小春識寫的第一個英文字母

小春每晚都會同我講... "簽名時間"... 唔知點解... 亦唔知邊個教佢... 重知佢會攞支筆... 攞張紙... (有時可能只係一張面紙)... 跟住鬼畫符... 然後話我聽... 呢個係媽媽簽名... 呢個係爸爸... 呢個係家姐... 呢個係好嫲嫲............. 尋晚... 佢如常咁寫... 突然... 佢好大力咁拍我.... "媽媽... H呀"... 我一望... 哎~~~ 真係H呀~~~好叻呀... 開心死媽媽啦... (雖然我知... 有d同齡嘅小朋友... 已經識寫好多字)...

今朝同佢去上phonics... 有個阿sir... (唔係教佢嘅... 只係其中一d阿sir)... 佢自己走埋嚟問我小春幾多歲... 我話今個月尾3歲啦... 佢話留意到小春... 手仔未夠力... 不過小春咁細個... 向copy book都跟到寫字... 但就咁寫就未寫到... 我就話比佢聽... 尋晚小春向白紙寫到 H 呀... 佢話咁細個已經好叻... 

其實... 我唔會咁快逼佢... 一定要寫到字囉... 始終驚佢學壞手勢... 係平時學phonics的copy book... 因為要交功課... 我會捉佢手仔寫幾隻就算... 學到幾多得幾多啦... 反正佢e+寫到 H... 其他... 指日可待啦~~~

今日重有件趣事... 就係話說小春上完phonics... 經過一間藥房... 見到Toys Story嘅紙巾... 小春點會錯過哎... 

點知食完飯... 又去吓圖書館借書... 又去完信生Open Day... 送咗d禮物... 再去家品店買嘢時... 個袋已多嘢到搵唔到個銀包... 咁我唯有行埋一邊... 將袋入面d嘢拎出嚟搵吓啦... 行完一輪... 比埋錢... 同小春講... 走啦.... 行行吓... 小春突然叫住我... 指住一個方向... 媽媽... 唔記得胡迪喎... 我望吓... 成包紙巾就放向貨架到... 哈哈~~ 咁大包嘢都可以唔記得嘅... 好彩小春叻叻... 哈哈~~