世風日下

我都話e+d女仔好隨便o家啦！都唔明點解一d都唔珍惜自己嘅呢！學我阿媽話事解，d男人呀去叫雞都要比錢啦！咁你哋算係咩呀？有時落bar見到d女仔亂咁跟男人走，重要係廿歲出頭跟d老嘢走喎！真係諗爆頭都唔明！

等我哋呢d平時玩得熱情少少嘅，就成日比人話open，真係open嗰d你都未遇過！

 

士力加

記得以前我都有去戲院睇迪迪尼卡通o家！例如花木蘭嗰d呢！不過好多年都冇啦！有好多都係無線播就睇番啦！前幾日，Jofee話我聽星期日明珠台做士力加，所以尋晚上佢屋企食飯後，我哋就等9:30睇電視喇！期間佢問我話佢好眼訓可唔可以訓陣，我當然唔鍾意啦！我山長水遠過到嚟，佢唔係訓覺吓話，我嚟睇你表演訓覺呀！(當然呢幾句我冇講啦！)不過雖然我冇講，但係佢可能見到我唔係咁鍾意嘅眼神，最終佢都冇訓，陪我睇電視！

哈哈哈！哈哈哈！<==佢係咁笑喎！

到到做完，佢問我~~點解隻驢冇名嘅？佢好好笑喎！>>>>>我心諗~~嘻嘻！你重好笑啦！

我哋重講好，下星期日睇埋第二集添！嘻嘻！原來佢都重有d童真嗰喎！唔知最後佢會唔會叫我同佢去戲院睇埋第三集呢！

闖出版商電腦 黑客「揭」《哈利》大結局

【明報專訊】一名電腦黑客宣稱成功闖入出版商的電腦，發現了《哈利波特死亡聖徒》的內容，得悉了哪兩位中心人物在這本《哈利》第7集、也就是完結篇中雙雙死去，還在網站發布有關消息。

原來只係妙麗死啫，等我重以為連哈利都死埋添！不過講到話好悶，咁點算呀！到時都係唔好睇本書啦！睇番電影應該會拍得精簡d，會好睇d！呀！好期待呀！

身心疲勞

呢排日日都咁眼訓，又日日都唔夠訓，一來又出多咗街啦！個個禮拜都有人生日，d錢倒水咁倒！二來就又係玩指甲囉！難得有一兩日早番屋企，都要死死整指甲整到點幾先訓！以前嘅我11點幾就上床同志雄傾電話o家啦嘛！e+好多時佢打比我，我都唔得閒理佢住，真係有d驚好快佢就會乍型呀！哈哈！

好似今晚咁，黑狗又生日，阿Dick又生日，都唔知點算好，唯有走兩場啦！唉！我個黑眼圈呀！人哋話我都係時侯要keep，如果唔係結婚點算呀！唉！我都唔知點算啦！

新作品

我決定開一個新分類比d拍甲，哈哈！我發覺自己開始有d發癲啦！其實我呢兩日真係累到PK，但係好似尋晚咁，豬豬入嚟我屋企做轉款，我都重係好樂意幫佢做，結果佢做完都10:30啦！我重要幫自己整埋，結果又成點先訓，唉！我真係好需要休息呀！但係偏偏自己又懶玩，又想多d練習！唉！

真係要勤力d先得啦！好難呀！

之前講過第一第二堂都冇乜難度，第一堂只係教咗增長同埋法式閃粉

第二堂呢就學咗法式同埋Colour Gel漸變

點知尋日上第三堂，學咗好多嘢！有顏色啫喱拖花法 (孔雀, 五瓣花

)、

顏料劃花. (豹紋

, 斑馬紋

)同埋用水晶粉整3D花 (心型

, 蝴蝶結,

五瓣花)，嘩！超級難呀！又係易學難精嗰隻囉！尤其係d水晶粉呀，又快乾又難控制，都唔知d人點解可以整到咁多花款出嚟o家！我e+學最basic嘅都搞佢唔掂呀！點算呀！！

 

近期玩得最耐最投入嘅玩意

最衰係May May啦！成日攞d手指出嚟曬，搞到我都心癢癢！之前去影結婚相嗰陣未走咗整Gel Nail囉！諗住影相影到d手指都靚d嘛！哎呀！實在太靚啦！重鬼死咁多人讚添！

近排同沙律傾開，佢又極力咁叫我學番門手藝喎！又話學識第日開鋪又剩！其實我唔諗咁遠呀！我剩係諗我自己出街整都成三百幾蚊次啦！咁不如比千零蚊學咗，自己整重化算啦！如果操熟咗之後重可以幫d fd整，當係freelance都好哎嘛！

結果，我就同May May報咗名喇！原來其實都唔係好難咋喎，不過真係要比好多時間練習囉！當我上完第一堂，我已經可以幫自己增長指甲同埋整法式閃粉啦！重整得好靚添，沙律話直頭靚過向街整呀！開心到我哎！第二堂就學用甲片、法式同Colour Gel漸變，有d難度，但係Miss話如果d客太冇時停，最好就用法式甲片或者半假甲同佢整，因為時間快d同埋包靚！

上完第二堂未覺有咩難度，就膽粗粗幫Keobe (我細佬女友)整啦！一整整咗四粒鐘，重要係因為太眼訓草草收場嗰隻，真係唔好意思啦！哈哈！不過事後先諗起，唔記得影番張相呀！話曬都係第一次嘅傑作哎！唉！真失敗呀！

不過唔緊要，我已經搵咗第二位Model，就係我表妹豬豬喇！佢d指甲不嬲都成日斷，而且佢重有咬指甲嘅習慣添，希望今次增長咗d指甲會幫佢介埋咬指甲嘅習慣啦！搞咗一大餐，決定幫佢整法式+閃石，唔知點解第一次整嘅人，通常都會比d閃石吸引住o家！哈哈！今次整個法式，只係用咗3個半鐘啫！For新手嚟講真係算快啦！我重要唔係用法式甲片喎，真係人手畫o家！算係咁o家啦！但係因為大家都冇Idea嘅原故，剩係+閃石都+咗3粒鐘囉！哈哈哈！不過出嚟嘅效果都O哎！大家睇吓係唔係？


雖然，都係有不足之處，例如指甲個型修得未夠靚啦！但係新人嚟講，應該都Pass呱？大家比d意見啦！

 

生日

哈哈！大家諗吓我幾忙！上個月9號生日，但係到e+先抽到時間寫blog！唉！有時就係咁o家啦，發生d事唔即刻記底嘅話，時間就唔等你o家啦！搞到e+其實都冇乜mood寫囉！

咁點解我重寫？哈哈！更有我原因啦！話曬今年都係我結婚前嘅最後一個生日嘛！豬豬重黑人憎到send個SMS嚟叫我享受埋今年仲係田小姐嘅單身生日之後...下一年&以後每一年就會變成羅太嘅生日了...今年個蛋糕上面唔好寫Peggy啦！寫田小姐啦

！幾搞都有囉！

其實呢幾年開始都唔想搞生日啦！又煩又累，又要忙一大餐，飲一大餐，分分鐘重要忙幾日添！不如安安靜靜同Jofee食餐飯重好啦！前後幾日就約d fd都係食吓飯就算喇！但係今年都有d唔同嘅，由於之前嗰日係我舊曆生日，要番屋企食壽麵唔出得街嘅關係，我今年都冇約人啦！係正日嗰日Charlotte同Jofee幫我約咗Matthew, Lawrence, Dick, Emily, Mike, Fiona, William, June, Leo, Ricky...出嚟，一齊食餐飯囉！大家都不停提住“今年最後一年啦！”哈哈！真係有d~~~ 哈哈哈！佢哋唔止買蛋糕，重幫我班埋壽包添！好開心呀！好感受到大家都好鍚我囉！

至於Jofee就唔洗講啦！有佢向我身邊，我已經夠曬開心啦！

(嘻嘻！有d肉麻，不過係真o家！)