交際春 + 盲春演奏會

今日係羅記生日... 咁岩志雄又放假... 就同埋小春一齊去食晚飯慶祝... 小春對上一次見大家... 好似已經係Matthew生日啦... 諗住佢又要時間warm up吓啦... 點知去到... 成個交際花咁... 滿場飛周圍social... 成班uncle antie都覺得佢搞笑... 更係啦... 個個差唔到都由細睇到佢大啦... 好彩小春都唔係鍾意喊... 如果唔係... 真係冇人鍾意同佢玩呀... 呢晚... 小春終於學識V字影相... 好好笑... V到遮住曬隻眼... 同埋... 唔知係未呢排去得生日會多... 一見到蛋糕就走埋去要影相.... 唔知以為佢生日添... 哈哈~

番到屋企... 小春依然好興奮... 重係咁表演佢嘅盲春演奏... 囡呀囡... 有咗你呢個開心果... 媽媽以後... 都唔洗擔心唔開心啦... 因為每次見到你... 自自然然... 咩煩惱都走曬... (雖然e+冇煩惱)... 嘻嘻~~