阿bu呢排都唔肯食嘢... 日日媽咪都用針筒餵佢... 佢先肯食奶... 岩岩媽咪就餵緊粥... 我睇到表演啦... 竟然係要一隻食指... 用保鮮紙包住... 一路餵... 佢唔肯食... 就用包住隻手指... 向咀邊慢慢放入佢口... 再夾硬塞粥入去... 真陰公... 食嗰個陰公... 餵嗰個更陰公... 餵到天光都未餵完... 原因不明... 出牙?! 喉嚨痛?! 但佢食餅餅又完全冇事喎~~ 真係玩嘢!!
天氣開始凍... 好彩上個禮拜買咗褸... 包到隻糭咁走人... 又醒目帶咗腰櫈... 等阿bu可以望住街街咁行... 佢勁興奮囉... 哈哈~~
點知... 上到車... 佢就訓咗... 訓咗當然唔敢同佢除褸啦... 到落車... 見佢成頭汗... 但又好大風喎... 都唔敢幫佢除褸... 再上van仔... 摸吓佢... 底衫都濕埋... 點算呢... 唉~~ 但佢重訓緊... 咁除褸又好易凍親喎... 唯有幫佢除單邊袖... 再蓋番住個肚啦... 又落車喇... 又大風喎... 明知佢熱... 但都要同佢戴番頂帽囉... 真矛盾...
到番到屋企門口喇... 少爺起身啦... 兩姐弟一樣㗎... 一上車就訓... 落車重訓... 好喇... 等你抱到身水身汗喇... 番到屋企門口... 都未開門... 什至未按門鈴... 未攞鎖匙... 佢哋自然就會醒... 搞笑!!
差d唔記得講... 今晚阿bu番到屋企... 突然識叫姐姐... 阿姐... 小春聽到勁開心... 話家姐呢到~~~ 嘻~ 都唔知係唔係撞口掛... 但阿bu又真係成日講喎... (個問題係... 佢到e+都未叫過爸爸呢)... 哈哈~~
沒有留言:
張貼留言