嬲怒的鸚鵡

今日一番到屋企, 鍚吓bb先!! 點知佢就喊到收唔到聲喇~~ 姥姥話佢都未夠鐘食奶, 成個晏晝都唔知幾乖, 99又話佢乖, 點解媽咪一番嚟就喊家?! 唉~ 你哋問我... 我又問邊個呢?! 唯一解釋.... 就係小春蝦我囉!! 咁我呢個乳人未即刻出動囉!! 食完... 乖曬... 重訓埋添!! 哎呀~~ 陪媽咪玩一陣先啦~~

小朋友就算d頭髮幾多, 始終都唔係真係好多, 抺一抺... 好快就乾曬!! 所以每次當小春沖完涼, 唔即刻幫佢整理一下, 乾咗之後d頭髮就會企曬起身!! 繼99話小春海膽頭之後, 我幫佢呢張相冠名為 "嬲怒的鸚鵡" 哈哈~