喉... 係好痛家!! 不過好彩小春唔係一路要插住... 只係插一插... 攞咗d尿就得喇... 無法啦... 咁樣係唯一一個... 最乾淨咁拎到小便樣本嘅方法... 小春你就忍住啦... 快d好番就唔洗再受苦啦!!
雖然重未肯定係邊隻菌... 但係即刻就要開始抗生素療程... 醫生話... 呢隻抗生素都可以醫到普遍嘅尿道炎菌... 所以就要一邊落藥一邊等報告出囉... 重開始幫佢吊水... 唉... 都好嘅... 小春真係勁似我... 連駱駝嘅特性都似埋... 就係唔飲水囉!!
尋晚爸爸留守... 話成晚只係訓咗1粒鐘... 小春唔肯訓覺... 又勁發高燒... 唉~~ 真係辛苦爸爸啦... 所以小春... 你要加油呀~~ 網上重有好多auntie uncle留言支持你添呀!! 你要努力打敗病魔呀~~
從呢次入院可見... 我哋小春... 原來好記仇家... 由第一日入院... 姑娘幫佢裝豆豆開始... 佢每次再見到著住姑娘衫嘅姐姐... 都會喊到收唔到聲... 真係慘~~
沒有留言:
張貼留言