平安夜2013

今年平安夜... 又去咗沙律屋企開party...

阿bu尋晚好比面... 冇之前喊得咁厲害喎... 唔知佢幾時先認得姨婆屋企呢?! 不過佢咁少出街... 有時喊吓都好正常啫... 但如果好似小春細個咁... 個個抱都唔喊... 咁就更加得人鍾意囉... 哈哈~ 加油呀細佬~~~

重記得上年嘅平安夜... 我哋又係向沙律屋企... 小春、毛毛、阿bu同肥波... 一齊扮聖誕老人... 哈哈~~ 好得意㗎!!

(斬)吓眼... 今年大家都大個好多啦... 小春今次都冇咁抗拒同毛毛玩... 哈哈~~ 呷醋王... 結果... 嘩~~ 噪到呢... 不過個個都好開心!!

小春重唱歌助興添~~ 攬住細佬bu... 好似好fd咁... 哈哈~~ 不過後面就有媽咪不停鬧毛毛嘅聲音... 真係失禮曬... 哈哈~~

重要多謝舅父舅母送嘅禮物... 我今年忙... 毛毛嗰份後補啦... 嘻~~ 睇吓阿bu搞搞震個醜樣就想笑!! 佢都係笑得意d... 但e+咁細... 已經睇得出佢勁古惑囉...

今年重有d驚佢哋撞到... 大家一路食嘢都好小心睇住佢哋... 出年啦... 我估出年我哋可以食得安心d... 有得佢哋自己跑嚟跑去啦...

Party結束後... 我哋重去咗小春契爺屋企... 呢個小春... 見到契爺儲嘅figure公仔入面... 竟然有盒怪獸公司特別版嘅figure... (聽講好貴㗎)... 就咁就比佢R咗番嚟... 做聖誕禮物啦!! 真係咁都得... 比佢激死... 契爺話呢套特別版... 可以換衫㗎... 唔拆嘅話... 可以保值... 搞到我勁唔好意思... 拎到番屋企都唔敢拆... 只係話比小春聽... 呢盒嘢好似爸爸d Donald Duck咁... 只係要嚟睇㗎咋... 唔可以開嚟玩㗎...