尋晚同志雄兩個去咗睇燈飾，唉！e+d相機真係鬼死咁多function都唔知點樣用，不過我哋依然樂在其中喎！哈哈！
之後，我哋就係尖東一間露天餐廳食泰國嘢添！重寫願望掛向聖誕樹到！希望你哋個個聖誕都一樣咁開心啦！Merry Christmas！！
2006年12月26日 星期二
基吧興祝平安夜！
平安夜嗰晚，因為經過之前一晚咁咁咁高興之後，我覺得同志雄嘅關係好似有d唔同咗咁，講唔出...不過好特別...重之成日都keep住好sweet咁笑囉！哈哈！我問志雄有冇覺得有咩唔同咗，佢話...身份唔同咗...覺得自己Man咗喎！哈哈！
今個聖誕節，沙律真係做到嘢！因為平時通常d節日問佢有咩搞，佢都會話未知喎！今次，提早Plan曬！真係叻女！唔洗流離浪蕩啦！
嗰晚，我哋向銅鑼灣訂咗間bar連bbq
，點知一上到去，大家都即刻feel到係間基吧嚟個囉！無論d裝飾同d人都係！本身我都唔係第一次上基吧，都冇乜大驚小怪嘅，基吧重好啦，d人都施文d！d嘢食重有意外驚喜添！但係比如羅倫c咁都有比人撩o家！都幾好笑囉！我同沙律都有比人撩呀！比一個我哋估係萬能插嘅係咁yuen住，真係煩呀！
好采後未都有人幫我哋制服咗佢！
我哋嗰晚重影咗好多相，感覺大家好似比以前親密咗好多咁，好開心呀！
2006年12月24日 星期日
好開心呀！等咗九年,終於等到啦！
今晚~~正確d應該係尋晚，即係廿三號囉！我如常上志雄屋企食飯，睇睇吓電視，佢突然話你想唔想收禮物呀！我先諗起，係喎！佢話買咗聖誕禮物比我嗰喎！本來佢叫我自己試吓搵吓向邊，之後又偷笑話其實佢鎖住咗！哈哈！
跟住佢就叫我坐向床邊將份禮物交比我，我打開個好有聖誕氣氛嘅索繩袋，褢面有個盒，打開個盒~~係一只花花介子，嘩！好開心呀！(其實佢唔係第一次送介子比我)跟住佢就跪低，問我嫁比佢好唔好！當時第一個反應就係，好好笑！我都未見過人剩係著住一條短褲求婚家！佢重要係兩隻腳都跪曬向到！重要花都冇！我即時都唔知比咩反應，就話點解冇花嘅，佢話趕唔切喎！佢重話雖然今次呢隻唔係好大只，但係以後每年都會送一只比我！嘩！幾識乙水人呀
嘻嘻！跟住佢少少低頭，但係兩隻眼向上望，突登做個怪表情問多我一次，我就應承咗佢啦！雖然，同我想像中嘅有天壤之別，但已經足夠令我感動到喊咗出嚟！再之後？？............................更係深情擁吻啦！重洗問！
我問佢點解唔等食聖誕大餐或者先問，佢話太心急喎！哈哈哈！
咁大家又唔洗即係趕住做人情嘅！未有咁快，起碼都08年嘅事啦！況且我哋都重要儲吓錢先！大家唔洗心急呀吓！實有機會嘅！哈哈！
*P.S. 事後先記得同佢約法九廿幾章！哈哈！例如：以後唔准鬧我，話都唔得！唔准發脾氣！連我飲醉酒都唔准發脾氣！跟住佢即刻話，咁你唔准飲醉酒，我就話唔得喎！哈哈哈！
2006年12月12日 星期二
又噪啦！唉！
都講咗好多次o家啦！可唔可以(乙水)
咗我先嘅啫，點解次次都要講道理喎！其實係唔係到最後都係要乙水o家啦！都唔知講咁多道理做乜！係呀係呀！講完道理就唔洗乙水哎嘛！無呀！無道理想同你講呀！唔講呀！係玩野蠻o家啦！點哎！哼！好嬲呀！我真係好嬲呀！
一嬲~~又有d覺得心淡啦！
成日都噪交，都唔知為乜！全日都冇曬心機，又冇胃口食飯，連漫畫都冇心機睇！唉！
點知......我睇噃原來我哋上一次噪交，已經係05年12月十幾號嘅事啦！足足一年啦！即時覺得好勁呀！真係好勁呀！而且呢年重咁愛添
哈哈！個人先有番d衝勁咋！睇著你呢年表現咁好份上，好啦！就唔嬲你啦！下次再係咁，先一次過嬲埋！知死未？
2006年12月11日 星期一
所以話大波都冇話一定好o家！
由於之前志雄幫豬豬搵咗架靚車，所以星期五晚佢就請曬我哋去大亞美食坊到食飯，話時話~~美食坊開咗咁耐，我都係第一次去，哈哈！不過唔係話賣花讚花香，真係堅好食！不枉我整親條腰都唔去睇醫生住，食咗先！嘻嘻！你知啦！豬豬請食飯真係冇幾何o家嘛！
星期六嗰日，條腰真係好痛，去完志雄屋企食飯後，佢就同咗我去睇醫生，之後因為阿珊生日，我哋又出噃銅鑼灣，去咗洪天明開嗰間嘢飲！咁當然見到有d旦散明星同DJ仔啦，又唔係未見過，都不值一提！但係李珊珊就真係唔提唔得喇！嘩！嘩！嘩！肥到呢！肥過豬豬呀！以前以為佢係上鏡肥情有可原啫，點知真人係咁恐怖o家！加上佢對嘢又大喎，直頭可以叫做大米人囉！唉！諗起都想笑呀！香港小姐喎！
2006年11月27日 星期一
究竟係咩心態呢！轉季好似一定要勁買衫咁嘅！
唉！控制唔到自己呀！點算呀？咩都想買，邊有咁多錢呀！
呢兩個禮拜同沙律行街，呢樣又鍾意嗰樣又鍾意！雖然我哋好識周圍搵又平又靚嘅嘢買，而買嘅嘢全部都好夠精
，不過就係咁買係咁買囉！真係衫褲鞋襪裙，我哋都有買呀！唔知以為d嘢唔洗錢添呀！但係講嚟講去...今年話最想買，一定要買嘅boots同黑色褸就依然未睇岩囉！吹脹呀！
2006年11月25日 星期六
閪面的日子
繼上一次一篇好多粗口嘅日誌之後，件事就更係未完啦！不過...大家又唔洗咁開心諗住有故仔聽！冇~~係冇乜野發生！只係我日日番去都閪佢面囉！唔係點啫？可以點啫？
尋日MK走出嚟同我講，話比佢疲！唉！我都同佢講，算罷啦！我e+都費撚事同佢講呀！簡直係浪費我d時間呀！同佢傾完唔洗做呀！一陣重搞到要OT添呀！邊個可憐呀！況且講嚟都冇用，次次一味得個講字，既然冇用嘅，唔撚講添呀！根本就多餘！冇锅嗰陣你同佢講，佢就覺得你搞事，到有锅嗰陣你同佢講，佢就扮從來都冇聽過，話你好豬用埋d低能方法解決問題！唉！費事講呀！無謂點醒佢呀！
到今日加班，Patrick走嗰陣問我“喂！你同Arthur做乜呀？點解佢寫到你咁嘅？”我嘆咗口氣話“唉！唔想講呀！”佢繼續問“搞咩呀你哋？”我伸咗個懶腰，再呼咗啖氣！“算啦！講嚟都冇用，唔講啦！”跟住佢就(好似)好無奈咁走咗喇！講真，唔通我數佢呀！有用咩！咁未重表現得我唔夠成熟，唔夠忠心，唔夠......況且講咗出嚟，唔通你會為咗我呢個小職員去鬧個Manager咩？未又係安撫我兩句就不了了之！超！唔洗啦！我都唔受呢套嘅！
跟住我同MK講，佢話“可能佢見你呢排唔開心呀！你都話好哎！有人關心吓！”但係我就答番佢囉“有用咩，幫唔到手嘅！總之人就係咁o家啦！我要d野你比到我嘅，有動力，人工作就自然積極o家啦！既然冇著數之餘重要阿支阿左，唔該曬囉！希望你都唔好對我有要求囉！”跟住MK話“某程度上你都可以咁講嘅”其實我聽得出MK係覺得我偏激咗嘅，不過sorry囉！我唔覺得我到呢個時候重需要扮野囉！句說話講比邊個聽都好啦！總有人明嘅！
2006年11月16日 星期四
嬲到我震呀！
星期二Ricky生日，我哋成班去咗卡拉OK同佢興祝，好開心呀！重玩到癲曬添，最緊要係見到佢都真係好開心囉！
點知星期三一起身，好唔舒服喎，咁我就打番公司同MK請假話遲D番啦！蝦！轉過頭佢就打番嚟喇，話Arthur話喎，叫我無論如何都要番去喎，咩叫做無論如何呢吓！算！到到差唔多12:00都係好唔舒服，咁我費事一陣打比MK佢又唔知點同Arthur講，所以我就直接打比Arthur喇！我同佢講“Arthur呀，唔好意思呀！我重好唔舒服，我下午都唔番啦！”佢話“但係Connie放假喎！”我話“咁又點呀！”佢話“咁Connie放假你都唔番嚟呀！”我話“但係我真係好唔舒服喎！”佢就話“咁你都唔係今日先知Connie放假嗰喎！”我話“但係我e+發緊燒喎！”佢話“咁你咁講我冇嘢講啦！”我話“吓！”佢話“咁就咁啦！”我開始有d火火哋就答“係啦！就咁啦！”跟住佢竟然cut我線囉！
男人老狗佢竟然cut我線囉！都痴撚線o家！我越諗就撚越興呀！佢老味哎！係未傻o家！做到Manager係未都唔撚識分，咩叫做Annual Leave咩叫做Sick Leave呀！咩叫做我唔係今日先知Connie放假啫！唔通我問你“哎！Arthur我下個禮拜一可唔可以請病假呀？”咁呀？
唔好癲啦！況且呀！佢哋之前都打到嚟話無論如何要番去呀！我自己更係衡量過，真係有咁嘅需要，我先會咁大膽請假啦！佢都戇狗o家！死肥狗！
跟住星期四朝早，起身重見有d病病哋，加上又燥燥哋，再打比Bonnie請埋上午假囉！Bonnie問我洗唔洗轉比佢哋聽呀！我即刻話唔洗呀！唔撚想聽到佢把聲呀！最搞笑係我亞媽話，橫掂都係咯，請多日假啦！哈哈！
佢o家！死肥狗！番噃入你間狗屋啦！死門口狗！剩係識得向HR惡！挑！我真係預咗博抄o家！佢老味！
點知番到去只係亙相閪面啫！而MK就好八咁走出嚟，問尋日我點同佢講，點解佢咁嬲咁cut線！哼！剩係佢識嬲呀！我重嬲呀！
2006年11月6日 星期一
眼澀到爆！
好眼訓，真係好眼訓呀！
話說星期六9點幾就起咗身，唉！咁我就打比沙律問佢去唔去睇褲啦，點知佢話都係唔去啦喎！我哋咁樣一傾就傾到成1點，佢都放工喇，咁我哋就約咗一齊去做facial啦，之後再去Silver Cafe到整番個Tea，點知臨入去Silver Cafe之前，佢突然間話不如去隔離間唔知博愛定仁濟嘅中醫診所到睇個醫生先喎！入到去，了解過收費又一d都唔貴喎，診金40加埋兩日藥都係120蚊，如果要藥粉就130蚊！我諗諗吓，橫掂都係喇，我都睇啦！因為個肚又開始有dd痛啦！哎！個醫生都講得幾ok喎，起碼我明曬自己係咩事，唔會好似上次嗰個咁，講埋d咩邪風嗰d咁嘅嘢先啦 ！不過如果佢講番國語會更加好囉
同埋呢d政府嘢，又唔會勁叫你睇多幾次，同埋食多幾次藥呢！嗰晚我開始食第一次藥粉，心諗肯定我難食，因為我不嬲都唔驚飲苦茶，所以如果有人幫我煎藥，你話幾好呢！同埋你知啦，如果d粉狀嘢，沖唔開都幾難頂o家嘛！但係結果原來一d都唔難飲o家，好似比平時苦d嘅五花茶咁o家咋！ok喎！
嗰晚番到屋企，屎忽痕，走去執起衣櫃上嚟！重要襯曬一套套，識我嘅朋友都知，我每次換衫前都起碼要望半粒鐘衣櫃o家！所以搞到成日遲到呀，又要搭的士呀咁囉！唔知以為我好多衫呀！其實只係好似有d人鍾意懶床咁囉，冇意思冇意義o家，不過係都要懶吓咁之嘛！人哋嗰d叫懶床，咁我諗我呢d叫懶望呱！當然懶床嗰part我都有啦吓！就係咁一執，我竟然執到4:30囉！
好疲，訓覺！
星期日，唉！12點就醒咗喇，唔夠喉囉！成個下午就陪媽咪睇微笑Pasta，哈哈！我突登導佢睇o家！所以我由第一集開始，陪佢睇多次囉！到到夜晚就去咗赤柱，因為Fiona生日，我哋入去！嘩！好耐冇見大家囉，我對上一次出去已經係中秋啦，佢哋都好關心我，問吓我嘅病況...最驚喜嘅係，我第一次燒蕉囉，哎！都幾過癮喎！由於向沙灘燒，個feel真係好正！不過到我番屋企大洗嘅時候就真係好疲囉！事關d頭髮咁長有排洗，結果我都冇等個頭乾就訓咗啦！報時~~~係2:30am囉！
今朝重要番早，7點就起身啦！
想死囉！志雄今日重要放假，重要去佢到食飯，冇得早d番屋企訓，真係擔心會忍唔住，冇啦啦訓著咗呀唉！重好緊張好心急想睇微笑Pasta大結局添o家！
2006年11月4日 星期六
唉！大出血！
話說呢，我好鍾意Abercrombie呢個牌子o家，成日都會周圍去d出入口店搵，不過e+已經少咗好多地方有啦！又要堅又要平嘅真係幾難搵，你知啦，買開又平又靚嘅，要我去shop買貴嘅，好唔抵o家嘛！未買過平嘅就話啫！
前幾日，有間去開嘅出入口店打嚟，話番咗d A&F嘅長T同埋冷衫喎！咁我就去睇吓啦，
其實都冇乜期望o家咋，因為近兩次去都好唔掂，不過又即管去吓囉！去到都冇乜靚嘢，唉！是旦攞咗件冷衫就諗住走喇！點知呢個時侯，眼尾突然見到d牛仔褲中，有個鹿仔牌，即係攞嚟睇啦，好靚喎！不過試完，係唔o岩著咯！由於佢哋嗰到嗰d係次貨，所以係冇第二個size，冇得買呢！正依依不捨嘅時候，唔忿氣去睇埋d扯布褲，哈哈！點知...咁就出事喇！
我有d咋型咁望住老板娘
點解唔話我知，番咗咁多褲，我搵咗好耐o家啦！你知啦，買平嘢通常唔敢買褲，因為冇得試嘛！佢嗰到有得試o家，不過冇A&F d長褲賣，e+有喇~佢竟然唔話我知，太過份啦！老板娘解釋，因為d貨都係尋日番，佢都未得閒睇吓番咗d咩喎！好彩我睇到啫！
唔該，每個款每隻色都拎比我試哎！嘩！二百幾蚊條，抵到爆呀！條條我都鍾意，點算呢？結果我買咗4條褲，一條係迷彩嘅，一條卡奇色嘅，一條啡黑色嘅，同埋一條米色可以著番工嘅！重買咗一件冷衫同一件外套添，之後我重話埋志雄落嚟睇，佢都買咗兩條褲同一件T，結果買單~~多謝二千零八十蚊哎！
唉~~即係唔係話二千幾蚊好多呀！不過向出入口店買二千幾蚊，就真係好似誇張咗囉！
重話今個月想節省d添！估唔到，只係放一放早就出事喇！第日都唔好立亂自己行街呀！哈哈哈！不過，我諗~~車！呢d嘢係鍾意嘅，遲早都會買o家啦！我不過係今次一次過買咗先之嘛，費事到時想買，搵唔番添！咁諗真係舒服好多！嘻嘻！
打回原型
媽咪終於都番嚟啦！有d唔慣添，你哋知啦！媽咪唔向到嗰陣冇皇管，鍾意點都得，夜訓又得，bebe又得，乜都得！e+終於打回原型啦！但係見到媽咪又好開心喎！尤其係收到手信嗰陣啦！哈哈！媽咪話佢上完玉龍雪山之後唔舒服，都冇乜心機買嘢，所以只係買咗唔係好多嘢番嚟，不過樣樣我都好鍾意喎！佢買咗粒銀鏈咀比我，都幾靚o家！另外重有一條天珠手繩，同埋我勁鍾意嘅雲南火腿比我！哈哈！我即刻向雪櫃攞罐啤酒出嚟，就係咁食啦！正到爆！呵呵呵！
最搞笑係睇佢哋影番嚟d相，有幾張係佢哋著住d民族服擺埋d難頂Pose，重要個個d腰包都著埋向入面又唔理喎，搞到個個肥到呢，哈哈哈！真係好醜樣呀！我笑到傻咗添呀！
2006年10月31日 星期二
2006年10月30日 星期一
生蛇？唔知真係嚇餐死！
話說去迪迪尼之前兩日，我亨亨開始成日話自己個雞翼骨位置
，我都冇理佢，因為佢成日都周身骨痛o家啦！況且雞翼骨我都成日痛，有咩咁出奇啫！點知去迪迪尼嗰晚，去食飯嘅時候，佢叫我睇吓嗰雞翼骨位置，佢話摸到好似比嘢咬咁，我睇完之後~嘩！好似比蚊針咗十啖咁，當時就以為係比蚊咬，或者飲咗酒之類啦！都冇特別理，不過都有叫佢睇吓醫生好d！
點知星期五，佢開始覺得又痛又痕，又估自己係未生牛皮癬又剩，鬼咁得人驚！所以嗰晚我就陪咗佢去睇醫生喇！點知...哈哈哈！個醫生好似痴痴地線咁，係咁嘻嘻嘻咁笑，哦...生蛇啫，嘻嘻嘻！冇嘢嘅，自己都會好o家啦！嘻嘻嘻！低能囉！
d藥又得三日，認真信唔過呀，所以第二日我就叫佢睇過第二個醫生，係佢個同事介紹嘅，話佢老公之前生蛇都係睇佢！結果嗰個醫生都話係生蛇，當然d藥就好似pro啲咁啦！哈哈！ (雖然我都係估嘅啫)
好彩近呢幾年，向我身邊都有成5個人生蛇咋，所以我對生蛇都有d知識，話係因為細個出水豆出唔清，所以有d毒素根本就留咗向身體入面，當你抵抗力差，或者唔夠訓嘅時候，佢就可能會發出嚟，呢個病唔會傳染人嘅，所以都唔洗咁驚，如果唔係齋聽個名都可以嚇親死！希望佢快d好番啦！
！今次有d特別，因為係佢煮比我食！佢整咗番茄薯仔牛肉湯啦，煎倉魚啦，蒜容白菜仔啦，同埋中式豬扖！唔...OK啦！都夠入味，不過就咸咗d
！我比75分佢啦！嘩！第一次整算係咁啦，最緊要係份心意嘛
訂閱：
文章 (Atom)