因為姥姥每星期都有一日要番工, 所以志雄第時d假, 都會變曬揍女日啦!! 又因為小春新年前都暫時唔會番我屋企, 所以志雄尋日放假, 就要一早去姥姥屋企照顧小春喇!!
嘩~ 重早起身過佢平時番工呀!! 不過做咗爸爸真係唔同d, 早起身~~ 完全冇難度!! 重為咗呢個重任, 一向唔病到死死吓都唔去睇醫生嘅佢, 前日都特登睇定醫生, 打定針!! 重話到時要戴埋口罩, 話驚傳染個女喎, 真係廿四孝老豆呀!! 哈哈~~
尋晚我放工番到華富屋企, 見到佢....... 口罩就戴咗喇, 不過係戴向下巴呢!! 吓~~ 咁都算家咩!! 真係比佢激死...... 哈哈~~ 不過算啦!! 見佢都好似冇乜事喇, 就放過佢啦!! 嘻~
小春妹妹呀~~ 有冇掛住媽咪呀!!
呢兩日, 佢又學識一樣嘢, 就係伸脷脷喇!! 其實脷就不嬲都伸家啦, 不過係lam嘢囉!! e+唔同嘅係, 佢唔係lam嘢, 係真係玩條脷, 好好笑!! 不過就開始要戴口水肩啦!! 尋晚我番到去, 向住佢伸脷, 佢就好奸咁對住我笑, 然後伸出佢條脷仔喇!! 幾搞笑呀~~
同場加演........ 佛山無影腳腳腳腳腳........
沒有留言:
張貼留言