小春嗰日向學校肚痛後... 食咗1日藥...
傷風咳都好番曬... 全日冇燒... 但尋晚一陣又話痾尿pat pat痛... 一陣又話叉腰痛... 一陣又話肚痛... 同佢試吓用試紙...
好似又有尿道炎咁... 張紙都變曬色... 重開始燒番... 38點幾... 今朝重39添... 但起身後又冇燒啦喎... 佢次次尿道炎... 都食極藥唔退燒...
所以都唔知係唔係... 真煩惱...
既然冇燒... 當然比佢去學校生日會啦... 話曬佢都係今個月之星嘛... 小春更係超開心啦... 番嚟重係咁講講講... 又話佢個蛋糕最靚... 不過好甜喎... 又講玩d乜... 重好多禮物添...
跟住我同爸爸就商量... 夜晚帶佢去急症室睇多次... 冇法啦... 心唔安呀... 因為約咗下星期照超聲波同造影... 睇吓小春e+尿倒流情況... 但需要向尿道炎好番曬... 六星期後先做得... 所以我一定要即刻就知... 佢係未真係有尿道炎囉... 爸爸好好... 不單冇嫌我煩... 重主動話請半日假... 陪我上瑪麗... 結果等到forever... 小春又流唔到小便... 點知就向睇緊醫生時... 小姐話好急好急... 趕唔切... 癩尿了... 唉...
結果留咗好少做即時試紙測試... 咁我哋就帶小春番姥姥到沖涼換衫... 再流埋中間小便... 又再攞番上瑪麗... 終於醫生話... 佢小便冇見白血球... 但就有d血... 問我哋入唔入醫院... 嘩!! 今日星期五喎... 跟住星期六日... 冇啦啦留向到... 又未必有大醫生睇... 重要小春發緊燒... 要留高危病房... 爸爸緊係唔比留啦...
最後就攞咗抗生素番屋企食囉...
沒有留言:
張貼留言