上進春

許老師今日打比我... 話小春e+番學好乖... 不單只冇喊... 重上每一科目... 上堂都好留心... 真係聽到都覺得安慰... 

我又話番比老師聽啦... 我每晚番到屋企... 都會同佢溫習... 而我亦感覺到佢真係識... 佢重爭住講番比我聽... 有本故事書... 佢重會要求我唔好講... 等佢講比我聽... 雖然佢唔係講得好好... 但都有文有路㗎... 

記得之前同佢去報phonics... 個阿sir見咗佢一陣... 評估佢係咩Level... 阿sir話都好surprise... 小春咁細... 又未讀過pre-nursery... 都可以識曬大細楷字母... 同都幾多生字... 只係大楷 I 同小楷 l... 有少少混淆... 不過佢有個問題... 係... 如果佢識嗰樣嘢... 佢會好有心機去聽... 去答... 但若佢唔識呢... 佢會發呆... 唔係好積極咁學... 嘩... 簡直係一語道破... 小春就係咁... 

之前有人問我... 咁你點教佢d字... 我真係唔識答... 因為我只附助式咁提佢... 佢主要係自己睇youtube學嘅... 佢成日都睇... 可能睇得多就記住咗囉... 有時... 我自己向到諗... 死啦... 到阿bu嗰時... 如果佢唔係咁... 佢只當首歌咁聽... 咁點算呀... 真係要我教... 都唔知由邊到教起... 

就呢個問題... 我同媽咪傾過... 佢話... 如果你覺得小春有呢個問題... 你就要小心啦... 備課本來係好習慣... 但都要睇一個小朋友嘅本質... 好似佢自己睇劇咁... 佢會一套劇... 睇幾廿百次... 但每次都有新感受... 第一次... 可能只係咁笑... 第二次可能留心到主角小動作... 第三次可能留意到風景好靚喎... 如果你小朋友可以咁... 當然備課好啦... 但... 我哋都係過來人... 會持住自己小聰明... 已經識... 到上堂唔留心... 結果... 當發現時... 原來自己已比人落後了... 所以... 需要留意小春... 希望佢每一次睇書... 都有新啟發先得... 

嘩!! 呢門學問... 博大精深呀... 真係冇諗過... 我只係同佢溫吓書啫... 可以諗咁多嘢出嚟... 而又咁有道理... 真係考起我....