去私家到照真D

今日又約咗阿珊公司個婦科, Check真係隨便.... 同阿b影吓相, 哈哈~~ 佢一團嘢咁呀!!

 

唔知呢d算唔算抑鬱呢?!

重係覺得好忟憎, 好悶咁.... 對於我哋呢d平時痾督屎臭唔臭都講一餐嘅人嚟講, 要保守一個咁藉得講嘅話題, 真係好煎熬!! 重要又咁多唔舒服, 又作小產又剩, 又擔心... 真係好鬱悶呀!!

有時行街.... 見到d人行得快d, 又覺得佢哋好恐怖, 隻手好似想撥埋嚟咁!! 搭車見到d人讓位比大肚婆, 又覺得... 佢都咁大個肚啦, 洗鬼你讓咩, 我個肚重未駝得穩家, 係未應該比我坐多d呢, 但係個問題係... 小姐, 你連肚都未見, 人哋鬼知你有咗咩?!

又有時會覺得, 點解志雄唔係好似睇電視d男人咁, 咁雀躍嘅呢, 會唔會其實佢未ready呢?! 如果係咁.... 咁點算呢?!

呢d問題好似係問題, 又好似係我自己諗多咗咁, 有時同開d知情者講, 我就忍唔到d眼淚, 唉!! 究竟我係未有產前抑鬱呢?!

有啦有啦~~ 有心跳啦!!

今日去廣華覆診, 照到有心跳啦!!

上次比阿b d相志雄睇, 睇完佢好似都冇乜反應咁, 可能男人就係咁呱, 咁又係嘅.... 得個窿... 會有咩感覺喎!! 今日佢自己都見到bb心跳, 雖然只係見到有點嘢向到震震吓咁, 唔知佢有咩感覺呢, 但係我就好似開始同佢有咗感情咁喇!!

跟住就去健康院嗰邊約埋覆診d期呀, 又攞咗d小冊子, 因為原來政府唔幫人做唐士綜合症d檢查嘅, 又要自己出去搵醫生做, 又開始有嘢擔心喇!!

希望bb健健康康咁成長啦!!