但... 就係呢支上善如水... 搞掂咗我... 其實支嘢都唔係好大支啫... 好似支樽裝大可樂咁大支之嘛... 重要兩個人飲喎... 以前... 不嬲飲米酒都冇事㗎... 唔通又關生完仔... 賀爾蒙唔同咗事??!
今朝起身... 個頭痛到呢... 訓訓訓到12:30... 真係唔得啦... 要同小春去學琴... 嘩... 小春入咗去... 我向出面坐... 個頭繼續痛痛痛....
一落堂... 即刻番屋企再"餅"過.......ZZzzzzz.........
訓得一陣... 又要起身.... 因為今日約咗d媽媽... 一齊去整親子曲奇.... 大家睇吓小春幾叻幾開心....
當然... 好大部份時候... 佢都係去咗玩啦... 但所以程序... 佢都有參與過... 同埋即場焗起時... 佢即時試食... 都話好好味... 重覺得自己好叻... 真係好似覺得係自己整嘅咁... 滿足感非常大... 嘻~
番到屋企... 爸爸試食... 都話好好味添呀!!
沒有留言:
張貼留言