2006年8月30日 星期三
2006年8月29日 星期二
成龍又走出嚟做Show啦!真係黑人憎!
阿嬌比人偷影呢單嘢都講咗好多日啦!我自己都有send email去投訴,e+d雜誌真係越嚟越過份,買雜誌d人係八卦啫,唔係咸濕哎嘛,咸濕就去買咸書啦!
好喇!今日又有咩咩遞信,咩咩聲討咁咁咁‧‧‧又見到成龍走出嚟Be Le Ba La指指點點,鬼死咁煩。唔知以為佢個女比人搞添呀!真係黑人憎呀!
2006年8月25日 星期五
呀!大獲啦!我有返工恐懼症呀!
話說呢,我上個禮拜五,一番到公司就嘔喎!嘔嘔嘔,嘔咗大概五次到啦,一食嘢就嘔!根住我就請咗病假去睇醫生喇!醫生話我胃炎喎!
跟住嗰兩日都冇事o家啦!我重走咗去食朱古力buffeat添!點知......
今個星期一,差唔多番到公司嘅時候,我就開始肚痛啦!到到公司樓下重反胃添呀!連續幾日都係咁,所以比Bonnie笑我有“番工恐懼症”囉!
唉!呢兩日重鬼死咁多OT添,真係冇病都變有病呀!(捱都捱到殘曬呀!)
2006年8月14日 星期一
李亞鵬親證李嫣天生兔唇
2006年8月13日 星期日
李亞鵬親證李嫣天生兔唇
(星島日報報道)王菲和李亞鵬的愛女李嫣早前被傳有兔唇,雖然兩人身邊的朋友都極力否認,不過為了給身邊人和傳媒一個交代,李亞鵬昨日在個人網誌上,承認女兒天生有兔唇缺陷,並已赴美國進行矯型手術...
可能係因為我勁鍾意王菲嘅原故啦,總覺得佢嘅愛情路實在太悲哀啦!所以一開始我對李亞鵬都冇乜好感o家!不過今日睇到佢個Blog入面呢句話之後,我對佢完全改觀!佢係咁寫o家,「半夜醒來,不能入睡。不是因為時差,不是因為網上漫天的爭論,是因為妻子臨睡前說﹕『這件事現在怎麼辦﹖』……回顧過去這幾個月的風風雨雨,在這裏我首先要感謝很多人,是他們每一個人善良和幫助使我們的女兒順利出生,順利地進行治療,把外界的干擾降到了最低點……妻子在我眼中是可愛的,甚至有一點點善良的憂愁……我不能允許那點憂愁在她心裏存在。」
好好呀!真係寫得好好呀!寫出一個真男人嘅擔當,寫出一個好丈夫嘅關愛,寫出一個鐵漢子嘅柔情。開始覺得王菲好幸福呀!希望佢今次真係冇揀錯人啦!至於嫣兒方面,反而唔洗咁擔心啦!e+科學咁昌明,同埋咁細個醫,好快就冇事o家啦!
2006年8月11日 星期五
2006年8月10日 星期四
等等等...都唔知要等到幾時...
唉!好煩呀!
2006年8月9日 星期三
等等等...都唔知要等到幾時...
不過大家唔洗胡亂猜測,亦都唔洗亂咁嚟恭喜我!
我唔係有咗喎!初步估計係我上個月中飲咗一碗好kun嘅補藥搞鬼,係公司個秘書介紹比我嘅!唉!點知...我媽咪煲嗰陣煲乾咗水,咁佢就加噃d水再煲過啦!點之...煲咗成個湯碗咁大碗出嚟!唉!我哋呢d貪靚鬼,更係二話不說就,GuoGuo聲飲曬去啦!就咁就出事喇...飲完之後,我即時想嘔(我本身係一隻駱駝,平時除咗飲酒之外,冇可能一次過可以飲曬一杯水)跟住嗰晚重成晚覺得全身發興同 添!我諗係因為太補呱,咁就冇理佢喇!但係e+...咁點呢,洗唔洗去睇吓醫生呢!除咗有咗同停經之外,重有咩可能性會咁耐唔嚟呢?唔通我有病!!!咩病呀?咁點呀?
唉!好煩呀!
2006年8月6日 星期日
咁都有得乍型???
2006年8月5日 星期六
咁都有得乍型???
今朝晨咁早就去咗整回鄉證啦!你哋知啦,我哋呢d星期六唔洗番工嘅,好唔慣咁早起身o家嘛!
但由於志雄話e+有人抄籌喎,所以佢幫我網上登記嗰,咁就唔洗排隊啦!點知~~得筲箕灣有,心諗筲箕灣老連咁遠添o家!後未媽咪話叫我不如去中環睇吓有冇籌先,如果真係冇,再過筲箕灣都未遲哎!咁又係喎!所以我8點幾就起身喇,洗埋頭(因為尋晚OT冇時間去影相,要去中旅社影呀!)去到都成9點半啦!哈哈!重有籌喎,重唔洗排隊添!呀!e+d快相機影相又影得幾靚個喎!結果搞掂曬都只係十點幾!係喇係喇!就係十點幾喇!去邊呢?
唉!結果我上咗Jofee屋企,又唔記得帶兩套碟過嚟睇,未唯有上吓網咁囉!嘻嘻!呢個時侯華仔就响msn到問我,叫我快d sent d funny e-mail比佢喎!我話乜你冇睇我個Blog咩?我delete曬啦!唔講尤至呵,佢睇完即刻打比我,問我做咩有飛睇軟硬都唔預佢,我話我買飛咋,佢就話咁買飛你又唔叫我!唉!我點知佢想睇呢!我就話因為好難買飛囉,連志雄都冇得去呀!佢就話喇,志雄收咁夜都睇唔到o家啦!(點會睇唔到呀!佢收8點,但係8:30先開埸喎)跟住佢重繼續chur話我唔掛住佢,成日得把口話掛住喎!寃枉呀,皇兄(我係公主,佢係我哥哥未即係我皇兄囉!)佢重話我個Blog連提都冇提過佢,唔開心喎!重要我寫番一百字唔連標點咁嚟罰我添呀!不過我哋呢d讀過吓書嘅,點會比佢考起哎!
唔好嬲啦!最多出DVD嗰陣送隻比你啦!