公司Christmas Party & 帶小春睇e生

今日公司Christmas Party... 嘩~ 真係好多嘢食喎...一轉都未食曬... 我已經勁飽囉... 最正係公司廚師整嗰個花膠瑤柱羹... 嘩~ 勁足料囉... 我飲咗成3碗呀~~ 哈哈!! 最好係咩呀??! 就係食完就走得... 下奏放假囉... 今日20號咋喎... 24號重有得放半奏喎... 係未聽到都高興呢!!


公司大廚:
花膠瑤柱羹... 西蘭花球貴花蚌... 酥炸大春卷... 清炒油菜遠... 星洲炒米... 生炒燸米飯

到會:
煙三文魚露笋卷... 迷你蟹肉蛋白沙律撻... 珍珠帶子配紅洋蔥小多士... 蘋果提子干沙律伴法國軟芝士釀青瓜杯... 雞尾蝦鮮果沙律... 焗聖誕火雞釀栗子及有機薏米... 香煎海鱸魚柳伴法式檸檬白酒汁... 特級豬豚肉伴野菌薯仔批... 西班牙辣肉腸有機長通粉... 有機欖油炒時蔬... 迷你開心果法式朱古力蛋糕... 迷你美國青蘋果批

 

可惜... 食完之後... 老板唔記得下午放假... 結果... d同事都走得7788啦... 大秘書突然出嚟搵人... ee~~ 點解d人走曬... 先知下奏放假... 老板都即刻走人... 搞到我成2:30先走得... 哈哈~~ 唔緊要啦!! 最緊要有得放... 

咁早番到屋企... 更係唔好浪費咗個下奏啦... 襯阿bu未番到... 帶小春去睇定e生先... 始終都有兩聲咳... 

小春見我咁早番屋企... 表現得好興奮... 而我亦欣賞到... 當只係嫲嫲一個揍佢... 其實佢都幾乖哎... 點解我知?! 因為睇佢玩到周圍都係嘢... 冇人幫佢拾嘅情況下... 都只係見到佢油吓顏色... 玩吓ice-cream... 尚算乾淨ok...

出到門口... 又要我同佢影相... 又唱歌又剩啦... 

去到法國... 睇開個e生放假... 今次睇呢個好d求其... 比得嗰3日藥... 2百幾蚊... 真係想同佢講... 錢唔係問題... 可唔可以開多幾日藥比我... (公司兒科可claim 800)... 唔好浪費我d時間... 同的士錢哎...

等緊攞藥時... 有個女仔走嚟同小春玩... 嘩~~ 個女仔頑皮到呢... 我攞張向email收到... 自己print出嚟睇嘅故事書仔... 講比小春聽... 之後小春攞住張紙寫字... 小春寫 Z... 但讀唔正... 讀咗 C... 個女仔搶佢支筆... 教佢寫個C字... 第1... 點解要向小春隻手搶支筆... 第2... 佢係調轉咗個C字寫嘅... 自己唔識... 重教人... 又教小春爬梳化... 佢都唔細... 高小春好多... 佢阿媽完全唔理佢...

好彩當佢走時... 小春自己同我講... 姐姐好曳~~

睇完e生... 約咗阿tun向小春學校等... 因為... 聽日要帶阿bu去參加Christmas Party... 帶唔到小春去上小動物數手指... 所以要帶阿tun去一次... 認吓路先... 認完路... 就叫tun番屋企先... 我同小春就去買聖誕禮物... 點知行行吓... 吓~~ 竟然撞到許老師... 哈哈~~ 睇得出小春有d驚奇... 又有d R底... 唔知許老師會同媽媽講d咩呢... 我當然唔會錯過呢個機會... 問吓小春呢排嘅情況啦... 許老師話呢排都係覺得小春冇咁即極學習... 我話向屋企都係咁... 油顏色e+好d啦... 但溫書都好似冇以前咁有動力... 許老師就攬吓小春... 同佢講要加油呀... 要同媽媽一齊溫書... 好唔好?? 小春都應承咗...

夜晚做功課... 又真係好似幾乖喎... 都係嗰句啦... 老師講一句... 好過我哋講十句囉.........