苦到嘔~

尋日lunch去咗行萬寧... 又買咗支手指水啦... 因為... 小春到e+重成日食手指呢... 番到屋企... 小春重訓緊晏訓... 嗱嗱聲點佢兩嘢先...

點知... 開飯啦... 小春話想用手攞住西蘭花食... 我完全唔記得咗... 就比佢食啦... 佢食食吓... 突然話好辣呀~~ (佢未識分甜酸苦辣)... 我話冇理由喎... 烚西蘭花點會辣啫... 跟住就要吐出西蘭花... 重想搵手好似向咀裡面找d咩咁... 我突然諗起... 即刻按住佢對手... 唔好摸咀咀呀... 媽媽塗咗苦水水呀... 呢個時候... 佢就嘔咗出嚟... (好彩唔係食咗好多)...

記得佢重好細個時... 我都試過買手指水... 嗰次佢又係嘔... 但第二日... 佢已經適應咗... 重一點即食都冇問題... 唉~~ 今次諗住佢大個... 知道苦啦... 應該唔會食啦呱... 點知自己唔記得提醒佢... 又嘔... 哈哈~~

夜晚... 同佢傾計時... 佢突然話要勾手指尾... 咁我就同佢勾啦... 佢自己講... 應承媽媽唔食手手... 唔點苦水水... 哈哈~~ 我就話好啦... 如果翹翹唔食手指... 我就唔點苦水水啦... 但係如果你食... 就要點㗎啦... 哈哈~~

另外... 尋晚... 終於收到一人一花嘅通告... 叫我哋準備定花盆... 相信... 惡夢好快會開始... 哈哈~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

尋日寫blog... 有樣好重要嘅笑科唔記得講... 就係... 前晚向沙律屋企睇on9 360大結局... 講馬明比車撞到... 要做手術... 小春好驚好擔心... 我就攬住佢安慰... 順便教佢... 過馬路好危險... 一定要拖住大人... 如果跌咗嘢... 都唔好自己執... 要搵大人幫手... 之類啦... 佢依然嗱口嗱面咁... 到賣廣告前... 電視影番現場節目... 問吓馬明感受... 小春突然指住電視... "吓"... 咁一聲... 哈哈~~ 我同沙律一齊笑... 再解釋比佢聽... 哥哥冇事... 佢哋只係做戲咋... 哈哈哈哈~~~~