溫溫燉燉的小春 + 愛哭bu

今朝... 爸爸竟然將臨訓食嘅敏感藥... 一朝早就餵咗比小春食... 唔知係未呢個原因... 佢今日成日都好似傻吓傻吓咁.... 冇厘精神....

學琴時都懵懵吓... 不過學過d咩... 問佢... 佢又記得喎... 你又吹佢唔脹喎... 哈哈~~

雖然只係偷望吓... 但見佢學用兩隻手指仔向琴鍵上走路... 都覺得佢算叻女... 起碼算聽話先啦... 今日學咗1拍2拍同認識C嘅位置... 要番屋企做功課... 但見佢今日油d顏色油得好靚喎...

由於今晚要入媽咪屋企做冬... 所以嗱嗱聲揍佢番屋企訓一陣... 費事今晚重懵懵吓... 佢真係極速入眠囉... 帶埋軒軒入房... 3個一齊訓晏訓...

出門口時... 小春同我講... 媽媽不如著黑色鞋啦... 同媽媽一樣毛毛鞋好緊呀... 嘩~~ 小春真係大個女啦... 好彩... 媽媽已經買咗對新嘅毛毛靴啦... (杏色)... 至於你鍾意同媽媽一樣嘅黑色毛毛靴... sorry啦... 暫時未有... 但媽媽已經訂咗... 好快有貨㗎啦...

同小春 & bu去到沙律屋企... 等豬豬集合... 一齊番媽咪到... 阿bu又表演喊功... 我去邊佢都喊... 但到番到媽咪到... 佢又乜事都冇啦喎... 我得出個結論喇... 就係... 如果向一個陌生嘅環境... 佢見到陌生嘅人... 就會喊... 如果向熟悉嘅地方... 見到陌生人... 佢就冇事喎... 都係安全感問題啦...

其實小春同毛毛都有呢個階段... 但阿bu更厲害... 係因為少出街囉... 希望都係過度期啦... 如果唔係... 都幾煩... 哈哈~~

講番小春... 向入緊媽咪到嗰程的士... 已經又訓咗一陣... 點知到我同佢回程時... 佢又一張訓樣... 好彩我醒... 即刻同佢去買咗盒出奇蛋... 上車一路同佢傾計... 玩公仔... 咁先成功捱到番屋企... 唔係... 我點抱佢呀... 可能又要凍冰冰... 比人叫醒... 自己好可憐咁行番屋企就唔好啦~~