咁又一年啦... 上年小春生日前... 我哋申請咗迪士尼嘅紅卡... 計吓條數... 雖然我哋都唔係成日去... 起碼平日我要番工都唔去得啦... 但真係玩夠本囉... 嚟緊... 諗住唔續會住... 睇吓幾次下次鍾意幾時去先再入會啦...
回想上年小春第一次去迪士尼時... 當時我剛生完阿bu... 阿bu都重未出院... 我同沙律帶住小春去... 佢由驚青... 佢鍾意... 見米奇入番去休息... 佢係咁追住人... 跟住一見米奇走咗... 即刻喊到收唔到聲... 玩彈弓狗... 又要驚又要玩... 嗰個表情好笑到呢...
睇吓呢張相...其實佢係向到喊緊... 驚到佢死死吓... 正一R底獸... 哈哈~~
再睇吓佢嗰時幾細個
而家再去唔同曬啦... 咩都識... d公仔名佢差唔多都識曬... 有要求要玩咩... 玩邊樣先... 影相... 已經唔係好影啦... 都冇咩未影過... 哈哈~~
但呢幾張係佢自己要求影的... 睇吓大個咗幾多... 重自己擺曬pose添...
沒有留言:
張貼留言