怕熱小春

尋日林林入咗院, 預備今日割喉嚨粒嘢!! Kobe去完醫院探佢番咗嚟華富!

食完飯, 我哋就帶住小春落華貴, 探岩岩出院嘅姥爺!! 所以小春個蟲蟲袋又出動啦!! Kobe第一次見個蟲蟲袋, 覺得小春好過癮, 係咁影佢相, 哈哈~~ 當然我自己都唔執輸啦!! 嘻~~                                

 

睇佢..... 佢著咗一件和尚袍, 一件羊毛老底, 一件都幾厚嘅夾衣, 一件薄夾綿背心, 我就話夠啦!! 就咁著蟲蟲袋未得囉!! 姥姥就話唔好, 都重要加多張夾綿包被, 哈哈~~ 結果一落到街, 好怕熱嘅小春就發爛炸, 哈哈~~ 無辦法啦!! 向街都幫唔到佢除啦!! 結果換番姥姥抱, 點知佢就收咗聲, 重暖笠笠咁訓埋添!! 哈哈~~

 

 

P.S. 希望林林今日手術順利, 早日康復啦~~