請投我小春一票啦~~

之前講過.... 我又放咗小春張相去網比人投票, 今次係fb入面嘅我愛mama搞嘅!! 如果被選中, 佢張相就會向母親節嗰日登出嚟.... 同我呢個媽媽講聲"母親節快樂"咁囉!! 嘻嘻~ 雖然佢未識親口講.... 選中嘅機會亦都微乎其微..... 不過.... 參與吓都冇壞哎!! 但係.... 如果真係得呢.... 我會幫佢儲起.... 比佢大個睇番.... 佢幾叻!! 上雜誌呀~~ 哈哈!!

幫佢嘅辦法好簡單：

請大家首先like咗呢個先  http://www.facebook.com/photo.php?fbid=189447114432137&set=a.189445431098972.42902.146437522066430&theater#!/woaimama

之後再like    http://www.facebook.com/#!/photo.php?fbid=189447114432137&set=a.189445431098972.42902.146437522066430&theater

咁就大功告成啦!! 多謝大家嘅投票!!

Reenex 果酸換膚

尋晚又去咗試做facial啦!! 今次係去Reenex試佢個果酸換膚, 一上到北京道一號嘅Reenex, 感覺係..... 嘩!! 洗唔洗呀~~ 一張大大嘅白色圓型Reception枱, 入面九廿幾個人, 唔知以為去咗太空總署, 哈哈~~

例牌入去坐低簽份form...... 有位小姐問你飲乜.... 我話水得啦.... 點知之後先見到..... 吓.... 有個牌...... 洗唔洗呀......            

 

再睇吓個view.... 順便又睇吓張枱啦吓....... 不過影嘅時侯d人都散咁d啦......

 

之後當然係有位皮膚好好嘅美容師, 帶你入房.... 了解你嘅皮膚狀況啦!! 嘩~~ 佢哋好有禮貌.... 解釋亦好詳盡呀..... 不過略膁真係詳盡咗d囉..... 搞到我好眼訓呀!! 嘻嘻~~

跟住就去咗另一間房做皮膚測試, 當然亦係講得好好好詳細啦!! 我好明... 真係好明... 不過就唔洗咁快開始sale我囉!! 結果.... 我6:45pm到.... 但要到7:55pm先入到房..... 可想言之..... 嘻嘻~~

見佢間嘢咁大.... 以為個試做一定好全面啦!! 點知佢話試做係唔包..... 所以個果酸療程.... 10分鐘都唔洗就做完喇.... 不過.... 個美容師真係好好人.... 佢問我得唔得閒.... 之後私人醒咗個mask比我做.... 係唔係私人醒我就唔知啦!! 不過佢咁講.... 我好gur囉!!

做完又再傾傾傾..... 結果.... 我走嘅時間係..... 8:58pm.....

至於.... 做得好唔好呢.... ok啦~~ 拮拮哋咁囉.... 但好在佢唔甩皮嘛, 又可以去吓d角質層, 再搽嘢都吸收d啦!! 不過..... 唔知我又會的起心肝搽幾多日呢?! 哈哈.... 我平時懶到咁.... 自己買嗰個package都成日唔得閒去啦!! 好在間唔中有d試做補養吓, 都好過冇哎!!

最後, 雖然我膁貴冇買..... 但佢就好好咁再三提我.... 一定要連做7日mask囉!!

母女關係....

一個星期.... 重有幾日.... 小春會向姥姥屋企..... 好多人會問我..... 你捨得咩..... 唔捨得..... 咁又可以點呢?? 請工人?? 屋企冇地方訓多個人喎.... 請鐘點?? 始終唔係咁方便囉..... 但係見唔到個囡嘅日子..... 我總會向到諗...... 唔知今個星期.... 佢又學識咗d咩呢?? 我又錯過咗d咩呢?? 唉....... 好彩我媽咪好知我掛住個囡..... 又好叻咁學識send email...... 有佢每日send小春d相比我解吓"相思之苦"..... 又比電話小春聽..... 等我可以聽吓佢把聲...... 但係..... 眼見小春可愛嘅相片..... 由心而發嘅笑容...... 我..... 不禁會有d妒忌..... 點解..... 可以回應呢個可愛笑面嘅人唔係我..... 我開始有d明白..... 我細個時成日話自己錫姥姥多過媽咪...... 當時媽咪究竟係咩心情呢...... 如果有一日.... 小春同我咁講..... 我諗..... 我會好唔開心囉..... 但我亦慶幸..... 我有一個健康明理嘅媽咪..... 比小春去鍚佢..... 而呢個姥姥亦都會盡心盡力..... 不求回報咁去鍚番我小春..... 好過有d小朋友..... 佢哋鍚嘅人..... 只會係一d357年就會離開嘅姐姐姨姨.....

我唔知道....母女關係需唔需要特別經營..... 我亦都唔覺我同媽咪之間經營咗d乜.... 可能就係睇到佢好辛苦咁揍大我哋..... 不經不覺..... 關係就自然建立咗掛..... 雖然從小都係比媽咪打打鬧鬧..... 但係個心.... 真係一d都冇嬲過佢..... 到姥姥死咗..... 媽咪老咗..... 火又收咗..... 我又大咗..... 越嚟越覺得..... 我媽咪真係好好...... 好好......

唔知我同小春嘅關係會係點呢?? 佢會唔會鍚媽咪呢?? 總覺得..... 呢d嘢.... 冇得逼.... 亦都冇得培養..... 只有不停存出..... 但係一個人..... 無論係唔係小朋友.... 佢接唔接受..... 都唔係必言嘅..... 可能要講緣份..... 亦可能..... 要睇佢天生.... 重唔重親情啦.... 就好似同一家庭長大嘅小朋友..... 都會有唔同性格啦.... 所以..... 只有盡量培養佢嘅品德..... 咁就算衰..... 都希望唔好太衰囉!!

 

我可愛嘅囡囡小春........     

          

 

*P.S. 小春你要記住..... 無論你鍚唔鍚媽咪..... 媽咪都會全心全意咁鍚你.....

小春like like小白兔

又有相睇啦!! 媽咪成日冇聲冇息咁send小春d相嚟比驚喜我, 哈哈~~ 今日呢輯重好靚添!! 又有新公仔.... 哈哈~ 個公仔好似係Kobe舅母嘅添!! 不過, 小春好似同佢好fd咁喎!! Kobe舅母.... 識做啦!! 唔好乍型呀~~

 

我重send咗呢張相去我愛mama添, 遲d比條link大家like佢呀吓...... 嘻~

 

睇吓小春同小白兔幾fd~~ 好似傾緊計咁呀.....

 

重好開心添~~ (不過影到姥姥兩隻腳指呢!!)

呢排好懶添!!

呢排真係好懶, 又掛住上網, 搞到小春d嘢都冇up到添!! 不過唔緊要, 我會up番嘢.... 但係未必做到日日都有囉!! 原來要日日寫blog, 都真係幾困身家!! 我又咁懶.... 算罷啦!! 盡力就算啦~~

 

小春終於+奶啦~~

尋日小春返到姥姥屋企之後, 姥姥話佢又冇嘢喎, 又冇特別扭計, 不過... 就發現佢.... 食完奶之後.... 喊咗幾嘢.... 好似重想食咁.... 我哋就向到諗.... 唔通佢呢兩日咁忟憎, 係因為食唔飽, 不過係都真係一d都唔出奇啦!! 我哋小春由兩個幾月, 到e+都冇+過奶呀, 陰公!! 一路都係比佢食緊6安水5殼奶粉咋, 有時我都會比多半殼佢嘆吓嘅, 不過佢哋個個都話我哋肥, 而佢又冇特別扭計話唔夠食, 咁一路都冇+囉!!

之後7點幾嗰次奶, 姥姥話佢6安奶, 全部飲曬.... 哈哈~~ 5月再去健康院, 唔知到時會唔會超磅呢!! 哈哈~~~ 爸爸e+已經肥妹前肥妹後, 咁叫我哋bb啦!! 頭先佢重... 佢重.... 竟然叫我做肥妹媽添呀!! 太過份啦~~ 我唔制呀~~ 個名咁肉酸!!

 

姥姥好叻呀, 影到小春捉腳腳, 我特登整佢捉住腳, 都影唔到呀!!

 

呢張係正常版~~

 

哈哈~~ 睇吓呢張d腳指仔!! 真係好好笑呀~~

小春大鬧慈雲山

今朝我番工前餵小春食奶, 一摸落個傻妹隻手, 嘩!! 點解凍到冰咁家!! 呢個老豆, 開冷氣都唔幫小春訓番個睡袋, 收埋對手嘅, 一陣會唔會凍病家!! 唉~~ 即刻幫佢探吓熱先, 好彩冇事!! 搞咗一輪.... 個傻妹懶訓到呢.... 重訓緊.... 連奶都唔係好願食呀!! 更係啦.... 尋晚我訓到懞懞鬆鬆.... 聽到佢老豆話佢痾咗pupu.... 搞到咁夜.... 更係兩父妹都訓到暈咗咁啦!! 不過.... 食完奶.... 掃唔到風..... 我又趕住出門口喇.... 冇辦法都要叫醒佢老豆.... 順便叫佢比小春訓番我哋張床, 希望佢可以暖番d啦!!

依依不捨咁番工, 點知.... 11點幾.... 爸爸就打嚟啦!! 話小春係咁拍醒佢..... 哈哈~~ 小春次次同佢訓.... 唔知點解.... 唔係拍醒佢.... 就係踢醒佢.... 哈哈~~ 大家要知志雄訓著, 係幾難叫得醒先得家!! 小春真係有佢一套.... 哈哈~~

中午.... 志雄又打嚟.... 原先佢諗住落街食嘢, 點知.... 小春又痾pupu啦!! 唯有同佢沖涼先啦!! 搞到爸爸連飯都冇得食.... 好笑~~ 到沖涼喇!! 哈哈~ 爸爸話自己除咗衫同佢洗頭, 點知.... 小春用d腳甲係咁介佢.... 哈哈~~ 佢話勁痛.... 直頭好似比介刀介咁.... 咁就鬧佢.... 叫佢唔好啦!! 點知小春啤一啤佢.... 扁咀..... 跟住勁喊囉!! 哈哈~~ 之後沖涼呢!! 小春係咁踢.... 踢到成房都濕曬, 佢老豆又鬧咗佢兩句, 佢又啤一啤.... 扁咀.... 勁喊囉!! 哈哈~ 我哋大小姐.... e+唔鬧得家啦!! 哈哈~~ 我上次只係話咗佢一句樣衰.... 佢已經喊啦!!

下午.... 志雄話終於有飯食.... 但係就話小春就唔知點解, 係咁扭計.... 99話佢個肚仔凍, 唔知係唔係肚痛.... 爸爸又幫小春探熱又冇事, 就用d baby oil幫佢捽吓肚仔!! 又幫佢貼暖沙包, 我話... 暖沙包唔好貼入面喎!! 要貼出面.... 如果唔係驚熱親bb就唔好啦!! 但係用盡辦法.... 佢依然係扭計!!

唉~~ 搞到我真係想即刻番屋企, 睇吓佢咩事, 抱吓佢呀!! 所以原先諗住今晚叫爸爸自己送佢番姥姥到, 改為.... 都係一齊送啦!! 咁我可以睇吓佢嘛!!

一出到旺角, 見到志雄.... 即刻叫佢比我揹番小春, 雖然佢終於訓咗, 但係.... 硬係覺得.... 重之..... 我要抱啦!! 小春小春.... 你究竟係唔舒服.... 打完針扭計.... 蝦爸爸..... 唔夠訓..... 定係點解咁忟憎呀!!

返到華富.... 小春終於醒咗.... 見到姥姥.... 佢笑囉!! 掛住姥姥哩~~ 跟住我同佢玩咗陣.... 佢係有少少忟, 但係又冇志雄講咁勁扭計喎!!

到夜晚同媽咪傾電話, 佢都話冇扭計呢~~ 唔通.... 佢真係蝦爸爸!!

 

今朝掃風照                                           

動靜皆宜... 羅泳翹

小春通常返到屋企都會扭吓計咁嘅..... 但係番到華富, 媽咪又話佢好乖, 自己同自己玩, 都幾文靜吓個喎!!

今日, 媽咪話終於明白, 點解小春返到屋企會咁扭計啦!! 話說尋日.... 媽咪未同佢玩聞臭腳嘅.... 跟住又同佢影吓相.... 食完飯又再同佢玩咗一陣..... 之後媽咪話佢每次經過, 小春一見到佢就會叫.... 就係又想撩佢玩囉!! 所以.... 今日.... 媽咪話避免同佢有眼神接觸, 哈哈~~ 咁佢成朝就好乖喇, 又自己on99咁坐向到...  睇吓電視... 自己玩吓咁喇.... 所以其實... 可能係因為我哋一個星期先接佢番嚟3日, 更係想同佢玩多d啦!! 搞到佢玩到創曬囉.... 哈哈~~

我就話.... 咁又比我發現多小春一個優點就真.... 動靜皆宜~~ 哈哈!!

 

今日未有相添.... 唯有睇番尋日嗰d頂住癮先啦!!

幫吓眼?!

尋晚一番到屋企, 99就好緊張咁同我講, 話阿欣會帶男朋友番嚟食飯, 叫我幫吓眼喎!! 吓~~ 乜呢d嘢有得幫眼家咩?! 我心諗.... 唔好話我衰.... 有人要都要還神啦!! 又肥... 又唔靚... 又粗魯.... 又粗口.... 重低低哋添!!

99話原來以前阿欣都拍過拖家!! 不過嗰時62見過, 又覺得人哋唔係咁醒目, 就唔係咁鍾意囉!! 點知.... 個男仔.... 唔知點啦!! 99講到一舊舊.... 重知就係唔知點.... 所以冇錢番學, 咁又唔知點.... 阿欣就叫你唔好搵佢喇.... 咁囉!!

99又話.... 呢個男仔向九龍灣做食蕉嘅, 搵8000一個月, 佢同阿欣講到明自己唔係好富裕, 屋企重有一個中咗風嘅老豆添!! 我同99講.... 其實搵幾多都唔係一個問題, 一個男人最緊要嘅就係勤力, 肯做就冇話餓得死人嘅, 最怕d男人懶.... 唉~~

--------------------------------------------------------------------------

到開飯喇!! 一出房見到佢..... 吓!! 即係佢又唔係好大年紀嘅, 不過就真係唔細囉!! 可能係佬feel呱, 唔知啦!! 不過.... 個樣就唔多正常囉!! 講嘢把聲........ 大家都有睇過嗰d賭乜賭物系列啦!! 未有個唔知秦沛定邊個, 會擺支mic向個喉嚨到講嘢嘅!! 嘻嘻~~ 佢把聲未就係咁個囉!! 重要諗諗諗諗諗.... 先講一句嘢.... 認真搞笑!!

最野笑嘅係.... 見佢想夾魚比99, 條魚都未夾起, 99就拎開自己隻碗, 猛話唔要囉!! 哈哈~~ 人哋都冇話夾比你, 或者佢夾比阿欣呢!! 哈哈~~ 我真係忍唔住笑咗出嚟, 99即刻望吓我, 好似想睇吓我係未笑嗰個阿豪咁, 我都明嘅.... 佢驚個外孫女比人笑, 比人睇唔起哎嘛!! 其實我真係覺得冇嘢喎, 物以類聚哎嘛!! 傻阿媽... 有傻仔女.... 識傻拖友... 有咩咁出奇啫!!

食完飯.... 我都冇特別好客, 走番入房.... 志雄同我講.... 如果99問起我, 就叫我話佢幾老實咁囉!! 唔好和議佢, 如果唔係.... 嗰d說話就變咗係我講家啦!! 咁我就乃曬嘢家啦!! 吓~~ 乜99係d咁嘅人嚟家!! 志雄話重知就叫我自己小心d啦!! 唔好話佢冇提過我喎!! 哈哈~~

之後.... 佢又話真係好想打比阿珊8吓, 但係佢又話自己唔係d咁8嘅人.... 哈哈哈~~ 搵鬼信咩!! 佢唔8.... 冇人8啦~~ 哈哈~~

終於等到啦!!

唔知點解呢個星期過得咁慢嘅啫.... 今日先星期二咋喎!! 等死人咩~~

明明今個星期四就可以接小春, 諗住可以早一日, d日子會易過d啦!! 點知... 一d都唔覺囉!! 重要呢幾日香港珠寶展, 我公司大部份嘅同事都出曬show, 剩低小貓34向到, 電話又冇乜, d時間重難過.....

今日一朝就收到媽咪嘅email, 一睇... video嚟嘅... 乜e+yahoo連video都send到家咩?! 不過.... 我公司部廢拉柴開唔到囉!! 打比志雄... 叫佢開嚟睇吓得唔得意先.... 佢話係d Bububu嘅video嚟嘅, 不過好短家咋!! 打比媽咪問吓先, 原來佢唔知yahoo根本sent唔到d咁大嘅file, 試咗好耐... 終於放棄咗, 叫我星期四.... 自己帶手指入去過番d video啦!!

雖然志雄話收到嘅video好短啫, 但係冇得睇嘅我.... 真係..... 好想睇呀~~

晏咗d.... 媽咪打比我, 叫我同小春傾吓計, 我例牌第一句都係 " bb呀~~ 有冇掛住媽咪呀??" 跟住就聽到佢Wakaka~~ 咁向到笑喇!! 咩事呀咩事呀~~ 點解佢笑得咁開心嘅?? 媽咪話佢聞自己隻臭腳喎!! 一聞就勁笑勁笑啦!! 吓~~ 乜佢對腳仔掂到鼻鼻啦咩?? 我上個禮拜試都未得嗰喎!! 唉~~ 真係好想睇呀!!

番到屋企, 終於都睇到啦!! 好得意呀~~ 都不特止..... 媽咪重send咗新相過嚟添!!

 

大家睇吓佢呢個笑容得意到.....

 

科豆眼小姐~~ 你係未望緊鏡頭家?!

BuBuBu~~

我個囡真係越嚟越搞笑, 呢幾日學識bubu~~ 都冇人教佢, 唔知佢向邊到學番嚟家!! 哈哈~~ 志雄話嗰日帶佢去健康院打針, 佢無端端就開始bububu.... 重bu到佢成面都係添!! 哈哈~~

尋日終於見到佢真人表演啦!! 好好笑.... 我呢個咁貪玩嘅媽媽, 好唔容易先見佢學識一樣嘢, 又點會阻止佢哎!! 重同佢玩埋一份添.... 哈哈~~ 真係好好笑家!! 睇佢bu到有d發爛咋時, 我又bu d歌出嚟氹吓佢, 佢見我點解可以bu到唔同聲咁得意嘅, 就用個好無知嘅樣望住我, 跟住就笑喇!! 之後, 我每次bu佢, 佢重笑到kaka聲添!! 唉~~ 邊到嚟個小朋友咁得意家!! 係未我哋小春妹妹呀?! 哈哈哈~~ (學豬豬同肥波講嗰句嘢)

最最最~ 野笑嘅係.... 我99話.... BB女bu.... 即係會落雨喎 <== wakaka.... 笑到我呢~~

 

睇佢個樣野笑到~~ 所以今次我完全冇嬲佢玩到成下巴都係口水囉!!       

 

成隻大閘蟹咁呀.... 一個下午換咗3條口水肩囉!! 哈哈~~

聽障兒特訓 家居變教室

【經濟日報專訊】「又話每1,000個才有一個，為何偏偏是我？」灝霖患深度聽障，飛機在頭頂飛過也聽不見，但他考上名校，成績不比人差，有些科目更考到第一名。

我發現.... 做咗媽媽之後.... 原本易喊嘅我.... 好似變得重更加感性, 哈哈~~ 每次睇到一d有關小朋友嘅嘢, 都好似變得身同感受咁, 行街見到小朋友走嚟走去, V嘩鬼叫, 亦冇再重啤佢哋, 可能係自己都會諗吓.... 遲d... 可能小春都係咁, 嘻嘻!! 每次見到d可憐嘅小朋友報導.... 我都會變咗個淚人....

今朝, 呢單可能並唔係咩慘得好厲害嘅事, 不過.... 已經足以令我向公司流曬馬尿囉!! 我覺得個媽媽好偉大呀!! 亦都覺得佢講得好好, 『付出多少，視乎想有甚麼結果』, 其實呢句嘢好似好簡單, 亦人人都明, 但真係要堅持, 其實.... 對我d咁懶嘅人嚟講.... 嘻嘻!!

重之..... "大家.... 加油呀!!" 亦希望每個小朋友都可以健健康康, 快快樂樂咁成長!!

型女小春去街街

尋日又係Stella結婚, 又係99慶祝生日, 其實我都諗咗好耐, 究竟去飲好哎.... 定去99壽宴好呢?? 如果... 我自己一個去Stella到, 到走嘅時候一個走, 佢哋成班就去After Party, 我未好落幕?! 咁如果我去After Party喇, 佢哋d主角呀, 姐妹呀... 又要幫手拾嘢又剩, 落到嚟... 分分鐘我都醉咗囉!! 哈哈~~ 如果我去99到呢.... 咁冇得見吓新娘子.... 而且... 我結婚Stella都有嚟啦!! (十萬個理由想去)

結果.... 我諗咗個兩全其美嘅做法..... 首先去Stella到觀禮, 再去99壽宴未得囉!! 咁可以帶小春出去見吓d朋友之餘, 又有佢陪我回程, 幾開心!!

下午... 諗吓同小春著咩衫先.... 哎!! 新買咗條襪褲喎!! 不如著姨婆送嗰條吊帶牛仔裙啦!! 點知.... 唉!! 一次都未著過..... 就唔岩著啦!! 原因.... 短得滯!! 唉~~ 小春岩岩先4個月, 佢已經過咗6個月超高嗰條線啦!! 咁就著我前兩日先買嗰條牛仔褲啦.... 嘩!! 岩就岩... 不過比佢著曬囉!! 我諗條褲都過唔到呢個春天家啦.... 呢排真係要著多幾次先得啦!! 哈哈~~

 

睇吓爸爸新買嘅褸仔, 著得我哋幾型~~ 當然唔少得豬豬表姨送嘅converse啦!!

 

睇吓契媽抱住小春個樣幾得戚, 就知佢有幾抵錫啦!! (不過契媽話佢勁重囉)

 

睇吓~~ 我個女都係最鍾意媽咪, 睇佢同我影相幾開心!! (自己氹自己囉!!)

 

可能係玩得攰得滯, 玩玩吓.... 小春就唔知向邊個嘅懷抱中訓著咗啦!! 回程時.... 佢係醒過陪我嘅, 不過去到99壽宴.... 飲完奶.... 就.... 訓到好似比人扑暈咗咁啦!! 哈哈~~