冇堂上... 都係咁忙... (3隻馬騮仔)

今個星期... 小春唔洗番Phonics啦... 因為考試合格升班啦... 唔洗番輔導班... 所以1月先再開學... 而且... 今日小動物數手指又停課一天... 剩係朝早畫吓畫啫... 所以叫阿tun放假一天... 自己睇番對囝囡... 諗起都想嘔... 哈哈~~ 講笑啫!!

下午... 99同文文諗食咩... 我話文文放假不如大家一齊去飲茶啦... 結果一行6人... 有老有嫩咁gogogo... 哈哈~~ 阿bu次次去飲茶... 都只係坐向bb車... on居居咁坐&訓... 都唔知我哋做咩... 今次第一次有得埋飯枱... 重可以敲枱敲碟... 興奮到哎哎聲啦...

飲完茶... 同小春阿bu文文軒軒... 一齊去咗圖書館睇書兼借書... 小朋友就係咁... 無論你鍾唔鍾意睇書... 一去到圖書館... 見到咁多書... 咁多小朋友都咁乖睇書... 好自然... 佢哋都認真起嚟... 小春就當然去搵佢嘅迪士尼圖書啦... 軒軒就搵咗火車書... 我抱住bubu... 就去搵d簡單嘅英文故事... 借借借... 完部借曬番屋企... (圖書館只能借8本... 如果唔係拎死我都似)...

之後... 文文就去買餸... 我就厲害啦... 一個人咩住成袋書&小朋友用品... 抱一個... 帶兩個小朋友番屋企... 好彩兩個小朋友都聽我話... 我只要拖住軒軒... (人哋個仔更要拖實d)... 軒軒就拖住小春... (我對小春都好有信心)... 嘻~~

番到屋企... 又開始... 續個洗手... 揍訓覺... 餵飲奶... 揍屙尿... 餵食粥... 餵食飯....

終於... 阿tun都番嚟啦.... 阿tun~~ 我好掛住你呀!!!