話咁快小春就兩個月啦!! 繼滿月嘅小party之後, 今次原本想叫埋姥爺, 豬豬, 沙律佢哋出嚟, 一家人食餐飯慶祝嘅, 點知咁岩姥爺入咗醫院喎!! 原先都諗住算啦, 同媽咪林林兩公婆, 少少人食餐飯就算, 但到最後都係叫埋沙律同Mathew!!
臨時臨急, book邊到食好呢?! 上網睇睇睇.... 又諗吓阿少年食神d介紹, 結果book咗旺角鳳城!! 上環, 北角, 太子鳳城都食過, 都唔錯哎!! 尤其佢個炸子雞, 我最鍾意!! 諗住冇死啦!! 點知....
我哋叫咗個半席嘅套餐, d名樣樣都好好聽呀, 不過就虛有其名囉!! 早知行多幾步過太子好過, 下次真係米搞!! 買單$1,5xx真係唔gur呀!! 唉~~ 本來諗住佢哋個個封咁厚利事比小春, 請人哋食餐飯, 點知.... 真係唔好意思呀!! 不過好在.... 我d屋企人都唔係咁計較嘅!! 最緊要嘅係, 我哋自己傾得, 玩得, 影得都好開心!! 尤其係林林同Kobe精彩嘅舞蹈..... 哈哈哈~~ 笑死我哋啦!!
P.S. 田景霖~ 你好嗱嗱聲sent番d相嚟呀!! 上次d相都未sent呀!! 係未想我打獲你呀~~
閑來沒事 進來逛下 新浪遊戲 熱風海賊王 海賊王蛇姬圖片
回覆刪除