好彩有舅父仔幫手

今日一放工就番媽咪到, 但係媽咪趕住要去瑪麗睇姥爺, 等唔切我番去, 好彩林林得閒, 可以上去幫手睇住小春先!! 我番到去小春好乖咁自己訓緊覺, 我就餵佢飲奶啦, 唔知係我唔係好夠奶, 定係天氣太凍呢, 佢好似唔係好願啜咁嘅!! 但你話佢唔願食咩, 餵完之後.... 佢重啜啜啜喎!! 睇吓佢啜啜啜個樣幾衰! 哈哈~    

媽咪話尋晚我餵完佢一走, 佢就喊到收唔到聲, 結果要補多2安比佢, 佢先乖乖哋訓呀!! 雖知道我小春, 除咗肚餓係好少喊嘅, 但係一餓.... 就喊到好似九日冇飯開咁, 所以.... 我估佢都應該唔係因為我走而喊囉!! 唉~ 不過其實我都覺得, 呢兩日d奶明顯少咗家啦, 兩邊加埋先得嗰3安幾, 邊夠佢飲哎!!

不過又出奇喎, 尋日結果佢都捱到3個鐘頭先喊喎!! 其間重ee oror咁添~~

 

放佢坐响到影張相, 都比媽咪鬧, 話佢條腰骨咁唔得家~~~