今日一早起身, 呀~~ 7:30啦~~ 點解個鬧鐘唔響家!! 但係一落床第一件事都係要去摸吓個女囉!! 梳洗完, 一番入房, 見個女又向到啜啜啜, 忍唔住.... 都係要拍吓佢video先囉!!
一路泵奶就一路留意佢醒未, 事關佢今晚就番姥姥到啦, 好唔捨得呀!! 哎呀~~ 佢終於都醒啦!! 泵緊奶都唔理啦, 嗱嗱聲要佢鍚啖媽咪先!! 哈哈~
醒咗就更係扭食奶啦!! 但係志雄又聽唔到佢嘅喊聲喎!!
由於我就坐向小春床頭, 所以佢就唯有望曬向上咁向我求救喇!!
睇到佢個樣咁可憐, 我更係有幫佢叫醒爸爸餵奶啦!! 唉~~ 女呀女..... 你咁樣.... 媽咪邊捨得番工呀!! 我問志雄, 不如我唔好番工囉?! 志雄話叫我自己諗喎!! 我問小春, 媽咪唔番工好冇呀?! 小春竟然真係答我....呵呀!! 呵呀!! 哈哈~~ 志雄即刻話, 佢話好喎!! 哈哈~~
不過..... 幾經爭扎.... 我都係決定番工! 唔可以咁家!! 唔通我個個星期一都唔番工咩?! 雖然又遲起身.... 又搞咗好耐先出到門口..... 好彩..... 番到公司岩岩04分.... 唔算遲到!!
沒有留言:
張貼留言