第一日學琴 + 語無倫次 (嬲)

尋日... 小春第一日正式學琴... 雖然半粒鐘啫... 但對一個小朋友嚟講... 一對一... 向間咁細嘅房到... 跟指令做... 並唔係易事... 途中... 我更係有扮去toliet影佢相啦....

雖然只有一張... 但就單單呢一張相... 就睇到佢哋.... 並冇掂過琴... 真係認真學... 乖囡... 希望你真係keep到呢份求學心... 同埋真係培養到興趣啦~~

之後就更係指定動作.... 出尖沙咀搵姨婆啦... 今日節目係行街 + 打書釘... 呢d通通都冇咩特別... 最特別... 又最令我激心嘅係...

小春呢排開始鍾意玩角色扮演... 經常自言自語... 點知... 尋晚比我聽到佢講咗句... "啤咩呀~~ 啤你老豆呀?!".... 講時七情上面... 寸到咩咁... 嘩~~ 咁重得了嘅... 我即刻STOP佢... 我問佢向邊到學嘅... 佢當然好迷啦.... 見佢有d R底... 就要自己come down先... 將佢拉到一邊.... 踎低同佢講... 媽媽而家唔係鬧你... 因為我知小春唔識... 講呢句說話唔岩... 小春係咁點頭... 我唔理你向邊到學... 邊個教你... 而家媽媽話比你聽... 老豆即係爸爸咁解... 呢句說話... 係話人爸爸喎.... 小春鍾唔鍾意人哋鬧你爸爸呀... 小春搖頭... 咁我哋以後都唔好再講呢句說話啦... 小春話知.......

再夜d.... 唔知咩情形底下... 佢又話人係痴線婆... 唉~~當然又比我訓話一番啦... 唉~~~

點解~~ 點解~~~ 點解~~~~