放學出嚟落大雨... 唯有向琴行等一陣啦... 咁岩Ms. Cheung都冇帶遮... 陪我哋坐咗一陣... 佢講解工課比我聽... 又同小春傾吓計... 重叫小春唱歌比佢聽... 又問佢有冇學跳舞... 小春就即席表演咗韓文版嘅"三隻小熊"... Ms. Cheung同另一位姐姐都拍曬手... 話點解佢韓文都識唱嘅... (其實好多甩漏嘅)... 我話因為學校學跳舞... 老師用咗呢首歌... Ms. Cheung話咁小春記憶力好好喎...哈哈~~ 重叫佢唱多次... 用手機影低佢添... 哈哈~~ 小春真係去到邊... 都咁討人歡喜... (小丑)... 哈哈~~~ 好衰... 咁話自己個囡....
之後... 指定動作... 去姨婆屋企... 又落雨... 訓晏覺... 再去美麗華商務打書釘... 以前真係冇咁鍾意去書局睇書... 要邊本買邊本就走... e+有小春... 佢鍾意攞幾本... 坐向地下慢慢睇... 我哋又樂得清閒... 睇睇睇... 咩選校呀... 咩教育呀... e+都可襯機會睇吓...
尋晚... 小春做咗個動作叫我睇吓... 哎~~ 呢句說話咁熟嘅... 諗諗吓~~ 未係霖霖細個時... 做同一個動作... 同我講同一番說話... (真係外甥多似舅呀)... 記得細個時都唔明霖霖做咩... 有咩特別... 霖就好忟咁話自己隻手指點點點... 考吓大家睇吓有咩特別哎啦~~ 哈哈!!
哎~~ 重有樣嘢... 小春呢排好鍾意分男孩子女孩子... 例如... 拒絕坐藍色櫈... 因為女孩子係要坐紅色櫈嘅... 好堅持... 尋晚... 佢要玩ipad填色... 油油吓隻小飛象... 突然將佢油到紅曬... 我問佢點解... 不如頂帽油紅色啦... 佢又再堅持... "咁我鍾意紅色嘛~~~".... 雖然聲線有d唔耐煩... 但... 唔通人哋鍾意都唔比咩... 所以我最後唯有比佢自由發揮創意囉~~
到臨訓... 同佢傾計... 我問佢今日彈琴琴嗰陣... 好似有個小朋友唔乖喎... 爬咗去隔離張櫈玩... 佢好激動話冇... 我話我影咗你相呀... 唔信我比你睇哎... 佢話原來係Ms. Cheung叫佢坐過隔離先... 幫佢整番個椅套啫... 哦~~ 咁媽媽真係sorry呀... 我唔知嘛... 你話比我聽... 我未知囉... 佢竟然答..... "唔"..... 真係老積!!!
沒有留言:
張貼留言