尋晚99落完街番嚟, 送咗兩隻玉鐲比小春同大番薯一人一隻, 但係小春咁細又點可能岩戴呢!! 哈哈~~ 所以我哋向到研究咗好耐, 點樣用玉繩纏到岩戴呢!! 搞咗好耐, 結果都係唔成功, 大番薯嗰隻, 我見佢好似唔知點, 搵隻扣針扣咗向心口!!
今朝小春訓咗覺, 我死心不息, 哈哈~ 又比我整到啦!! 重要有機關嘅添!! 哈哈~~ 咩機關?! 用文字好難解釋喎!! 大家睇吓以下幅圖先, 內圈其實係一個個嘅繩結, 將結向外反, 圈口大咗.... 手就可以伸入去啦!! 手伸咗入去之後, 再將繩結向內反, 圈口變番細, 咁就唔會掉啦!! 哈哈~~ 我實在係太聰明啦!!
但結果隻鐲都冇戴... 點解呢? 因為條玉繩質地咁粗, 會磨到我小春隻手家嘛!!
近傍晚, 林林 & Kobe嚟探小春, 小春真係越嚟越似田景霖, 連Kobe都話... 如果見過田景霖細個d相, 就知有幾似囉!!
林林重第一次抱小春添!! 嘻嘻~~ 點呀雷公!! 美嗎??
沒有留言:
張貼留言